#قصائد_شهادة_الامام_الجواد_عليه_السلام

استشهاد الجواد 🔻

يا مهدينه 💔

تعزيه لصاحب العصر والزمان
عجل الله فرجه الشريف

ـــــــــــــــــ ❁ ❁ ❁ ــــــــــــــــــ

جدك مسموم .. گلبك مالوم

يامهدينه .... يامهدينه

ـــــــــــــــــ ❁ ❁ ❁ ــــــــــــــــــ

يمهدينه الدمــع عالخـد يصب اليـوم
يهل دمعك على مصابه بكلب ملجوم
تنوح اعله الجواد الي رحــل مظلـوم
يمـولاي بحــزن گلبــك مـليته همـوم

حزنك مرسوم .. گلبك مالوم

يامهدينه .... يامهدينه

ـــــــــــــــــ ❁ ❁ ❁ ــــــــــــــــــ

بغــدر چبـده يتگطع والدمـع يسجب
يــون المهــدي هاليله بــقهـر ينـحــب
فگــد جـده الجــواد وگــلـبه متـعـذب
يشيل ايده بحزن واعله الصدر يضرب

مولاي اليوم ... گلبك مالوم

يامهدينه .... يامهدينه

ـــــــــــــــــ ❁ ❁ ❁ ــــــــــــــــــ

عليك بفگـد ابـو الهــادي الحزن خيم
طفه بعينك ضــوه الدنيه ونهار اظلم
يمـولاي الـدمــع يجـري عليه مــن دم
صحت ياحيف الف وسفه بغدر ينسم

غدروه الگوم ... گلبك مالوم

يامهدينه .... يامهدينه

ـــــــــــــــــ ❁ ❁ ❁ ــــــــــــــــــ

يشب ســم الغـدر چبــده ويشعله بنار
يـون مــن الالـم ويــهــل دمــع مــدرار
القهر لمن يظل جسمه اعله سطح الدار
شفــت ظلمـه وغــدا سيفـك يـرد الثـار

تعرف مظلوم ... گلبك مالوم

يامهدينه .... يامهدينه

ـــــــــــــــــ ❁ ❁ ❁ ــــــــــــــــــ

علــه صوت البچي اليله تــون الروح
يظل وسط الكلب حزنه جرح مفتوح
مثل جسم الذي فوگ الجسر مطروح
بخياله شگــد يعذبنه جسـر وسطوح

وتزيد هموم ... گلبك مالوم

يامهدينه .... يامهدينه

ـــــــــــــــــ ❁ ❁ ❁ ــــــــــــــــــ

نعـزي المهـدي هاليلــه علــه مصابه
فگــد جــده وسط كلبه جرح صابه
نهدم حيله وكسر ظهره عله احبابه
يجي الكبره ويهل دمعه عله اعتابه

جرحك ملچوم ... گلبك مالوم

يامهدينه ... يامهدينه

ـــــــــــــــــ ❁ ❁ ❁ ــــــــــــــــــ


🖊️كلمات

عباس فاضل الشمري


▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://www.tg-me.com/joinchat-Dw92Dj9pmspR5uHfACGjlA

▪️كروب الالحان رقم 2
https://www.tg-me.com/joinchat-Dw92DkJZ4tvb4YIzJWBWrg

#قصائد_شهادة_الامام_محمد_الجواد_ع_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


🏴 سلاماً ياجواد الأئمة🏴
ــــــــــــــــــــــــــــــــــــــــــــــــــــــــ
استشهاد الامام الجواد ع


دمعات عيني بيها مضمون
بمصاب چبدي لا تحسبون
چبدي وحگ دمع الخدر عالسطح ما بچاني
اذكرت العقيله اعله الهزل تالي متت بمچاني
بمصاب چبدي لا تحسبون
****
عمري گضيته كربله عايش محرم بيه
المن يعيش بدنيته الما يبچي عالمسبيه
حيل استحي من عمّتي آهاتي والله اشويه
چبدي ولا احسبه جرح چفيني ما مچويه

دخان صارت كل الطفوف
عطاب خيمه مدري الچفوف
سوط التشگفه مو سهل موقفها حيل اذاني
اذكرت العقيله اعله الهزل تالي متت بمچاني
بمصاب چبدي لا تحسبون
****
الزينب اذا ما انفجع عاللوعه لتحسبوني
شافت اخوها ينذبح انه اشفت بعيوني
بالشافته رايد احس فوگ السطح خلوني
تصهرني اريدنها الشمس يا اهلي لتچفنوني

