tg-me.com/FaferoDaeiat/105555
Last Update:
https://chat.whatsapp.com/L3Dfw0iess2BRkmG0S7awe
*الحديث السلبي مع النفس*
انت عارف لما تكلم نفسك "أنا مقدرش"، "أنا مش جميلة"، "أنا شخصٌ فاشل"، وغيرها من الأفكار السلبية
اللي بتكلم نفسك بها باستمرار ده خطر جدا بتاثر على افكارك وحياتك كلها بالسوء
وتخيل دراسة في احدى الجامعات في كاليفورنيا، وجدت ان أكثر من 80% مما نقوله لأنفسنا يكون سلبياً،
وده بيسبب امراض القلب والسكر ده غير بياثر على صحتنا النفسية وبتجيب القلق والتوتر والهم والحزن كمان
*في حد منكم هيقولي ايه هو الحديث السلبي ده؟؟*
هو انك تتكلم مع نفسك طوال اليوم وانت شغال كده
ومش مشكلة انك تتكلم مع نفسك لكن المشكلة في نوع الكلام ده هل هو سلبي ولا ايجابي؟؟؟
فهل حوارك بيقلل من قيمتك مثلا وتقعد تندب حظك طول الوقت وتسب نفسك وتقول انا فاشل انا ضعيف انا حظي وحش
هل دايما بتحاول تظهر عيوبك وبتضخمها
هل بتفتكر على طول المرات اللي فشلت فيها في شغلك وفي دراستك وحتى في علاقاتك الاجتماعية؟
انت عارف حديثك السلبي ده هينعكس على مشاعرك وبعد كده على سلوكياتك وتفكيرك وهتلاقي نفسك عندك خجل وتوتر وتردد ويأس واحباط وخوف ....وحتى كمان لمستقبلك خلاص مبقاش عندك امل لاي حاجه
لدرجة تقول. انا لا اصلح لاي شىء
عايزه اأكد لك انك تفكيرك سلبي ؟؟
1️⃣التصفية..... لما تركز على الجانب السلبي في موقف معين وتنسى الجانب الايجابي كده تفكيرك سلبي
2️⃣شخصنة الأمور: لما تؤنب نفسك بشكل مستمر عند حدوث أي موقف حتى لو انت مش المسؤول عنه
اتلغت عزومه فتقول اه هم مش بيحبوني هم مش عايزيني ....
3️⃣التهويل: ....لما تتوقع الاسوء دائما مثلا تتأخر عن شغلك فتعتقد بشكل تلقائي ان باقي اليوم هيكون كده في غاية السوء
4️⃣تطرُّف التفكير: انك تشوف الامور اما جيدة او سيئة معندش وسط يعني تحس انك فاشل او متميز معندكش وسط
والمشكلة ان الحديث السلبي مع النفس ده بيسبب الضغط والقولون وقرحة المعدة وظهور بعض الامراض الجلدية زي الاكزيما والصدفيه
ده غير انك مش بتقدر تواجه الازمات ودايما حاسس بضغط وتوتر وعدم ثقة بالنفس
ده كمان بيتطور .... انك تنقد الاخرين وصعوبة التواصل مع الناس
وفي النهايه يوصلك الحديث السلبي للتذمر والشكوى من كل شىء في الحياة
وديه بقى بتكون بداية الدخول لمرحلة التدمير الذاتي لنفسك
ولاحول ولاقوة الا بالله
طيب الحل خلي تفكيرك ايجابي واحسن الظن بالله دايما
BY فنون التعامل مع الناس💚💛 وفنون الدعوة إلى الله
Share with your friend now:
tg-me.com/FaferoDaeiat/105555