tg-me.com/Dambalii_Jaalalaa/2597
Last Update:
Jaalalli burqaa nagaafi tasgabbii ta'eetu hedduu jiraachisuun, hedduun itti jiraachuutti jiru. Kaanisimmoo jaalala burqaa faayidaafi gammachuu dhuunfaaf hedatanii, jaalalicha itti jiraachuu dhiisanii hanga faayidaa qofaatti jaalalicha ittiin jiraachaa jiru. Hireen jaalalaa akkasiin kaaniif jiraattee, kaanimmoo faayidaaf jiraachisuun, kan isheen gidduu deddeemtu waan dhibamtu miti. Ta'us kun hiree jaalalli dhugaan qooddu utuu hintaane hiree namni keessootti keessa godhatee fakkeessaan ofiif qoodudha jedheen amana. Hiika jaalala dhugaaf jiraachuu wallaaluun, akka feetota jaalalaaf hin jiraanne afaaniin jaalala sobaan goobsee, kan jaalalaaf Hambaa jaalalaa kudhaammatee kaatummoo gogsee qoorsuutti jira. Irra caalaan namootaa, jaalala dhugaa argachuun fedhii isaanii isa ol'aanaadha. Tasgabbii, naamusaafi gammachuu jaalala dhugaa keessa jirtu akka dhangaatti soorachuun hawwiifi fedhii isaanii isa hangafa ture. Garuu fedhiifi hawwii qofaan dharra'uu malee aarsaa jaalalli dhugaan sun barbaaddu namni kaffalee keessummeessu hanga xiqqaadha. Jaalalli dhugaan kan argamtummoo aarsaa jaalalli sun barbaaddu baasuun gatii jaalalichaaf kaffaluudha. Gammachuu jaalala dhugaa keessaa kan arganis aarsaa jaalalaa sana kaffaluun dirree injifannoo jaalalaatti Hambaa ta'aniitu hafuun jiraatama!
Ergaa kaa'uf 👉 @Walaloo_bot
@Dambalii_Jaalalaa
BY Dambalii_Jaalalaa❤️
Warning: Undefined variable $i in /var/www/tg-me/post.php on line 280
Share with your friend now:
tg-me.com/Dambalii_Jaalalaa/2597