🌱الملوخيه الخطيره بالجمبري مين بيحبها 😋😋😋تعالوا اقلكوا كل التكات والحركات بتاعها بجد خطيره🤩
الطريقه//نص كيلو ملوخيه مجمده او فريش عادي مش هتفرق هنحطها في الحله ومعاها معلقه كبيره تووم مفروم ومعلقه كبيره سمنه ورشه سكر وملح وبابريكا وفلفل وكمون ونحطها عالنار نقلب فيها لما تمتزج مع بعضها كده وتعمل عرق ننزل عليها بكبشتين شوربه جمبري بعملها بقشر الجمبري اللي قشرته
واقلب بقي واول ماتبدتي تغلي انزل رشه كربوناته واطفي وفي الطاسه اجهز كام فص توم مفرومين ومعلقه سمنه عليهم وكسبره ناشفه ورشه بابريكا صغيره والجمبري اكون متبلاه تووم وملح وكمون ولموون واقلب بقي الطاسه كويس لما يستوي الجمبري اطشه عالملوخيه مش عاوزه اقولكم عالطعم والريحه😋
🧁🧁🍕🍕🍗🍗

🍕🤤 اسهل فطير شرقي عشان ماتتعبيش

الفطير الشرقي الخطير😋من غير ولا عجن ولا دقيق ولا اي حاجه

المقادير

لفه جلاش
علبه زبادي ١٦٠ جرام
نص كوب زبده او سمنه
نص كوب قشطه
رشه ملح ورشه سكر ومعلقه صغيره ممسوحه بيكينج بودر
اي حشو عندك بقي واتنين بيضه

الطريقه هنخلط المكونات كويس جداا مع بعض وناخد معلقه قشطه نسيبها علي جنب
هنحضر صينيه مقاس٢٨ او ٣٠ ندهنها سمنه كويس ونجيب ورق الجلاش نرص نصه جوه الصينيه ونصه بره وندهنه كويس جدا جدا بالخليط وهكذا اما نخلص كل ورق الجلاش ماعادا اخر ورقه سيبيها علي جنب
وبعدين ختحطي الحشوه بتاعك في النص وتضربي البيضتين بالفلفل الاسمر وتحطي بيضه منهم تخلطبها مع الحشو عشان تمسك الحشوه وهنقفل بقي بالورق اللي طالع بره الصينيه كويس وندهن برده بالخليط كويس جداااا ونيجي علي اخر ورقه نقفل بيها عليهم كويس وندهنها كويس بباقي الخليط عالوش وبعدين بقيه الحشوه وبرده جبنه موتزاريلا وبقيه البيضه المضروبه عالوش وعلي فرن سخن ٢٠٠ هتلاقيها علت زي الفطير بالظبط ولما تستوي طلعيها وغطيها بكيس تلاجه وعليه فوطه عشر دقايق بس عشان تبقي طريه ودوقي بقي المفاجأه فطيره ايه تحفه😋😋
اهم حاجه ايدك تبقي سريعه عشان مينشفش منك😋
🧁🧁🍕🍕🍗🍗

🍪بسكوت. اليانسون.
المقادير.
٢ ونص كوب دقيق
كوب سكر
معلقه كبيره يانسون
فانيليا
معلقه كبيره بيكنج بودر
٤ بيضات
تلت كوب زيت
الطريقه
روبي البيض جيدا ثم ضيفي. اليه السكر واخفقي جيدا جيدا حتي يغلظ القوام.
ضيفي الفانيليا
ثم الزيت مع الخفق المستمر حتي يختفي الزيت تماما ثم ضيفي اليانسون
انخلي الذقيق وذره ملح
والبيكنج بودر
ثم ضفيه للخليط السابق. بخفه. حتي ينتهي مقدار الدقيق
ادهني صينه مربعه او صاج بلزيت دهنا جيدا
صبي الحليط. وسوي السطح بضهر المعلقه.
دخليه في الفرن الساخن ١٨٠ حوالي تلت ساعه او الي ان ينضج
اتركه الي ان يبرد تماما ثم قطعيه. اصابع. بسمك ١ سم
ثم دخله الفرن. تاني حتي يتحمص.
لما تدخليه الفرن تاني يكون الفرن علي درجه ١٨٠
وتحمصيه زي البقسماط
ممكن الاستغناء عن اليانسون.
وتتبعي نفس الخطوات. وهايكون زي الكيك. بس محمص.
اكتر من راءيع.
وبلهنا.
🧁🧁🍕🍕🍗🍗