مسموم وسفه وماني مذبوح
بكل صوب رايد تطلع الروح
لا وذرو يمي ابن لا سللبو نسواني
اذكرت العقيله اعله الهزل تالي متت بمچاني
بمصاب چبدي لا تحسبون
****
آه اعله زينب من مشت صوب النهر مخنوگه
مختنگه چي طاح الگمر مدري اعتنت محروگه
رادت تسولفله الجره والعين ما مطبوگه
احتارت تگله اتشتمت لو عالمتن مطگوگه

متگوم خويه كلك احساس
مسلوب خدري والله عباس
ايرجعها واحد للوطن يم الكفيل اتاني
اذكرت العقيله اعله الهزل تالي متت بمچاني
بمصاب چبدي لا تحسبون
****
الما عنده بالغربه اهل ايداوي الجرح بدموعه
عمتي تضمد يا جرح من كل كتر مفجوعه
ما خلصت اوياه ابذبح اتفتر البچي ممنوعه
صاح الشمر يالله بعجل سحگو الحسين اضلوعه

مذبوح لاچن هدو الخيل
ممنوع زينب تلگط الحيل
تندب عله التله اركضت اتقبل يرب قرباني
اذكرت العقيله اعله الهزل تالي متت بمچاني
بمصاب چبدي لا تحسبون
****
ويلي انسبت ام الخدر وشدو حبل بيديها
ما عدها حيل اعله الهزل والريح يدفع بيها
كل النسه انچتفن سوه هذا الوضع ياذيها
من تعثر ارقيه تره اسكينه تطيح اعليها

تحتار زينب ظلت اتشوف
مچتوف طايح فوگه مچتوف
ابآخر نفس ويلي الزمن يم عمتي وداني
اذكرت العقيله اعله الهزل تالي متت بمچاني
بمصاب چبدي لا تحسبون
****

الشاعر اياد الديراوي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_الامام_محمد_الجواد_ع_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


🏴 سلاماً ياجواد الأئمة🏴
ــــــــــــــــــــــــــــــــــــــــــــــــــــــــ

تنادي الملايين الاجت تبچي اعله بابك
يبن الرضا والمرتضى يصعب مصابك

ياباب المراد مولاي الجواد

=::=::=::=::=::=::=::=::=::=::=::=::=::=::=::=::=:

تنادي الملايين ودمع بعيونها
لهاي المصيبة ماتغمض جفونها
وام الفضل عالسوته يلعنونها
وجثة ابن خير الورى يشيعونها

يالما عذاب بهالبشر يشبه عذابك
يبن الرضا والمرتضى يصعب مصابك

مايكفي السواد مولاي الجواد

=::=::=::=::=::=::=::=::=::=::=::=::=::=::=::=::=:

هاي الجحافل هل أجت مشايه
ذول الي فعلآ من صدگ وفايه
واحد يكل الثاني فرد حچايه
بالك يخويه لاتطيح الرايه

صوب الجواد الجنه معناها ذهابك
يبن الرضا والمرتضى يصعب مصابك

يشفع بالمعاد مولاي الجواد

=::=::=::=::=::=::=::=::=::=::=::=::=::=::=::=::=:

ومصيبتك طول السنه يحسبولهه
والكاظميه اعله الوعد طبولهه
مو أي بشر هاي الكرامه ينولهه
و(لبيك) بس روح المحب تگولهه

ياجنة الله اعله الارض حضرة جنابك
يبن الرضا والمرتضى يصعب مصابك

توفيق وسداد مولاي الجواد

=::=::=::=::=::=::=::=::=::=::=::=::=::=::=::=::=:

الساجد حياته من بدت أيامها
وقارع عصابات الكفر واقلامها
بعمر الطفوله وناضروه اعلامها
يهزمهم و يخرس لسن حكامها

لاشك يراك بمجلسك يسمع جوابك
يبن الرضا والمرتضى يصعب مصابك

يامحيي الجماد مولاي الجواد

=::=::=::=::=::=::=::=::=::=::=::=::=::=::=::=::=:

هاي المجالس كل سنه دستورهه
نص يلطم ونص لحضرته يزورهه
و الكاظميه اعله البعد شع نورهه
وأهل المواكب بالخدامه ودورهه

يشتم عطر طه النبي اليوصل رحابك
يبن الرضا والمرتضى يصعب مصابك

للمذهب عماد مولاي الجواد

=::=::=::=::=::=::=::=::=::=::=::=::=::=::=::=::=:

باب المراد وقصتك واسراهه
تشبه مصيبة كربله واثارهه
يالمحنتك صعبه غريب ديارهه
وهم جثتك ضلت ثلاثه بدارهه

