tg-me.com/Hakeem_med26/159
Last Update:
يسعد أوقاتكن زملاء 👋 أهلا وسهلا فيكن بالسنة الرابعة واللي متل مامنعرف انو هي أصعب سنة بمسيرتنا كما يقال 😉 يعني مو لهدرجة بس مانها هينة بس بالهمة العالية انشالله بتعدي 💪 واليوم رجعنالكن بالبوست التعريفي بمواد الفصل الأول بهالسنة ومنبلش هلأ بأول مادة وهي ✍ الأذنية من أحلى المواد والأمتع على الاطلاق ورح يكون معكن الدكتور عبد المعين ظاظا الرائع والمتابعة بتخلي المادة هينة جدا هي أمراض الأذن يعني مابدها توضيحً، بالنسبة للفحص والمقابلة الدكتور عبد المعين ملتزم كتير والأسئلة سهلة بالمقابلة والنظري طبعاً ل دارس بدقة 👀 ( ولا سؤال دورة )لهيك تابعوا منيح 😉💚
هلأ مادتنا التانية وهي ✍ الخمجية مادة دسمة وبدها متابعة للدكتورة هيام عموماً مواد الدكتورة هيام كلها هيك 🙂 المعدل فيها مانو بالأمر السهل (لكن بتنجاب لا تخافوا) بتحكي عن الأمراض الخمجية طرق العدوى ..العامل المسبب ووقاية وعلاج ....الخ
مادتنا التالتة هي ✍الهضمية مادة معدل ان شاء الله مع الدكتور فايز المحاضرات سلسة وبسيطة عن أمراض الجهاز الهضمي قرحات..التهاب ..رتوج أمعاء ومعدة وكولونات مثلاً..الخ مع العلاج يعني معلومات بسيطة والمقرر جديد الو سنتين بس وتكرارا الأسئلة قليل 😁 وهي أول مادة مناخد نفس فيها😎💪
مادتنا الرابعة ✍الغدية مع الدكتور كمال ونوس مادة ممتعة وحلوة كمان ومعدل كمااان💚
مادة فهمية وسهلة وبتحكي عن الغدد بالجسم فيزيولوجيا وتشريح وإمراضية ..(انتبهوا على محاضرة السكري 🙂🤝)
مادتنا الخامسة هي ✍ الأورام للدكتور فهد شريباتي الأكثر من رائع الحضور مفيد جدااااً بتطلع من المحاضرة مابدك ساعة عليها ..عموما المقرر كتير سهل بتحكي عن سرطان الثدي مثلاً مع اغران النسج الرخوة والضفيدعة واورام الدرق...الخ 💚😍ايضاً مادة معدل 🔥
مادتنا السادسة ✍الجراحة كمان للدكتور فهد ود.علي ود .أسد المقرر ضخم وهيي أضخم مادة بالفصل بتبلش من المريء تشريح وفيزيولوجيا وامراض هيك لنهاية الجهاز الهضمي مع ملحقات زائدة وحويصل صفراوي رح ندرسن بالتفصيل الممل الحضور ذو فائدة اضافية ومفيدة 💚😍
منختم بمادتنا الأخيرة وهي ✍ الأمراض 🤨
للدكتور عيسى طعمة مانها غريبة بس انتبهوا للعملي المحضرات جد صعبة 🙂 بس النظري نوعاً ما مقبول مانو صعب ادرسو منيح انشالله بتنجاب علامة مرتبة (متل ما قلت انتبهوا للعملي 🤝 )
ملاحظة صغيرة 🧏♀المقابلات منصفة وعادلة يعني بتساعدك كتير بالنظري بس الأمراض متل ما حكيت فيها شوي لهيك شدوا الهمة 🔥💚💪 بالمناسبة ادربوا من اول الفصل على المقاربة السريرية بالجراحة والأورام منيح كرمال ما تتفاجأوا قبل المقابلة بأسبوع 🤫
وهي لمحة عن موادنا بالفصل الأول ورح تحس انو بلشت تحس حالك طبيب وفهمان😉💚
لهيك دكاترتنا بدنا الهمة ألف واستعدوا لأول الفصول السريرية 😍
كل التووفيق ولأي استفسار @HakeemBaath
#فريق_حكيم 💙
BY Hakeem team Med 2026 - Albaath
Share with your friend now:
tg-me.com/Hakeem_med26/159