🍪احلي بسكوت بتاع الصعيد الهاشش من جوه ومقرمش من بره والطعم جنااان😋

المقادير
خمس بيضات
كوب سكر
كوب الا ربع سمنه
نص كوب حليب
معلقه صغيره نشادر
ربع معلقه صغيره بيكينج بودر
رشه ملح
فانيليا بعدد البيض يعني خمس اكياس فانيلا

الطريقه

هنضرب السمنه والسكر كووويس جدااااا لما تبقي كريمي ممكن بايدك عااادي
وونزل بالحليب المدوب فيه النشادر ونقلب ونصرب البيض مع الفانيلا في الخلاط كوويس جداااا وننزله عليهم ونقلب كله مع بعضه كوويس والدقيق بقي حسب العجينه ماتاخد منك مقدرش اقولك كميه
يعني هتاخدي الاول كوبين دقيق وحطي عليهم تلبيكبنج بودر والملح وحطيهم واعجني وزودي حبه بحبه لما العجينه تلم معاكي خلاص وقفي بقي

اهم حاجه البسكوت ده عجينته صعبه لااازم ماكينه بسكوت ويتركب فيها قمع مينفعش خااالص بكيس هيتقطع وده اللي حصل معايا واضطريت اشكل بقمع بايدي
لاازم ماكينه والصبنيه تكون مدهونه سمنه والفرن سخن جداااا هتدخليه نار هاديه ياخد لون من تحت تشغلي عليه الشوايه وتطلعيه متجيش جنبه الا لما يبرد والف هنا🥰🥰
🧁🧁🍕🍕🍗🍗

ندخل بقي عالتقيل 🍖احلي موز ضاني مع شويه رز بالمكسرات بس ايه حاجه فخيمة
الطريقه//هجيب الموز اتبلها ملح وفلفل وبابريكا وبهار لحمه وطاسه سخنه فيها ذبده وزيت واديها صدمه من كل ناحيه وتاخد لون حلو كده نشيلها من الطاسه وكل اللي في الطاسه نشيله علي جنب في طبق ونقطع بقي بطاطس شرايح وممكن اي خضار معاها عادي ونفرم بصلتين كبار وندعكهم بملح وفلفل وبابريكا ونتبل بيهم الخضار ونرصه في الصينيه وفوقه الموز وننزل عليها اللي كان في الطاسه ندهنه بيها ونغطيها كويس بورق حراري كويس جدا جدااا اهم حاجه متخليش اي بخار يطلع من الصينيه وعلي فرن سخن ٢٠٠ لمده ساعتين متغتحيش عليها قبل ساعه ونص وشوفيها استوت ولا لااا
الرز//حله عالنار فيها زيت وذبده وننزل ببصلايه صغيره متقطعه نشوحها مع مكعب مرق ولمونه مجففه وورق لورا وحبهان وكركم وبهار مشكل وننزل بالرز ونقلب ونحط عيار الميه عادي وغي الاخر ساعه التقديم نحمر مكسرات وممكن بلاش
🧁🧁🍕🍕🍗🍗

🍖اعملي احلى مشاوي عندك في البيت ريحه وطعم وشكل خطييير😋
التتبيله لاي نوع لحمه عندك تنفع تتشوي😊

في الخلاط او الكبه هضرب بصلتين وسط وطماطمايه كبيره وشويه ميه اضربهم كوويس جدااا لما تنعم خاالص واصفيهم في طبق من اي تفل وازود عليهم معلقتين كبار دبس رمان معلقه صغيره عسل ابيض او سكر ومعلقه كبيره صويا صوص وفلفل وزعتر وبهارات مشكله وجنزبيل بودر واسيبهم ليله في التلاجه الملح بحطه تاني بوم قبلها بساعتين
التسويه بقي
طاسه سخنه عالنار او جريل فيها سمنه وزيت اى زبده وزيت وندي للحمه صدمه ولون حلو من الناحيتين كويس جدااا
ونرصهم في صينيه متغلفه ورق فويل ونصب عليهم بواقي التتبيله اللي متبلينها واللي نزل من اللحمه في الطاسه احطهم علي وشها واغطيها بفويل وعالفرن نص ساعه وبعدين افتح عليهغ الفويل واسيبها شويه واحط عليها فحمه واطشها بحته سمنه واقفل بالفويل تاني والف هنا خطيييره 😋😋
🧁🧁🍕🍕🍗🍗

