tg-me.com/Fadfadah98/9793
Last Update:
زمان أول ما أتخطبنا قالي هقولك كلمتين لو فهمتيهم صح هتعيشي إلى حد ما مبسوطة لو نشفتي دماغك ماحدش هيخسر غيرك.
قولتله قول يا سيدي!
وكانوا الكلمتين كالتالي:
الزواج عقد بين الراجل والست فيه تنازلات كتير علشان المركب تمشي، في فرق بين التنازل والتفريط، هنتنازل علشان بنحب بعض، أنما حقوقنا في العلاقة محفوظة، أنتِ هتعيشي معايا ومع أهلي في نفس البيت، ليكي شقة طبعًا بس أنا مش حابب أكون بعيد منهم، دول أهلي وأعتقد أنك مش هتقبلي تبقي بعيدة عن أهلك.. ليكي مطلق الحرية في أنك تبقى كويسة معاهم أو لا، لكن في النهاية دول أهلي، وخليكي فاهمة أنه أي أمر يخصك أنا هكون منصف ليكي جدًا طالما إنتِ مش بتغلطي في حد دون سبب أو تتعدي حدودك.
--أنا بخاف من حوارات الأهل لكن نجرب أنا لو حسيت أني مش مرتاحة أكيد هقولك مش هخبي وماتخافش مش هجيبلك مشاكل أنا عاقلة واللهِ.
فات وقت وأتجوزنا..
حصلت المشاكل الطبيعية في أي بيت،
وبدأت العلاقة بيني وبين أهله تتحجم بس أنهم بيستفزوني وأنا بحاول قدر الإمكان أمسك نفسي،
ولما قررت أحكيله كان حازم جدًا في الأمر والحكم.
صلح الموضوع وصالحنا على بعض.
وكل ما يحصل منهم تصرف مش لطيف يجي يراضيني.
يخرجني مثلًا، يشتريلي أكل أو بلوزة حلوة وعمره ما كان قاسي، طول الوقت بيقدرني.
كنت بطلت أنزل عندهم لكن أمبارح طلب مني أنزل بعد كلمتين حلوين منه لقيتني الصبح بنزل عندهم وبضحك كأنه ما حصلش حاجة.
أصله لأجل الورد يُكرم ألف أهل
وهو الورد اللي زَين دُنيتي واللهِ
يكفيني من الدُنيا تقديره ليا وحبه
وأكتشفت أنه الزواج عقد بين الراجل والست على التقدير والتفاهم كمان مش التنازلات بس.
كنت قادرة أرفض طلبه وما أنزلش، وهو كان قادر يقولي أهلي ما بيغلطوش لكن أحنا اشترينا حياتنا.
ولو ماكنش هدفكم من الزواج أنكم تستقروا يبقى راجعوا حساباتكم لإن الزواج أستقرار وراحة وونس ودفا❤️.
وفاء الشقيري.
BY It's Tanzeel ♡.
Warning: Undefined variable $i in /var/www/tg-me/post.php on line 280
Share with your friend now:
tg-me.com/Fadfadah98/9793