"‏دايماً بشوف إن مفيش أى داعي الواحد يفضل يفكر في ناس أو فرص ضاعوا وسككهم اتقفلت خلاص!.. كلمة النهاية نزلت وانتهينا.. جايز تزعل شوية، وتفضل فاكر شوية؛ لكن استمرار ده عبث.. لو بصيت الناحية التانية هتلاقي إن الأمور ماشية عندهم عادي وماوقفتش زيك!.. شوف نفسك.. إنسى عشان أنت اتنسيت."

‏طول عُمري مُقتنع إن الحنيه وإلاحتواء أكتر حاجة مُلفته للإنتباه ف أى حد، تخيل حد يبقى حنين عليك، يفهم إنك زعلان ف يراضيك علشان مايحبش يشوفك مخنوق أو محتار فاى حاجة، يحس إنك تايه يفضل جمبك ويحسسك إن وجودك ليه قيمة، مفيش حاجة بجد ألطف من كدا والله.❤️

‏أنا عمري مكرهت حد ، أنا مبديش شعور غير الحب ، يا أحبك واهتم بيك وتبقا من أولوياتي ، يا أهمشك وأتجنب التعامل معاك نهائيًا وأشيلك من تفكيري ، إنما أكرهك وأركز معاك واتمنالك الشر فـ مش أنا دا .

‏انا طول الوقت بعاني من لخبطة ف مشاعري بجد، يعني انا عاوزه ابقي اجتماعيه واتعامل مع كل الناس بكل الود والحب عادي، بس انا من جوايا مش طيقاكوا كلكوا ومفيش طاقة اعاملكوا نهائي.

‏أنا لو ببينلك إنك مُهم عندي فأنا بقصد ده فعلاً ومش بجامل ، أنا مبيفرقش معايا حد.

‏هي المشكلة بس إني عايزه أنهار بس ورايا التزامات .

‏عاوز اقول ان الوقت بيداوي كل حاجة فعلًا، حتى طاقة الغضب والخيبة اللي ماكنتش قادر تشيلهم بيتحولوا بهدوء لشعور عدم اهتمام، واللي هو أكتر شعور مريح.

‏بطريقة ما بحس أن المشي بيحل محل الدكتور النفسي..specially لما تتمشى وانت بتسمع الأغاني اللي بتحبها أو لما يكون your favorite walking partner معاك.

‏"ستُجزى على قدر نيّتك وسعيك، لا تحزن إن شعرت أن خُطواتك أبطئ مما كنت تتوقع، وأن الأبواب مفاتيحها أبعد مما كنت تتصور، إن الله يرى سعيك وسلامة نيتك، مهما تأخرت ومهما تعسّرت، ثِق بأن اليُسر سيأتيك عاجلاً أم آجلًا، فلعلّك تسعى وراء نجمةً، والله يُخبّئ لك مجرةً بأكملها ♥️.

‏عايز تستريح اعمل زي ما امير عيد قال :
فارق كإن اللقا معرفش يوم سكتك.

‏ليه مافيش طريقه تخلي الواحد يسترجع كل مشاعره وطاقته وشغفه الي ضاعو في حاجات غلط؟

تفوتنا سنين

وفي الاخر ، نشوف بعض وما بنسلمش

كان الاحسن من الاول مانتكلمش

‏أتمنى مِن كُل قلبي تيجي حاجات تعوضني عن كم الخساير اللي حصلتلي، اتمنى أبطل تفكير شويه في كل الي فات، اتمني عيوني اللي بكت فيها ف ليالي لوحدي فيها ترجع تدمع تاني من الفرحه، اتمنى تحصل حاجه تغير كُل الي انا فيه ده، و ارجع احب الحياه من تاني، اتمني ارجع كويس، زي ما كُنت .

وِ خايف بُكره يكون من دونِك .

الفكره كلها أن قلوبنا مبقاش فيها حيل لأي حاجه مزيفة، خلاص لا قادرين نقعد قاعده مش مرتاحين فيها ولا نشيل شيله مش بتاعتنا ولا نحب حد مش مقدر وجودنا في حياته ولا نعاتب اللي مش مهتم ولا نتكلم مع حد مش حابينه ولا نيجي علي نفسنا أكتر من كدا .

I miss you! But I couldn't tell you!

and my heart goes out to you wherever you are .

على بالي كل لحظّه وثانيه ماتغيب.