#قصائد_شهادة_الامام_الكاظم_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️يطاموره الدمع جاري
اذكرج تلتهب ناري▪️
ــــــــــــــــــــــــــــــــــــــــــــــــــــــــ


گعديه
مالحظه تغير ايماني يشهد ربي بهاي
مسجون وابدن مااهتم كل ماصار وياي
هوه انه عندي العمر مايسوه سجدت شكر

انه ابن اشرف سلاله و انه راهب الهاشم
وكلمن اتصورني اخظع هذا اگولن عنه واهم
الظالم الوادم تمجده وانه گتله انته ضالم
ماهمني باالصاروحصل شنهو السجن والمعتقل
صح انه فارگت الاهل لجل يبقه الدين سالم
صح عشت بغربه وماادري اليل من انهار
لكن مظلوميتي وسجني بيها هوايه اسرار
اليل وي الضهر مايسوه سجدت شكر

چان تفكيري بصلاتي وباالدعاء تهمل دمعتي
چنت بس تسبيح اسولف ما اسولف عن طلعتي
حيل احس براحه لمن اسجد وابطي بسجدتي
وجهت وجهي للعلي هوه الي حقق حلمي الي
وحدي اصلي ومختلي والله يتقبل طلبتي
خل ينسد باب السجانه باب الله المفتوح
وقيودي يگولن عل الضالم باچر وين يروح
كل سطوته وكل قصر مايسوه سجدت شكر

الدنيه دواره وتشوفه ياهو يربح ياهو يخسر
هوه هارون الظلاله وانه موسى ابن جعفر
باچر تدور الدواير اي على كلمن تجبر
هارون يخلد لايضن بس يبقه اسمه للعن
عرشه وقصوره تندفن هيچ تاليه مرجع الشر
باچربغداد يضويها صحني الفوگه اگباب
ومن كل العالم زواري تسجد يم الباب
والطاغي ماله گبر مايسوه سجدت شكر

الزمن تخلص سنينه والعمر ياناس گاضي
مومهم سجني وغربتي كون الله عليه راضي
مايضيع حگ اليه لئن ربي هناك قاضي
بعين الله سجني وغربتي هوه الرقيب الحالتي
شما صار بيه بدنيتي لا على حكمه اعتراضي
ماتسوه الدنيه ومادامت لنسان بهل الكون
شلون اجزع وانهار واخضع بس گلولي شلون
اعبر محنتي بصبر مايسوه سجدت شكر

كل بشر اتمنه يفهم الدنيه وقتيه تراهه
شما ملك وشما تكبر باچر الموت ابراهه
الف هنياله الفهمها وبرضه ربه اشتراهه
مادامت الواحد تره خل يفتهمها الما دره
الكل تنحمل للمگبره وكل نفس تاخذ جزاهه
لكن اصحاب الحگ يبقه دوم الهم بصمات
لو ماتو لازم نحسبهم احيا موش اموات
والما حسب هل الامر مايسوه سجدت شكر

باچر اعله جسر نعشي بغربه والوادم تنظره
ومن هلي ولا من اخوتي ابد ما واحد يحظره
وتنشد الوادم عليه منين هذا وشنو امره
وين اهله راحو واخوته وينه اليشيل جنازته
ماتنوصف ياغربته انه ياشيعه السجين
باالسجن گظاه عمره
سعد العبودي اهدي ثوابها الى روح والدتي العزيزه

▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://www.tg-me.com/joinchat-Dw92Dj9pmspR5uHfACGjlA

▪️كروب الالحان رقم 2
https://www.tg-me.com/joinchat-Dw92DkJZ4tvb4YIzJWBWrg

#قصائد_استشهاد_الامام_علي_ع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c

😭اباب الله علي معروف
بيته الجنه بيه نطوف😭

ـــــــــــــــــــــــــــــــــــــــــــــــــــــــ



گعديه عهد للامام علي (ع)




نكتب عهدنه بهاي الايام
انعاهدك احنه عهد خدام
نبصم وبالعشره
والشاهده الزهره
انعاهدك احنه عهد خدام

