tg-me.com/Gullzariibahasht/3439
Last Update:
نوێژى جەژن چۆن دەکرێ ئافرەتان چۆن نوێژی جەژن دەکەن ئایا واجبە یان سوننەت ؟ وەتاکەی کاتەکەی دەمێنێت ئەم جەژنە ؟ وە سوننەت و ئادابەکانى چین؟ وە سەرپێچی و بیدعەکانى چین؟
چۆنێتێ نوێژی جەژن
نوێژی جەژن بەم شێوەیەی لای خوارەوەیە:
یەكەم: بریتیەلە دوو ڕكات، یەكەم ڕكات دەست پێ دەكرێت وەكو هەموو نوێژەكان بە الله اكبری (تكبیرە الإحرام) پاشان حەوت الله أكبر (تكبیرە) ی تێدا دەكرێت، لە ڕكاتی دووەمیشدا پێنچ (تكبیرە) ی تێدا دەكرێت جگە لە (تكبیرە و الله أکبر)ی ڕكوع وسجود وهەڵسانەوە.
لە خاتوو عائیشەوە (خوای لێ ڕازی بێت) كە پێغەمبەرصلى الله عليه وسلم لەنوێژی جەژنی ڕەمەزان وقوربان حەوت (تكبیرە) ی كردووە لە ڕكاتی یەكەم، وە لە ڕكاتی دووەمدا پێنچ (تكبیرە) ی دەكرد جگە لە (تكبیرە) كانی تر.
وەلە ڕكاتی دووەم پێنچ (تكبیرە واتا الله أکبر دەکات ) جگە لە الله أکبری هەستانی پێش خوێندنی فاتحە.
پاشان كە(تكبیرە) كانی تەواو دەكرد [سَبِّحِ اسْمَ رَبِّكَ الْأَعْلَى] لەڕکاتی یەکەم دوای سوڕەتی فاتێحا و پاشان سوڕەتی [هَلْ أَتَاكَ حَدِيثُ الْغَاشِيَةِ] دەخوێنێت لەڕکاتی دووەمدا دوای سوڕەتی فاتێحا .
وەگەر هەركەسێك فریای نوێژی جەژن نەكەوت بە جەماعەت ئەوا دوو ڕكات دەكات .
سوننەت و ئادابەكانی جەژن
1 ـ خۆ شۆردن بۆ جەژن: لە (نافع) ەوە: (عبدالله كوڕی عومەر) رضي الله عنه لە جەژنی ڕەمەزان پێش ئەوەی بچێت بۆ نوێژگە خۆی دەشۆرد.
2 ـ خواردنی چەن دەنكە خورمایەك بەرلە دەرچوون لەماڵ بۆ نوێژی جەژن: لە (أنس) رضي الله عنه دەفەرمووێت: پێغەمبەر صلى الله عليه وسلم لە جەژنی ڕەمەزاندا دەرنەدەچوو هەتا چەند دەنكە خورمایەكی دەخوارد.
3 ـ خۆ جوان كردن و خۆ ڕازاندنەوە لە جەژندا (ابن القیم) دەفەرمووێت: پێغەمبەر صلى الله عليه وسلم بۆ دەرچوون بۆ هەردوو جەژنەكان لە جوانترین جل و بەرگەكانی لەبەر دەكرد.
4 ـ دەرچوون بۆ نوێژگە (المصلی): لە (أبو سعید الخدری) ەوە رضي الله عنه فەرموویەتی: پێغەمبەر صلى الله عليه وسلم جەژنی ڕەمەزان وقوربان دەردەچوو بۆ نوێژگە (مصلی) یەكەم شت دەستی پێ دەكرد نوێژەكە بوو.
5 ـ ڕۆیشتن وگەڕانەوە لە نوێژگە (المصلی): سوننەتە بە پێ بچیت بۆ نوێژی جەژن: لە (عەلی) ەوە رضي الله عنه بۆمان دەگێڕنەوە كە فەرموویەتی: (سوننەتە بە پێ بچیت بۆ نوێژی جەژن).