بس الفرق ماكو سبي ساعة غيابك
يبن الرضا والمرتضى يصعب مصابك

ياخير العباد مولاي الجواد

=::=::=::=::=::=::=::=::=::=::=::=::=

جهاد البصيراوي
يسألكم الدعاء

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

مولاي الجواد

#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ


ميته كون بكربله ويه الغوالي
ولابقيت أمعذبه ومشلوله حالي
عزيز الروح من مات
عمر أكضيه حسرات
ميته 000 ميته
 
* * *
 
كلمن يفارك عزيزه لا يسولف عالسعـــاده
لازم يعد روحه ميت كل شخص ميت وداده
المنجرح حكه يلوج الصفنه تلجمـــه بفؤاده
أشما نوه يغفاله ساعه مدمعه ينكع الوساده
 
لوعـــة اليفكد إنه بروحي شفتها
من رحل جاسم دموعي عاشرتها
صفنتي تجيب لوعات
عمر أكضيــه حسرات
 
* * *
 
 
 
فركة الغالي التعزه عالبشر لاماهي سهلــــه
والهجر لوساعه وحده ضيمه ماواحد يحمله
وآنه فاركني عزيزي العايشه بهالدنيه لأجله
شلون تبقى روح بيه وما أشوفه عمري كله
 
مني راح الماجنت أبتعد عنـــه
حتى ما لحكت أشبع شوف منه
 
دوم بصدري عبرات
عمر أكضيه حسرات
 
* * *
 
 
 
 
 
الناس تترجه تعمر وآنه اترجـــه مماتي
وماعرف شيصير بيه من أكلب ذكرياتي
كربله شسويتي بيـه من أخذتي أمنياتي
كربله خلاني ضيمـج كعده أديها صلاتي
 
التحبه هواي وتعيش أعلى موده
راحتك بالدنيـــه مرتبطه بوجوده
 
ماكو راحـــه هيهات
عمر أكضيه حسرات
 
* * *
 
 
 
 
 
أشاف من الدنيه جاسم موته صار بعز شبابه
الدنيـــه ماتنراد بعده وحشـــه هالدنيـه بغيابه
ذبل عودي وركد حيلي وأنتهيت آنه بمصابـه
كون يم كبـــــره أضلن دوم أشتم بترابـــــــــه
 
عمري جبته آنه عليــــه آمال أبني
وتالي حال الضيم حالي ومات ابني
 
رمتني الدنيه رميات
عمر أكضيه حسرات
 
* * *
 
 
 
 
 
جان من يكعد اكبالي ويحجي ويقبل اديــــه
تنتعش روحي بحنانه وتنسعد كل ذره بيــــه
جان جسام شحلاته لمّن يسولف عليـــــــــــه
ينشرح صدري امن اشوفه كل صباح وكل مسيه
 
أبني مافاركني ساعه طول عمره
كون أموت وياه واتمدد بكبــــــره
 
شبعت هموم وآهات
عمر أكضيه حسرات
 
* * *
                                 سلام المشعل

▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://www.tg-me.com/joinchat-Dw92Dj9pmspR5uHfACGjlA

▪️كروب الالحان رقم 2
https://www.tg-me.com/joinchat-Dw92DkJZ4tvb4YIzJWBWrg

#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ


عبدالله ناديت ياشمعة البيت
وينك يسبّاح الگلب يوليدي حنّيت
*
كل أُم يَيُمّــــه اعلـــــه الولد آمالــــــــها تبنيها
للكُـــبر لو ذبها الدّهــــــــر تعب الرّبه يجازيها
تســـــــگيه حنان و عاطفه من أجل باچر ليها
يصير الها فَي بي تستچن ويرد فضلها اعليها
وأُمّك يالوحـيد من عندك تريد
بيدك تجـــــدّيها الدّرب يوليدي حنّيت
*
يازهرة سنين العُمر عـــــــــبدالله ياضي عيني
من ايدي ما صـــدگ رحت و بلا ضَنه تخلّيني

شــــــــما فتّحت عينك چنت ضحكاتك تناغيني
وبفراحـــي اللاعب شــــفّتك و بّسمتك تحييني
ذاب الگلب ذاب يا أغلـى الأحباب
ما ينحمل فگـــدك صعب يوليدي حنّيت
*
من العطش هالعــودك ذبل يبني و تغيير لونك
يبّس لهاك و صالــــــيه مولح ســــواد عيونك
و وجــــناتك الچنهن ورد صــوفرن مايدرونك
محتاره شحچي الوالدك لونشــــد يبني شلونك
يومين الك هاي ماضايگ الماي
بعيوني جف دمع اليصُب يوليدي حنّيت
*