🍜🌿سلطه المكرونه
كيس مكرونه مسلوقه جامده شويه مش مهريه... زيت... خس..... فلفل الوان.. ذره صفرا وممكن اي إضافات عندك زي مبشور جزره متشوحه
التتبيله. ٤ ملاعق مسترده.. ٣ ذبادي.. عصير ليمونه.. وملح.. فلفل ويخلط المزيج ويقلب على المكرونه وبس كده وممكن اضافه قطع زيتون اسمر او اخضر
وممكن اضافه تونه مقطع عليها بصل مكعبات صغيره
وممكن اضافه قطع لانشون مكعبات
او قطع فراخ متشوحه في فص مستكه وملح وفلفل لما تستوي وتقلب على المكرونه كل دي اختيارات حسب الذوق
والف هنا.. 😋
🧁🧁🍕🍕🍗🍗

🥧كُنافة بالقشطة

تعديل بالمقادير والطريقة


1ك كُنافة كنت حطاها فى الفريزر طلعتها وفركتها كويس جدا ودى خطوة مهمة وبعد كدا نزلت عليها بسمنة صفراء بلدى
وبسيتها فى بعضها وبعدين اخدت نصفها فردتهافى الصنية وضغط عليها جامد
وبعد كدا نزلت بالقشطة فردتها بعيدا عن الجوانب بتاع الصنية ونزلت بباقى الكُنافة ودخلتها فرن ساخن على 160درجة وبعد ماخرجت سقيتها بشربات دافى

طريقة القشطة
1ك لبن وعليه ٣معالق نشاء و3 معالق زبدة بلدى ونصف كوب سُكر وباكو فانليا وقلبتهم لغاية ماعملت قوام وكوب قشطة فلاحى اوعلبة قشطة بوك
وبالف هنا 😊
🧁🧁🍕🍕🍗🍗

🍮حلا الأناناس

بالخلاط علبتين قشطه
مع فنجان حليب بودرة وفنجان سكر
وقطعتين اناناس وملعقتين من مية الٲناناس
وتلت ارباع اصبع زبده
بالملعقه 4 معالق كبار زبده ذايبه
بتخلطيهم كتير منيح وبتخليهم ع جنب
بتجيبي بسكوت شاي وبتغطسي بمية الاناناس وبتصفي بالبايركس بتعملي طبقتين
وبتقطعي قطع اناناس صغيره وبتحطيها فوقهم وبعدين بتحطي الخلطه البيضه
بدخليها التلاجه
وبتزيينيها بسكوت مطحون وقطع اناناس
🧁🧁🍕🍕🍗🍗

🥧الكنافة النابلسية 😋

اولا الكنافه ولونها
نص كيلو كنافه عاديه خالص ضربتها في الكبة ومعاها نقطتين لون احمر ونقطتين لون اصفر
ممكن من غير لون خالص
وممكن تستخدمي الكنافه بتاعه الكنافه النابلسيه بيبقي لونها برتقالي جاهز اسمها كنافه طرح
نحضر كوب ونص سمنه سايحه هستخدمهم في كل الخطوات واخد معلقتين منهم واقلبهم علي الكنافه
وندهن الصينيه بمعلقتين سمن وننزل بنص كميه الكنافه واضغطها جامد جدا
واحط الجبنه
الجبنه استخدمت 500جم جبنه موتزريلا مخصصه للكنافه النابلسيه
ممكن تستخدمي اي نوع جبنه موتزريلا
او جبنه عكاوي او جبنه نابلسيه بس لازم يتنقعوا في المايه ساعتين قبل الاستخدام ثم تصفي جيدا
نرجع للكنافه نفرد الجبنه علي طبقه الكنافه ثم نص كميه الكنافه التانيه ونضغط الكنافه كويس اوي وننزل بباقي الكوب ونص سمن
التسويه
ممكن في الفرن بتاخد نص ساعه
وممكن علي البوتجاز من فوق وممكن علي الفحم
انا سويتها علي البوتجاز ولازم تفضلي تلفي الصينيه وهي علي النار والنار متوسطه
وتتقلب وتتسوي علي الوجه الثاني
ثم تسقي بشربات سخن وهي سخنه
ثم تقدم ساخنه
وبس كدا وبالف هنا،😍😍
🧁🧁🍕🍕🍗🍗

