tg-me.com/DooniiNoh/1920
Last Update:
''SEEXANAAF YEROO HIN QABU''
Barsiisaan barattootasaaf gaaffii lama sa'atii tokko keessatti hojjettanii akka xumuraniif qorumsa qopheesse. Barattoonnis kutaa qorumsaa seenanii taa'umsa isaanii qabatanii qorumsa eeggachaa jiru. Barsiisaan qorumsa fudhatee gara daree qormaataa seene.Ajajni qorumsichaas himamee waraqaan qorumsaa kennameefiira. Barsiisaan sa'atii itti jalqaban qabatee ''Jalqabuu dandeessu'' jedhee itti hime.
Gaaffiin 1ffaa waa'ee Waaqayyoo waan beektu barreessi kan jedhu yoo ta'u lammaffaan immoo waa'ee Seexanaa waan beektu barreessi jedha. ''Gaaffii tokkoof daqiiqaa 30'tu kenname'' yemmuu jedhu osoo sa'atiin isaan jalaa hin dhumiin dafanii barreessuudhaaf barattoonni ariifachaa jiru. Daqiiqaan jalqabaa 30'n dhumuusaa barattoonni dhaga'an gaaffii lammaffaa hojjechuu eegalaniiru, waan sammuu isaaniitti dhufe ariitiidhaan barreessaa jiru. Barsiisaanis kan dhuunfaa dhuunfaa isaanii akka hojjechaa jiran naanna'ee ilaalaa jira.
Barsiisaanis 'Xumuruuf daqiiqaa 10'tu isin hafa'' jedhe. Xumurreerra kan jedhan barattoonni baay'een waraqaa deebii isaanii barsiisaatti kennanii ba'aa jiru, kaan immoo irra deebi'anii deebii isaanii dubbisaa jiru. Kan hin xumurre immoo daqiiqaa hafte sana fayyadamanii xumuruuf ariifachaa jiru. Daqiiqaa kudhanii booda '' Sa'aatiin isiniif kenname waan xumurameef dhaabaa'' jedhe barsiisaan. Waraqaa deebiis naanna'ee funaanuu eegale. Barataa tokko bira yemmuu ga'u ammallee osoo deebii barreessuu argee ''Sa'atiin dhumeera yemmuun siin jedhu hin dhageessuu jedhee'' waraqaasaa irraa butee fudhate.
Barattoonni baay'een gaaffii lamaansaaf waan deebii ta'a jedhan barreessaniiru. Barataan kun garuu gaaffii tokkooffaaf(isayyuu hin xumurre) qofa deebii kenne. Barsiisaanis dinqisiifannaadhaan ''Maaliif gaaffii lamaniif deebii hin guunne'' jedhee gaafate. Baratichis '' SEEXANAAF YEROO HIN QABU'' 🤷♂ waa'ee waaqayyoo qofayyuu barreessee fixuudhaaf sa'atiin kenname ga'aa waan hin taaneef osoo hin xumuriin na dhaabsistan jedhe jedhama.
Dhugaadha dubbiin waaqayyoo osoo dubbatan, dhaggeeffatanfi barreesssan kan hin dhumneefi kan nama hin nuffisiisne icciitii guddaadha. Hamma barbaanne osoo yeroo kennineef iyyuu seensumasaarra osoo jirruu sa'aatiin dhuma. Jaalala jechasaan, addunyaa hin dabarre keessatti fudhatamna. Kana gochuudhaaf immoo Seexanaafi dhimmoota isa waliin walqabataniif yeroo hin qabu jechuu qabna.Yeroon alatti wanti hojjetamu waan hin jirreef cubbuu irraa fagaanne jechuudha mitiiree?. Seexanaaf yeroo kennuu dhiisnaan immoo isa jibbine jechuudha. Yoomis taanaan namni waan jibbe tokkoof yeroo hin qabaatu. Hojii osoo dhabeyyuu waan jibbe waliin walquunnamuu dhiisuudhaf sababa uumee irraa fagaata mitii?. Kanaaf seexanaaf yeroo kennuu yoo hin barbaadne isa loli. Kan nama ajaa'ibsiisummoo seexana waliin walloolte taanaan namaafi Waaqayyoo kee waliin jaalalaan jiraatta. Sa'atii 24 keessaa kan seexanaaf ta'u dhabne jennaan cubbuu hojjechuudhaaf sa'aatii hin argannu.
Yeroo nuuf kenname deebisnee waaqa nuuf kenneef akka kenninu hubannoo nuuf haa kennu.
Kan hiike Ilma Mikaa'el
Jimmaa
BY Caffee Mooraa-Jimmaa
Warning: Undefined variable $i in /var/www/tg-me/post.php on line 280
Share with your friend now:
tg-me.com/DooniiNoh/1920