1

ياعلي هاك انته اسمع هذا صوت الغيره ناده
بالارحام ومن طلعنه ياعلي وحتى الولاده
اسمك وشوفتك ندري وخدمتك اشرف عباده

اشرف عباده بخدمتك
لن بيها يحضه بنعمتك
بسوح الكرامه رايتك
بيها كل خادم جهاده

هذا الجهاد اليرفع الراس
لازم نحصله ابخت عباس

وحتماً يجي بنظره
والشاهده الزهره
انعاهدك احنه عهد خدام

2

ياعلي راية الخدمه راية الحق الشريفه
اليحمل الرايه مؤكد امن الدنس ايده نظيفه
ياعلي وخدامك احنه المارضينه بكل سقيفه

خدامك ونعم الخدم
بالدم كتبنالك نعم
نرجم سقيفة كل صنم
الخلتك رابع خليفه

نبصملك بدم الموالين
ياعلي بنهجك دوم ماشين

وقعنه للعتره
والشاهده الزهره
انعاهدك احنه عهد خدام

3

چلمة الخادم عظيمه وقاعده الحفظ الشعائر
حتى يتخلد الخادم امن الضروري يكون ثائر
وكون ينزع ثوب روحه ويلبس اثياب المثابر

لازم يثابر بالسعي
كل خادم وعنده وعي
ويموت من يسمع نعي
الزهره حتى اتكرمه باچر

كون الشباب الي يسمعون
بدرب الخدامه بشرف يمشون

وانضحي للفكره
والشاهده الزهره
انعاهدك احنه عهد خدام

4

ياعلي هاك انته اسمع هاي الاصوات الحزينه
الحضرت بهذا عددها اتصيح حيدر ياولينه
باچر اوي حسين كلها تصعد بأسرع سفينه

موكب الخدمه لو صعد
بهاي السفينه للأبد
للزهره منطين العهد
عهد للزهره الحنينه

خدمة علي بدم مشتريها
بطول الزمن وانباهي بيها

والعهد عالفطره
والشاهده الزهره
انعاهدك احنه عهد خدام


المصيبه


نودعك هالليله احنه ياعلي بدمع الندامه
ضربتك مو سهله چانت خلفت براسك علامه
وعلى باب البيت حضرت بالدمع كل اليتامه

حضرتلك بدمع الصبر
كل اليتامه وتعتذر
والراس دامي ومنطبر
وانته تنظر لليتامه والدمع يجري اعله خدك




شاعر اهل البيت (ع)
رياض الرسل الجابري


▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
https://www.tg-me.com/+seH5Q_Y3xPw2NzIy
▪️كروب الالحان رقم 2
https://www.tg-me.com/+eAjWA-W1XTk5MmYy

#قصائد_استشهاد_الامام_علي_ع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c

