tg-me.com/Alfoatm12/2382
Last Update:
أمنية شائق يالصادق
اتمنه الزياره
...
ذكرتك والكلب حن
واذان الدمعه إذن
حي اعله الزياره ولابس الاسود
بقيعك جنه عاشور
مثل الهيمه مهجور
واحجاره العلامه وماالك مرقد
يايوم الاجيك بدمعة العين
واجيب اوياي شوك أمن الجوادين
وبوسه من علي وتربه أمن الاحسين
وتاخذ امرادك واجدادك
ينطوك البشاره
....
عزيزن إن اراقب
ولا اشوفن مواكب
تجيك ولا حبيب ايهلك الدمعه
اريدن امشي يمك
افييلك واشمك
واشعل كل حياتي عالكبر شمعه
يشيخ وبالعمر سبعين عابر
واذا نحسبهه من كسر الخواطر
الف سوط وتسعميه الحوافر
شيبك بكدك يالجبدك
ذاب أمن الحراره
...
يااستاذ المدارس
وهايم بالمجالس
ميت بس جسم نور وفقه باقي
لابوهارون تدعي
تكله اقرالي وانعي
ولاكن أقره الي بالطور الاعراقي
واهل بيتك وره استاره يكعدون
يالصادق وبالسكته يونون
وزينب تشكف الضربه بالامتون
زينب ابهيمه والخيمه
ودتلك شراره
....
جنت سيد زمانك
ابرحمتك وبحنانك
جنت آية الله ولازلت آيه
متت بالسم عجيبه
واحنه بكل مصيبه
على الاحوط وجوب انسوي الاقرايه
شرط نتوضه وانطب العزائك
يوجه الله يالدايم بقائك
بيوم الحشر غطينه بردائك
ياأبو الكاظم والخادم
حددله مساره
....
يشيعه كونا زينا
وله تكونون شينا
علينا هذا تصريحك للاتحبهم
أنه مااريد مرقد
اريد الناس تشهد
يقولو هكذا جعفر امأدبهم
وصيتك واحنه نفذنه الوصيه
وفخر من الله صرنه جعفريه
وحسينيين احنه بالهويه
احسينك نحبه وبدريه
مانترك مساره
....
قريبا يرجعلنه
المهدي ايلم شملنه
وياخذنه البقيعك والعلم اخظر
نزورك والله نحلم
يبو كبر التهدم
ونلكالك مناره ومرقد ومنبر
قريبا تلتقي اوياك الحبايب
واكيدا مايضل المهدي غايب
ونداوي بالدمع جبدك الذايب
احنه اشياعك واتباعك
وفايه وغياره
...
محمد الجماسي
#اللهم_عجل_لوليك_الفرج
BY الشاعر محمد الجماسي
Warning: Undefined variable $i in /var/www/tg-me/post.php on line 280
Share with your friend now:
tg-me.com/Alfoatm12/2382