tg-me.com/randomlab1/357
Last Update:
👩⚕️ "بقالي شهور بتعذّب ... كل شوية ، انتفاخ، وجع مش مفهوم في بطني،إسهال وساعات دم خفيف مع البراز.
رُحت للدكتور، وسألته: يعني إيه بيحصلي؟!"
👨⚕️ الدكتور قاللي: "محتاجين نعرف الأول، هل المشكلة دي بسبب التهاب حقيقي في الأمعاء؟
ولا مجرد تهيج عصبي زي القولون العصبي؟
وعشان كده هنطلب تحليل اسمه Calprotectin في البراز."
سألته: تحليل إيه ده؟ ويعني إيه Calprotectin؟
🔬 قاللي ببساطة: "Calprotectin " ده بروتين بيفرزه جهاز المناعة من خلايا الدم البيضاء (النيتروفيلز)ويخرج في البراز لما جهاز المناعة يكتشف التهابات فعلية في الجهاز الهضمي
🧬 وبالتالي:
🍁لو التحليل طلع مرتفع ⬅️ فيه التهاب فعلاً في الأمعاء(IBD)
✅ IBD = inflammatory bowel disease
التهاب مزمن وممكن يسبب ضرر حقيقي في الأمعاء.
زي التهاب القولون التقرحي
داء كرون
حساسية غذائية
عدوى البكتيرية أو الفيروسية أو الطفيلية
سرطان القولون أو الأمعاء
🍁 لو طلع طبيعي ⬅️ غالبًا مفيش التهاب، وممكن يكون مجرد تهيج (IBS)
❌ IBS = irritable bowel syndrome
اضطراب وتهيج وظيفي بدون التهاب أو تلف في الأنسجة.
👀 طيب بنستخدم التحليل ده إمتى؟
لما يكون فيه أعراض زي:
🔸 إسهال مستمر أو بييجي ويروح
🔸 ألم أو تقلصات مزمنة في البطن
🔸 دم أو مخاط في البراز
🔸 فقدان وزن بدون سبب
🔸 متابعة مرضى القولون التقرحي أو داء كرون
🧪 مميزات التحليل:
✅ عينة براز فقط
✅ بسيط ومش مؤلم
✅ ممكن يجنّبك منظار القولون في حالات كتير
✅ بيساعد نفرّق بين:
IBD (التهاب مزمن زي كرون أو التقرحي)
IBS (قولون عصبي بدون التهاب حقيقي)
🚫 قبل التحليل، خد بالك:
🔸 متشربش كحول ولا تدخن لمدة 24 ساعة قبله
🔸 بعض الأدوية (زي مضادات الالتهاب NSAIDs) ممكن تأثر على النتيجة
📊 القيم والنتائج:
🍁أقل من 50 μg/g ⬅️طبيعي
وقد يوصي باتباع تدابير للعناية الذاتية مع أدوية مضادة للإسهال أو مضادة للتقلصات لتخفيف الأعراض.
🍁من 50 لـ 120 ⬅️ borderline
قد يوصي الطبيب بإعادة التحليل خلال عدة أسابيع، مع وصف أدوية لتخفيف الأعراض.
🍁 أكتر من 120 μg/g ⬅️ التهاب واضح ⬅️ نحتاج فحوصات تكميلية (زي المنظار)
المنظار القولوني أو منظار المستقيم
⚠️ لو فيه أعراض مقلقة زي:
فقدان وزن
دم في البراز
👈 لازم نعمل منظار حتى لو نتيجة التحليل مش مرتفعة قوي...
BY 🔬 معلومات مخبرية 🔬 🔬lab informations 🔬
Share with your friend now:
tg-me.com/randomlab1/357