عيني اعله مهدك ســاهره مالحظه دارت عنّك
ولابارح عيوني الدّمـــع و بروحي يجرح ونّك
عــــــــبدالله فُكلي بناظرك خلّيني أشــــبع منّك
يوليدي من يومين الك ماشفت ضحكة ســــنّك
كل خوفي تروح و تردلي مذبوح
وين انته وسهام الحرب يوليدي حنّيت
*
من حجري شـــالك والدك و بعطفه گام يشمّك
بنص منحرك ياسلوتي و الصّــدره گام يضمّك
چن يدري يبني بروحتك ماترد ســـــــالم لأمّك
و من العذب ماترتوي ســــــــابح تردلي بدمّك
وبلا دللّـــــــول ترجعلي مچتول

عالرّمح راســك منصُلب يوليدي حنّيت
*
عبدالله شـــــــو صوتك سكت هايبني رد اعليّه
روّاك أبوك من العــــــذب و شربت من جاريّه
مغطّيك أشـــوفه من الشّمس للخيمه جابك ليّه
چاليش بخدوده الدّمــع و ضلوعه أصد محنيّه
يومـــيلي بيديه هاچ ابنچ اخذيه
بنص منحـره نبلة غُرب يوليدي حنّيت
***

الشّاعر
أبو سجّاد الجعفري
22 شعبان 1422هـ

▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://www.tg-me.com/joinchat-Dw92Dj9pmspR5uHfACGjlA

▪️كروب الالحان رقم 2
https://www.tg-me.com/joinchat-Dw92DkJZ4tvb4YIzJWBWrg

#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ


ياليلى نوحي ويانه غابت شمس دنيانه
رد يصفــــــــگ الرّاح براح
من مصرعه حسين و صاح
****
يا منظر أشـد مَر اعلـــــــه أبو اليمّه
ويه الأكبر علي وعلــــــيه ثگل همّه
لحظات الوداع الصّــــــدره من ضمّه
لو ســـــاعة البيــــــها اتخضّب بدمّه
بياحال لمّن شـــافه متفطّرات شــــفافه
من العطش و بطوله جراح
من مصرعه حسين وصاح
****

بگلب مكســـــور لمّن ودّع ولــــيده
و يعــاين للحرب گاصد علي وحيده
ســالم ما أشــوف اترد الي بعــــيده
عطشــــانه السّــــيوف ودمّك تريده
مكتوبه أشـــوفك يبني بموت الشّرف تسبُگني
وبصدرك تلاگي رماح
من مصرعه حسين وصاح
****
هز راية الغـــــــيره ورفع ســاريها
وشــگ بطن الحرب وتلولح اعليها
طَحَن طَحن الرّحى يومـــاً نزل بيها
و غاصت كربلــــه و ماجت بهاليها

بيمينه شاهر سيفه يثني الرّگاب بكيفه
موزلم خــــــلّاها أشـــــباح
من مصرعه حسين وصاح
****
بوجه حســـــين چــانت ليلى تترقّب
حال وليدها البالحرب غــاص وطَب
تغيير لون وجــــــها تعاينه و غرّب
وگامت تنشده وعالخد دمعها انصب
جاوبني يابو الأكـــبر شـو لون وجهك غيير
سـالم علي ابنك لوطاح
من مصرعه حسين وصاح
****

رد براس ابن غـــــــــانم علي العوده
مثل الگطـــــــع راس العامري بزوده
ماچل صــــــــــارمه و لا چلّت زنوده
أسد و بمــــوته يطوي اليدنه لحدوده
رد بظهــــر ميمونه و للخيم تربي عيونه
لن يدري من أُمّه شراح
من مصرعه حسين و صاح
****
جرح فـوگ الجرح والعطش هد حيله
و علـــيه الجيش دار بعسكره و خيله
طاح ابنك علي يحســـــين تچّــــــــيله
بلچن بي رجــــــه يرد ســـــالم الليلى

يَمّه أهوه و بطوله امتد يشم نحره والخد عالخد
يأم الولد ذخـــــــــــرچ راح
من مصرعه حسين وصاح
غابت شمس دنيانه
****



الشّاعر
أبو سجّاد الجعفري
5 شعبان 1442هـ

▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://www.tg-me.com/joinchat-Dw92Dj9pmspR5uHfACGjlA

▪️كروب الالحان رقم 2
https://www.tg-me.com/joinchat-Dw92DkJZ4tvb4YIzJWBWrg