tg-me.com/HHa19789/606
Last Update:
#تراث
السيدة العقيلة تخاطب الهاشميين روحي فداهم
آه يشبول المنايا وشابها
اچبودكم جمر الهظم ما ذابها
ــــــــــــــــــــــــــــــــــــــ
چم وچم ناديت حي اعله الفلاح
حتّه من الناس ملّتني الرواح
ایّست منهم اودمع العين ساح
مثل سح الغيث من اسحابها
ــــــــــــــــــــــــــــــــــــــ
گتله امهلني يدمعي لا تصب
شمّتت بيه الحواسد والنصب
گال مو بيدي المسيل امن الگلب
واظن زینب فجعته بمصابها
ــــــــــــــــــــــــــــــــــــــ
گتله أي والله يدمع العين جود
وكرب الوجناة واحفر بالخدُود
لا تفيّض دمع خذّم بالچبود
على امصاب السلّبوها احجابها
ــــــــــــــــــــــــــــــــــــــ
من مثل زينب وهي بت الوحي
والابو الكرّار والجد النبي
تنهتك واتصيح ماظل من ولي
يالعلي والله على غيّابها
ــــــــــــــــــــــــــــــــــــــ
ما بگت منهم يمين اوبيه چف
عظم سالم منكسر عظم السلف
یاوسافه اركنت كلها اعله التلف
والمنايا انشبت بيها انيابها
ــــــــــــــــــــــــــــــــــــــ
چالگطه المرعوب من يگطع ابليل
هجّت ابنات الوصي حامي الدخيل
هاشمي اولا هاشمي ايعذّب الخيل
يفرغ اعدوها اويخلّي ارچابها
ــــــــــــــــــــــــــــــــــــــ
آه لاون عتب زینب تسمعون
باللّطم يكرام رمّيتوا الوجون
اليمته ثاره لابن حیدر تخلّون
وشربت اعليه چاسها ونصابها
ــــــــــــــــــــــــــــــــــــــ
ياهلي المطرود بحماكم يمن
وما مثلكم بالمله ایجود اویمن
ياهلي يا من شمايلكم يمن
ابحور لاچن السفن طلاّبها
ــــــــــــــــــــــــــــــــــــــ
#ياهلي الخلّه يستروها العمام
اوما عله الذلّه نواظرها تنام
ياهلي هاي الارامل والأيتام
تعتب اوماتسمعون اعتابها
ــــــــــــــــــــــــــــــــــــــ
#ياهلي لوچان عتبي اعله الصخر
حن على حالي وتصدّع وانفسر
ايّست ودموها تجري حمر
موته اهلها اومن يرد اجوابها
ــــــــــــــــــــــــــــــــــــــ
اوردّت التفتت لعد جدها الرسول
نادته اوعبراتها تجري وتگول
يبو ابراهیم اعله صدر ابنك تجول
خيل عدوانك وهو اعله اترابها
ــــــــــــــــــــــــــــــــــــــ
ردت التفتت النوب اعله البتول
صاحت وعبراتها شبه السيول
يـمّي يم الحسن ما بين الخيول
ابناتچ اوحرکت الگوم اطنابها
ــــــــــــــــــــــــــــــــــــــ
ردّت التفتت النوبه اعله الحسن
يبو محمّد نادته ذب الچفن
هاي اعاييلك يواليها انولن
اوطمع بيها يا نفل سلاّبها
ــــــــــــــــــــــــــــــــــــــ
ردّت التفتت لعد وادي السلام
نادته لحّد يحيدر يضرغام
هاي اعاييلك مثل سرب الحمام
هايمه ابوديانها وشعابها
الشاعر المرحوم عبود غفلة
(199)
#اللهم_عجل_لوليك_الفرج
BY تراث القصائد الحسينية
Warning: Undefined variable $i in /var/www/tg-me/post.php on line 280
Share with your friend now:
tg-me.com/HHa19789/606