tg-me.com/lawlaw1400/1466
Last Update:
سەرەتا دەست خۆشی لە خاتوو لاولاوی غەزەل هاوڕێی هەمیشە دڵسۆزی ئەدەبیات و هونەر بە تایبەت شێعر دەکەم.
کاتێک شێعرەکەم خوێندەوە هەستم کرد بە قەولی فارسەکان «دەستی پڕە» و شتێکی بۆ کوتن هەیە، هەر بۆیە ئەم چەند تێبینییەم لەسەر نووسیوە. هیوادارم بتوانم زمانی شێعری خاتوو لاولاو بم و زانیاریەکی باشم لێ هەڵکڕاندبێ.
قالبی ئەم شێعرە چوارپارەیە.
ئەم قاڵبە لە دوای سەردەمی مەشرووتیەت هاتە ئێرانەوە. شاعیران حەولیان ئەوە بوو کە قاڵبێکی نوێ بخوڵقێنن.
وەزن لەم قالبە دا ئازادە. واتا شاعیر تەواو دەستی کراوەیە و دەتوانێ لە هەر بوارێکدا حەز دەکا قسەکانی بنووسێ. خاتوو لاولاو وەک زۆربەی شێعرەکانی ناوەرۆکی دڵداری و عاشقانەی هەڵبژاردووە.
فەرەیدوون تەوەلولی، پەرویز خانلەری و موشیری شاعیرانی بەناوبانگی ئەم قالبەن.
لە مێسراعی سەرەتا دا پێش ئەوەی باس لە تاڵی موو بکردرێ خوێنەر هەستی پێ دەکا. بەڵام میسراعی دووهەم ئەو شکە تەواو دەکاتە ڕاستی.
مووی زەرد بە ڕای من لێرەدا موویەکی ناساغ و نەخۆش وێنا دەکا، کە گەردەلوول واتا شێوان و ئاشوفتەگی موو وەک بڵێن مۆرێکی درووست لەم بیر و باوەڕە دەدا.
دو وشەی مووم لێرەدا جێناسی تام ن.
مووی سەر و مۆم، ئەم ئارایانە بەڕای من هەڵبەت، جوانترین ئارایەن و باری مۆسیقای شێعر دەبەنە سەرێ و لە گوێ خۆشن.
لە چەند دێڕی سەرەتا دا ئەشق و دڵداری و ئەوین و سووتانێکی زۆر لە دڵدار دەبینی بەڵام لە کۆپلەی چوارەم دا لە پڕ خێسە و مۆنی و ڕوو گرژی.
ئەم بەشە زۆر جوانە بەڵام هەست دەکەم زۆر لە ناکاو ئەم ئەشقە دەبێتە نەفرەت و پرسیارێک بەلامەوە درووست بوو کە بۆچی ئاشق مۆڕە لە دڵدارەکەی دەکات؟ بۆ لە پڕ ئەو نەفرەت و تاڵیە هاتە پێش؟
فڕ و فیلم سوار، زیندوو کردنەوەی ئەم پەندە جگە لە باری مۆسیقاوە تایبەتمەندیەکی ئەوتۆی بە شێعر داوە.
زەبر و زەنگ، جەنگ و جەنگە، داکەوێ، لێکەوێ، ئەم وشانە و کۆپلەی شەشی دوو دێڕی سەرەتا: ئەم خەیاڵە خاوە خۆ... باری مۆسیقیایی شێعریان زۆر دەوڵەمەند کردووە.
بەستنی تاڵی قژ و هەست. ئەم بەستنە با ئەوەیکە هەر مانای بەستن دەدا بەڵام بۆ هەر یەک لەوانە مانایەکی جیاوازی هەیە.
هەست و موو ئیدی ناتوانن ئەم سەرکەشیەی جارانیان هەبێ و دڵدار دەیانبەستێتەوە واتا کەوتوونەتە ژێر کۆنتڕۆڵی دڵدارەوە.
لە کولیەتی ئەم شێعرەدا دوو کۆنتاکتم دی.
یەک : لە لایەکەوە شاعیر دەڵێ :
« جەنگی ئەم جارەم رەببی دڵ سەرکەوێ»
بەڵام دوایە دەڵێ:
« با ببەستم تاڵەکان و هەستەکان»
ئەگەر بڕیارە دڵ سەرکەوێ بۆچی هەست سەرکوت دەکرێ؟ ئەم دوانە دوو شتی یەکگرتوون و ناکرێ لێک جیا بنەوە. ئەگەر بڕیارە دڵ سەرکەوێ دەبێ هەست ئازادی و سەربەخۆیی پێبدرێ.
دووهەم کۆنتاکت وەک لە سەرێ باسم کرد ئەم ئەشق و سووتان و دڵداریە بۆچی لە پڕ بوو بە نەفرەت و ڕق و ناهومێدی؟
هەڵبەت ئەم کۆنتاکتە زۆر جوانە بەڵام دەبێ زەمینە بۆ ساز کرابا.
جوانی کوللی ئەم شێعرە جگە لە زۆر شت وەک مۆسیقا و زیندوو کردنەوەی وشە و پەندی پێشوو و ئارایەی وەک جناس تام و مراعات النظیر، واج آرایی و ...کە ئاماژەم پێکردن، نیشان دانی ئەو سەتح لە دڵداری و ڕق و قینە بە وشەی زبر و نەرم بە هەستێکی پاراو زۆر تایبەتە، با ئەوەیکە شاعیر هەستی بەستۆتەوە و دەیهەوێ بەسەری دا زاڵ بێ بەڵام هەر هەستە کە بە سەر شێعر و مێشکی شاعیردا سەردەکەوێ.
بە ڕای من هەست وەک گیایەکە ، هەرچەند بیبڕی و سەرکوتی کەی هەر هەڵداتەوە و ژیانەوە بە ئینسان و خاک دەدا.
هەر بژی و هەزار جار دەستت خۆش بێ. زۆرم چێژ لێ برد.🌱🍎
BY لاولاو
Warning: Undefined variable $i in /var/www/tg-me/post.php on line 280
Share with your friend now:
tg-me.com/lawlaw1400/1466