😭اباب الله علي معروف
بيته الجنه بيه نطوف😭

ـــــــــــــــــــــــــــــــــــــــــــــــــــــــ



كعديه
لذكرى أستشهاد أمير المؤمنين علي عليه السلام
.....................
أيتام أيتام .. حاصل طبرة الهام
شحجي الليله محتار .. عاجل كل الأخبار
حاصل طبرة الهام
.....................
يوم أبن ملجم تعنه .. أوطبر هامك ياعلينه
حرنه بالام اليتامه .. والألم ناسينه بينه
أوغصت الدمعه أبجفنها .. علي وين أمشيعينه
هذا مو موعد منيته .. خالنظل أمجابلينه
تختل موازين الدهر .. لو طوله بتراب أنطمر
صح راسه بالسيف أنطبر .. من أبن ذيج اللعينه
أنعام أنعام .. حيدر سفرة أنعام
نعمه أتكفي كل دار .. عاجل كل الأخبار
حاصل طبرة الهام
...................
ترست الكوفه اليتامه .. والحزن جسد صفاته
الما عليه أصيام شرعي .. حنضل الماي أبالهاته
محد أيدور فيايه .. بالشمس كلها أستماته
واكفه أوجاري دمعها .. بينت عالخد غواته
أزغار وكبار اليتامه .. غاركه أبهاي الظلامه
تشفه وتكوم أبسلامه .. تندعي كلمن نواته
عالهام عالهام .. شبجت عشره عالهام
دمع العين جرار .. عاجل كل الأخبار
حاصل طبرة الهام
...................
يا علي مولاي عطفك .. حتى لحظات المصاب
أتوصي وآيات السعاده .. واضحه أبعينك جواب
لا تمثلون أبخصمكم .. من يحل وقت العقاب
أنتو أهل دين أوشريعه .. والفصل حد الكتاب
أشكد علي كلبك جبير .. وين أكو من هالظمير
ونته بفراش المصير .. تزرع الحب للثواب
ألمام ألمام .. عندك كوكب ألمام
هاي الجنه والنار .. عاجل كل الأخبار
حاصل طبرة الهام
....................
يا علي نفس العصابه .. الأسست حقد السقيفه
أوظلمت الزهره الزجيه .. أونصبت غيرك خليفه
غمست بالسم نصلها .. أوبيد أبو النفس الضعيفه
سلمته أوأنته ساجد .. لله بالهامه الشريفه
وجهك أمراية محمد .. زين يدرون أوتعمد
ذاتهم وبحقده الأسود .. نفذ الرغبه الكسيفه
أسلام أسلام .. هذا أشلون أسلام
قتل أبسبق الأصرار .. عاجل كل الأخبار
حاصل طبرة الهام
.....................
زمرة الشيطان عادت .. تمتهن قتل الهويه
أتحلل أشما حرم الله .. أتحرم أشحلل نبيه
بقرت أبطون الحوامل .. تاخذ الحره سبيه
للرذيله أنطت فتاوي .. عمت الدنيه الرزيه
السالفه أطول أوعريضه .. الما رعو دين أوفريضه
عادو أبنيه مريضه .. ويلي من الناصبيه
أعدام أعدام .. أنطو فتوة أعدام
وين الشيعي ما صار .. عاجل كل الأخبار
حاصل طبرة الهام
.................
خادم أهل البيت
الشاعر : أسماعيل الجوراني


▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
https://www.tg-me.com/+seH5Q_Y3xPw2NzIy
▪️كروب الالحان رقم 2
https://www.tg-me.com/+eAjWA-W1XTk5MmYy

#قصائد_البقيع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c
🕊الســلام علــى جنة البقــيع 🕊

ـــــــــــــــــــــــــــــــــــــــــــــــــــــــ

على وزن قصيدة حمزه الصغير باليسرزينب علحرم ظلها حول ذكرى تهديم قبور البقيع. (گعديه )

مهدومه الگبور. وإلي هدمها
أحقاد الأيام. بلگلب ظمها
برض البقيع چم گبر. عالي المنارة
صارن سويه. وي الوطيه

دوم متوارث فعلها هلافكار الناصبيه
باب بالإسلام فتحوا تطب منه الجاهليه
دسوا أقوال الضعيفه. بلاسند بين البريه
اتوارثوها اچم درس
شر الطبايع تنغرس
خير الگبور التندرس تنفرش فوگ الوطيه
من هاي الأفعال. حيدر قصدهم
ابسيفه للنار. من وده جدهم
كل گبر عالي تنمحي گالوا آثاره
صارن سويه. وي الوطيه

افتى شيخ الكفر عدهم للهدم چم فتوى قدم
أخذ من ابليس شورى. وكلشي من عنده تعلم
امنيات الشر وكتها. اجه وماللباري. مهتم
معروف نهج الناصبي
ضد الحسيني الطالبي
كل گبرخص آل النبي عمل صالح لوتهدم
وبهاي الأفعال. حقق مرامه
يتصور يطيح. ركن الامامه
يتصور أنوار الوصي. ذابت أنواره
صارن سويه. وي الوطنيه

