بيرهـوف

مواقع التواصل بالعراق دمرت عقول الناس ، ماكو شي سهل ، ماكو شي اسمه احترام ومرونة وتقدير لموقف

لازم تنزل الحاضر والغايب حتى تشوفه العالم انت مشتري وحده مو زوجة تصونك وتعيش وياها بستر وسعادة ،

لازم تصعدين بسيارة تشوفيهم الحلقة على اغنية نور الزين حتى غيرج يضوج وتلبين تفاهة تفكيرج

لازم تمدح زوجتك كدام الناس وانت اصلاً ماتحترمها بالبيت ، لازم تنشرين الاكل السفري من صاج الريف ببيتج وانتي افشل ام وزوجة، لازم تنشر رسائل بينك وبين واحد مات وبالواقع جنت ماتديرله بال

لازم تنشر كلمتين من كتاب وتبين عمق ثقافتك الواصله واليختلف وياك تغلط على امه وخواته
الشك مالي گلوب الناس من وره الفضايح وعدم اخلاقية الغير ، مابقت لاثقة ولا ود بين البشر ، اليتصنع هو اليفوز واليبقى حقيقي تنفر العالم منه

وصار كل طرف ينتظر الطرف الثاني يخطأ حتى يتهمه بكتلة اسماء ومواقف يحس بأنتصاره بيهن
بيوت ادمرت وصداقات انتهت وموده راحت على مود بوست وردّ

نصيحة ، اشردوا ، ابتعدوا عن كل شي تحسه متنفس وهو بالواقع ياخذ من سلوكك ومزاجك وتربيتك

ارجع دك الباب على صديقك التحبه الماعنده متابعين والمايثير جدل ، امشوا واضحكوا وسولفوا
الضحكة الطالعة من الگلب مو على بوست تجامل بي واحد نكرة عالفيس

حبوا عادي واتزوجوا عادي وعيشوا وموتوا عادي
هذا العادي المايتثمن بس تفقده تبقى للابد مريض الفيس ومريض الانستغرام ومريض العالم الافتراضي وتكتشف نفسك بالاخير عايش داخل (بوست ) جبير وتنتظر اللآيك من الناس بالشارع .

علي بيرهوف.

www.tg-me.com/us/telegram/com.AliBierhoff/823

26.5K viewsJul 8, 2022 at 06:22

مواقع التواصل بالعراق دمرت عقول الناس ، ماكو شي سهل ، ماكو شي اسمه احترام ومرونة وتقدير لموقف

لازم تنزل الحاضر والغايب حتى تشوفه العالم انت مشتري وحده مو زوجة تصونك وتعيش وياها بستر وسعادة ،

لازم تصعدين بسيارة تشوفيهم الحلقة على اغنية نور الزين حتى غيرج يضوج وتلبين تفاهة تفكيرج

لازم تمدح زوجتك كدام الناس وانت اصلاً ماتحترمها بالبيت ، لازم تنشرين الاكل السفري من صاج الريف ببيتج وانتي افشل ام وزوجة، لازم تنشر رسائل بينك وبين واحد مات وبالواقع جنت ماتديرله بال

لازم تنشر كلمتين من كتاب وتبين عمق ثقافتك الواصله واليختلف وياك تغلط على امه وخواته
الشك مالي گلوب الناس من وره الفضايح وعدم اخلاقية الغير ، مابقت لاثقة ولا ود بين البشر ، اليتصنع هو اليفوز واليبقى حقيقي تنفر العالم منه

وصار كل طرف ينتظر الطرف الثاني يخطأ حتى يتهمه بكتلة اسماء ومواقف يحس بأنتصاره بيهن
بيوت ادمرت وصداقات انتهت وموده راحت على مود بوست وردّ

نصيحة ، اشردوا ، ابتعدوا عن كل شي تحسه متنفس وهو بالواقع ياخذ من سلوكك ومزاجك وتربيتك

ارجع دك الباب على صديقك التحبه الماعنده متابعين والمايثير جدل ، امشوا واضحكوا وسولفوا
الضحكة الطالعة من الگلب مو على بوست تجامل بي واحد نكرة عالفيس

حبوا عادي واتزوجوا عادي وعيشوا وموتوا عادي
هذا العادي المايتثمن بس تفقده تبقى للابد مريض الفيس ومريض الانستغرام ومريض العالم الافتراضي وتكتشف نفسك بالاخير عايش داخل (بوست ) جبير وتنتظر اللآيك من الناس بالشارع .

علي بيرهوف.

BY بيرهـوف