قناة الشاعرة العلويه ام وليد الموسوي

قصيدة إلى اربعين الامام علي "عليه السلام"

بين الگبور يبويه بين الگبور
گلبي ناطور يبويه گلبي ناطور

بالترب نام وغفه //نوره بالبيت انطفه
وحشة الدور عمتني وحشة الدور
بين الگبور يبوية بين الگبور
❥━──➸➽❥❂❥━──➸➽❥❂
گلبي يمك والدمع ضل تارس العين
شلون صارت هامتك گلي يبو حسين
ليش هيــــچ المگبـرة تتـــخير الزين
تبچي اجت روحي وبعد بالهم تـردين

روحي، ردت تنتحب نار بضلوعي تشب
صارت شهور يحيدر صار شهور
بين الگبـور يبويـة بيـن الگـبور
❥━──➸➽❥❂❥━──➸➽❥❂
صـارت اشهور اوصـل يـوم اربعينــك
بكل وكت ضليت اووون يالدافنينك
بعـد شيفيد العتب يـل غفت عينـك
منبرك خالي، الفـجر نادينـه وينـــك

والعمامة مسفطه // وين راعيهه بطه
طافي النور بغيابك طافي النور
بيـن الگبـور يبويـه بيـن الگبــــور
❥━──➸➽❥❂❥━──➸➽❥❂
طافي، نورك والنـزل حـل بظلامه
يگسـر المـابي رحـم بچـي اليتامـه
شـرد أگلـهم فترة ويـرد ابسلامـــــة.
هاي سفرة مـوت ويطـــــول منامة

بعد شيردة المشة // الدار ضلت موحشة
اليبچي معذور اعله فگده اليبچي معذور
بين الگبور يبوية بين الگبور
❥━──➸➽❥❂❥━──➸➽❥❂
والله معذور المشوو عن وجه الاحباب
صـدگ وجهـك ياعلـي غاطيـه التــراب
جـرح فگـده بالگلب ليهسة ماطــاب
شلون اوصف المغربية وسدت البــاب

يخنگ غروب العصر// يلي نايم بالگبر
الحزن ناطور اعله بابي الحزن ناطور
بين الگبور يبوية بين الگبور
❥━──➸➽❥❂❥━──➸➽❥❂
حزني ناطور اعله بابي وأبچي كل يوم
ااه يـا ذاك الفـرح حسبالــــــي يدووم
تالي، هامة حيدره وضلـع امــي مهشوم
جرح فگد الي مشوو بالـوجه مــرسوم

شرد اسولف يا ألم //حزني ابوجهي نرسم
بعد عاشور يروحي بعد عاشور
بين الگبور يبوية بين الگبور
❥━──➸➽❥❂❥━──➸➽❥❂
بعد عاشور وذبح اهل الحميــه
مسجلينة اليلطم وينصب عزيـة
الف هنياله الذي يواسي الزچية
الدمع مذخور ويحضـــرون المنية

تحضر الزهرة وعلي// بليلة الوحشه الي
بنفخة الصور يجوني بنفخة الصور
بين الگبور يبوية بين الگبور
❥━──➸➽❥❂❥━──➸➽❥❂
✍🏻تمت بعون الله وتوفيقه بقلم خادمة ال البيت عليهم السلام العلوية ام وليد الموسوي لا أجيز حذف الإسم نسألكم الدعاء وقراءة سورة الفاتحة إلى روح والدي ووالدتي

https://www.tg-me.com/us/قناة الشاعرة العلويه ام وليد الموسوي/com.Alalwya

خادم وضل للموت حسين الهويه
وبجاه ابو السجاد يختمها اليه

✍🏼العلوية ام وليد الموسوي

www.tg-me.com/us/قناة الشاعرة العلويه ام وليد الموسوي/com.Alalwya/8338

2.4K viewsخادمة زينب, edited May 7 at 21:41

tg-me.com/Alalwya/8338

Create: 2024-05-07
Last Update: 2024-06-12 18:47:52

BY قناة الشاعرة العلويه ام وليد الموسوي

Share with your friend now:
tg-me.com/Alalwya/8338

Open in Telegram

قناة الشاعرة العلويه ام وليد الموسوي Telegram | DID YOU KNOW?

Date: 2024-06-12| قناة الشاعرة العلويه ام وليد الموسوي

Telegram is riding high, adding tens of million of users this year. Now the bill is coming due.Telegram is one of the few significant social-media challengers to Facebook Inc., FB -1.90% on a trajectory toward one billion users active each month by the end of 2022, up from roughly 550 million today.

Telegram announces Search Filters

With the help of the Search Filters option, users can now filter search results by type. They can do that by using the new tabs: Media, Links, Files and others. Searches can be done based on the particular time period like by typing in the date or even “Yesterday”. If users type in the name of a person, group, channel or bot, an extra filter will be applied to the searches.

قناة الشاعرة العلويه ام وليد الموسوي from us

Telegram قناة الشاعرة العلويه ام وليد الموسوي
FROM USA