🥞خبز حبة البركة😋
سهل وطعمة تحفة في الطاسة في اقل من 10 دقايق
مقادير خبز حبة البركة
2 كوب دقيق
2 ملعقة حبة البركة
2 ملعقة كبيرة لبن بودرة
ملعقة كبيرة سكر
ملعقة كبيرة خميرة
ملعقة كبيرة زبدة
ربع ملعقة صغيرة ملح
ربع ملعقة صغيرة بيكنج بودر
ماء دافئ(حسب حاجة العجينة)

الطريقة:
- في وعاء نخلط نص كوب من الماء الدافئ مع الخميرة والسكر ونص كوب من الدقيق ونقلبهم كويس جدا ونسبهم يخمرة 10 دقايق.
- فى وعاء العجن نضع باقي كمية الدقيق ولبن البودرة وحبة البركة والبيكنج بودر والملح نخلطهم كويس مع بعض وبعدين نضيف الخليط السابق ونبدا فى العجن ونضيف ماية حسب الحاجة
- ثم نضيف الزبدة ونستمر بالعجن حتي الحصول على قوام ناعم وعجينة طرية تترك العجينة في مكان دافئ حتي يتضعف حجمها.
- ثم نقوم بتقسيم العجين لكرات متسوية الحجم تفرد على سطح مرشوش بالدقيق على شكل دوائر .
- تسوي فى طاسة على حرارة متوسط من الجانبين حتي الحصول على لون ذهبي ,
- يغط الخبز جيدا بفوطة علشان يفضل طري .
او احتفظي بيه في كيس بلاستيك
🧁🧁🍕🍕🍗🍗

🍰ليزي كيك ..
بشههو وطريقه سهله جربوها ..

بطنحرة بتحطي كوب ونص مي
و4 معالق كاكاو بودرة
/4 معالق حليب بودرة
/5 معالق سكر بتخلطيهم ع البارد وبتحطيهم ع الغاز بس يغلو حطي اصبع زبده وحركي لحتۑ يذوب بضيفي معلقة فانيلا وبطفي الغاز ... بجاط بتكسر بسكويت قطع كبيرة يعني كل حبه اقسميها نصين والنص اقسمي نصين المهم ما يتفتفت ع الاخر ... بتحطي فوقي الشوكولاتة بدك تقريبا 4 باكيتات وسط من البسكوت وبتبلشي تكوري فيهم وبتغمسيهم ببسكوت مطحون او جوز هند. او فستق حلبي يلي متوفر عندك ..وصحتين ..
🧁🧁🍕🍕🍗🍗

🍗دجاج تركي ..
والطعم دماررر ...

طريقة الدجاج حطيت بالخلاط حبة بندورة ونص حبة فليفله وخبة بصل وسن توم وعصير ليمون وصلصة بندورة و3 معالق لبن و3 معالق زيت زيتون وكزبرة(اختياري او زعتر ناشف برضو اختياري بس بعطو نكهه زاكيه ) وبقدونس وباكيت ماجي ورشة فلفل اسود وكاري وبهارات مشكله بتخلطيهم ع الخلاط وبتتركي شوي منهم ع جنب للخبز .والباقي للدجاج ..........وبتكوني نضفتي الدجاج واعملي ثقب بكل قطعه وانقعي في الخلطه اقل شي ساعتين بتحطي بصينية وبتحطي قزدير وع الفرن من تحت وفوق لحتۑ يستوي بدو تقريبا ساعه .. بس يستوي جيبي فحمه وحطيها بالنص عشان يعطي طعم الفحم .. بتفرمي بصل ناعم وبقدونس وبتحطي رشة سماق .. وبتجيبي اي نوع خبز الافضل طابون او شراك بدهني من الخلطه يلي عملناهاا وبتعطي وجه بالفرن يتحمر .. بتحطي فوقي الدجاج المحمر وزيني بخلطة البقدونس والببصل. وصحتين ..
🧁🧁🍕🍕🍗🍗