6 ـ ڕێگا گۆڕین: لە (جابری كوڕی عبدالله) ەوە رضي الله عنه فەرموویەتی: پێغەمبەر صلى الله عليه وسلم ئەگەر ڕۆژی جەژن بوایە ڕێگاكەی دەگۆڕی، واتە: لە ڕێگایەكەوە بڕۆیشتایە بۆ مزگەوت لە ڕێگایەكی ترەوە دەهاتەوە. (ئیمامی نەوەوی) (ڕەحمەتی خوای لێ بێت) ئەفەرموێ: ئەگەر هۆیەكەشی نەزانراو بێ سوننەتە شوێنی بكەوین بەیەك جاری.
7 ـ جەژنە پیرۆزە كردن لە یەكتر: كە بەیەك گەیشتین سوننەتە بەم شێوەیە پیرۆز بایی لەیەكتر بكەین: تقبل الله منا و منكم.
سەرپێچیەكانی جەژن :
1ـ نەكردنی نوێژی بەیانی، پێیان وایە نوێژی بەیانی و جەژن یەك نوێژە ،
2 ـ دوا كەوتنی هەندێك خەڵك لە نوێژی جەژن بەهۆی ئەوەی نوێژی جەژن بە سوننەت ئەزانن. لەكاتێكدا واجبە، هەرەك ئیمامی (الشوكانی) (ڕەحمەتی خوای لێ بێت) دەفەرمووێت: نوێژی جەژن واجبە چونكە پێغەمبەری خوا صلى الله عليه وسلم بەردەوام ئەم نوێژەی كردووە لەجەژنەكاندا، وە وازی لێ نەهێناوە لە جەژنێك لەجەژنەكاندا، وەفەرمانی بەخەڵكی كردووە بەگشتی كەدەرچن بۆ نوێژ كردن تەنانەت ئافرەتانیش.
3 ـ وازهێنان لە نوێژ كردن بەهۆی سەرقاڵ بون بە جەژن و سەردان كردنی خزم و كەس و كار بەتایبەتی وازهێنان لە نوێژی جەماعەت لەڕۆژانی جەژندا .
4 ـ هەندێ لە پیاوان بە مەبەست و بیانوی خۆ جوانكردنەوە ڕیشیان ئەتاشتن لەكاتێكدا زانایان فەرمویانە ڕیش تاشین لە تاوانە گەورەكانەو لاسایی كردنەوەیە بۆ بێباوەڕانە .
5-خۆڕاراندنەوەی ئافرەتان بۆدەرەوە و بۆن لەخۆدان و جلی تەسک و تەنک و کورت .
6- گۆرانی مۆسیقا و هەڵپەڕکێ و تۆقە کردنی ئافرەتان و پیاوان .
ئایا نوێژی جەژن بۆ پیاوان و ئافرەتان واجبە ؟
وەڵام : نوێژی جەژن بۆ پیاوان واجبە بەڵام بۆ ئافرەتان سوننەتە واجب نی یە هەرچەندە خلاف هەیە هەندێک لەزانایان فەرمویانە بۆ ئافرەتیش واجبە بەڵام ڕای ڕاجح و پەسەند ئەوەیە سوننەتە نەک واجب بێت بۆ ئافرەتان .
ئافرەتانیش هەر وەک پیاوان نوێژەکە دەکەن ؟ وەتاکەی کاتەکەی دەمێنێت ؟
بەڵێ نوێژەکە هیچ جیاوازی نی یە چ بۆ پیاو بێت یان ئافرەت کاتەکەشی لەدوای خۆڕ هەڵاتنەوە بەقەد ڕمێکە تاکوو پێش هاتنی نوێژی نیوە ڕۆ .
💙 تکایە ئەم پۆستە بڵاو کەنەوە با زۆرترین کەس سود مەند بن لێی ....
BY 🌼 گوڵزاری بەهەشت 🌼
Warning: Undefined variable $i in /var/www/tg-me/post.php on line 280
Share with your friend now:
tg-me.com/Gullzariibahasht/3439