حته لامخلوق يسئل هاي المن هلمعالم
البيها انوار الامامه. كل فقيه وتقي وعالم
اغصان من شجرة محمد لهلنسب جبريل خادم
غير الخيانه ماعرف
يمشي على نهج السلف
ماكظته بيوم الاسف من فعل فعلته الظالم
هدم هلگبور. سواهن اتراب
ماحاجه.للوم معروفه الاسباب
جدران مرفوعه وذهب خط الزياره
صارن سويه. وي الوطيه


گلوب ماتعرف الرحمه لفت من صوب الظلاله
وصفت معلومه النوايا بدون برهان ودلاله
لازم بليس وزمرته. ايحارب انوار الرساله
حاربوا ياما فاطمه.
وحاربوا حماي الحمه
الحارب انوار السمه. . حارب الباري تعالى
للعتره الاطهار. شدوا حربهم
والسبب معروف. مو من حزبهم
عدهم تعاليم النبي قصد العباره
صارن سويه. وي الوطيه


باچر الموعود يبني. صرح لأنوار المعالي
لكل وصي يبنيله گبه وينشرح گلب الموالي
هيه ايام وتعدي. وتعبر وياها الليالي
الموعود باچر دولته
ايثبت الدين وهيبته
الاسلام يرفع هامته . بعزم أهله يرد عالي
يرفع الموعود. للنصر رايه
وللباطل بزود يكتب نهايه
الخلوا معالم طاهره بحسره ومراره
صارن سويه. وي الوطيه

الشاعر حسن لعيبي الحربشاوي


▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
https://www.tg-me.com/+seH5Q_Y3xPw2NzIy
▪️كروب الالحان رقم 2
https://www.tg-me.com/+eAjWA-W1XTk5MmYy

#قصائد_البقيع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c
🕊الســلام علــى جنة البقــيع 🕊

ـــــــــــــــــــــــــــــــــــــــــــــــــــــــ

قصيدة بمناسبة هدم قبور أئمة البقيع عليهم السلام

چم گبه وضريح ومدخل وباب
هدموهن حسافه وصارن اتراب
من صارن سويه. دوارس علوطيه
هدموهن حسافه وصارن اتراب

★★★★★
(ياعام الهدم ) ياشر الاعوام.
ماصاير گبل هذا بالاسلام
احكام استنبطوها منين الاحكام
تفتي بالهدم وتزيد الآثام
لفووها بكل رديه. اگبوراهل الحميه
هدموهن حسافه وصارن اتراب

★★★★★
استفهام السؤال أيظل للأجيال
شنهو الغايه من كل هاي الأفعال
مناير علارض. ياحيف. تنزال
جريمه المامثلها ابشهر شوال
مقاصد جاهليه. بمناير طالبيه
هدموهن حسافه وصارن اتراب

★★★★★
نهار الدنيا يتبع ليل محزون
حزن عم الارض بيه اظلم الكون
بعد سم الاطهار ابيش يفتون
تبعوا كل وصي بالگبر مدفون
مناير هاشميه تخص ولد الزچيه
هدموهن حسافه وصارن اتراب

★★★★★
معلومه النوايا وأمر مكشوف
ومفهومه الدوافع قصد معروف
كل فتره وزمن تنعاد الطفوف
هاي سيوف تشبه ذيچ السيوف
بمعالم احمديه مجد فوگ الثريه
هدموهن حسافه وصارن اتراب

★★★★★
يبوصالح تون مولاي معذور
لكسر ظلع الزجيه وراس مطبور
وچبدمسموم ذاب وراس منحور
وتصد بأرض البقيع انهدمت أگبور
لهل خير البريه. المنايرهم زهيه
ه‍دموهن حسافه وصارن اتراب

الشاعر حسن لعيبي الحريشاوي ✍️


▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
https://www.tg-me.com/+seH5Q_Y3xPw2NzIy
▪️كروب الالحان رقم 2
https://www.tg-me.com/+eAjWA-W1XTk5MmYy