🥧طريقه ديسباسيتو 🍫

اول شيء بنعمل كيكة عاديه
٤بيض ومعلقه صغيره فانيلا
نص كاسه سكر
٤معالق كبيره كاكاو بودره
معلقتين مي ومعلقتين زيت ومعلقه صغيره خل ابيض كاسه طحين ومعلقه صغيره بكنج باودر نخلط المواد الجافه مع بعض ونخلط البيض والخل والفانيلا والسكر مع بعض مده ٥ دقايق وننزل الزيت والمي وننزل المواد الجافه ونخلط مع بعض ونخبزها في جاط بايريكس او صينيه مدهونه زيت وطحينيه لمده ثلث ساعه
وبس تستوي نعمل ثقوب بالكيكه بعود خشب ونسقيه
كاسه حليب سائل ومعلقه كاكاو او نسكافيه ومعلقه كبيره سكر
وبس تبرد
نسيح علبه قشطه كبيره مع ٣ معالق نيوتيلا لحال
ونخلط ظرف كريمه مع ربع حليب سائل بارد جدا ضروري لحد ما يرتفع ويتكاثف وننزل عليه القشطه والشكولاته ونخلطهم مع بعض
وندهن وجه الكيكه فيها ونبرش شكولاته عالوجه
🧁🧁🍕🍕🍗🍗

🍷مهلبية الفراوله 🍓

... طبقة المهلبيه كل كاسة حليب سائل بدها معلقة ونص نشا ومعلقتين سكر بتحطيهم ع الغاز لحتى يثقلو طبعا ضلي حركي باستمرار .. اعملي 4 كاسات .. بس يثقلوا حطي علبة قشطه ومعلقة ماء زهر وطفي الغاز ... صبيهم في كاسات او صحون وخلي فراغ بالكاسة لطبقة الفراوله .. بتجيبي نص كيلو فراوله وبتغسليها وبتفرميها قطع صغيرة حطي عليها نص كاسة سكر ومعلقة عصير ليمون وتركيها 10 دقايق ... بعد 10 دقايق بكون في مي مزلت من الفراوله صفيهاا وعيريها ع الكاسة لازم تطلع معك كاسة ضيفي عليها كاسة مي عاديه وحطي معلقتين نشا. وحركيهم ع الغاز لحتى يغلو .. طفي النار وحطي قطع الفراوله وحركيهم منيح وصبيهم فوق الكاسات ...
اخر طبقة 🍓 .. اعملي جلي ع فراوله (جلي نباتي ) كاستين مي بتغلي ع باكيت جلي اخلطي منيح وصبي شوي شوي فوق طبقة الفراوله دخليهم الثلاجه يجمدو 4 ساعات اقل شي وبالعافيه ...
🧁🧁🍕🍕🍗🍗

🕋#⃣ منــــــ🕋ـــــاســك الحــــــــج والعمـــــــــرة
🔽🔽🔽
https://www.tg-me.com/addlist/bk8XuE5pnjpjMmE0


🐺أحكام مختصرة في الأضحية 🐏
🔽🔽🔽🔽
https://www.tg-me.com/addlist/bk8XuE5pnjpjMmE0

☄️كيف تتحكم في شهوتك؟ كلام مهم جدا لمن يريد النجاة من فتنة النساء.💥
🔽🔽🔽🔽
https://www.tg-me.com/addlist/bk8XuE5pnjpjMmE0


🔖الفــــــــرق بين أعــــراض
العيـــــن والحســــــــد 🔽🔽

💎💎
https://www.tg-me.com/addlist/bk8XuE5pnjpjMmE0


✔️⚠️للإشتراك في دعم السلام 💎
[https://www.tg-me.com/lestat_alsalam]
اللهم بردآ وسلامآ على أهلنا في غزة
اللهم أستر عوراتهم وأمن روعاتهم
اللهم فرج كربهم ورحم ضعفهم وكتب لهم النصر والتمكين وتقبل شهدائهم  يارب العالمين
حسبنا الله ونعم الوكيل نعم المولى ونعم النصير.