tg-me.com/Kfeilzainp/8717
Last Update:
قصيده بحق الامام الحسين عن السان زينب تخاطب الخيل
*******
ها ياخيل اخي حسين عوفيه
بهيده علئ الصدر لمن تدوسيه
*******
هاذ ابن الزچيه ما تعرفينه
براظه على الضلع لالاتكسرينه
من بعده نظل وعداه تسبينه
يكون الخيل ماتت تحت رجليه
✍🏻العلويه ام علي
==============
ها ياخيل ماعندچ رحم واحساس
هدمتیلي حصني لیش من الساس
ولچ بس الجسم وفوگ الرماح الراس
ابن طه النبي ها ماتعرفيه
✍🏻سلمى أم جعفر
===========≈==
جنچ ما عرفتي حسين واخوانه
دستي الصدر گطعتيله جثمانه
عزیزالمصطفی والجده ريحانه
چنه ایصح كافي عاد خلیه
✍🏻 ام حيدر العباديه عماره
==============
بسچن عاد ميت ماتخلنه
هذا عزيز روحي لاتعورنه
صواباته چثيره لاتلچمنه
یم حسين ابنچ لحگي عليه
✍🏻إم حيدر العبادي ناصريه
================
يزهره حسين اخیی بلا رحم داسوه
بحوافر الاعوجيه الجسم وذروه
بعشره خيول صدره حسين اله رضوه
بحوافرهن حديد وحيل ياذيه
✍🏻 أم حسن البطاط
=============
بهیده اویلولی لتدوسی اضلوعه
نحره گاطعینه وروحه موجوعه
گلبی القصته اموجر ومفجوعه
وجسمی ریت وی جسمه تدوسیه
✍🏻المیرزه ام ليلي الخاقانی
===============
يخيل الاعوجيه عوفی اخیی حسين
علی صدر العلم ها بالچ اتصعدين
هاذ ابن الزچیه والنبي الیاسین
نبل متروس جسمه وموجره بیه
✍🏻هدى المطر ام محمد
================
تمــ بعون الله تعالى ــت
بقلـ🖊️ـم شاعرات اهل البیت ع
في رابطة دموع العقیله ع
لانجيز حذف الاسماء✋
☘️نسالكم الدعاء☘️
https://www.tg-me.com/us/قناة دموع العقيله ع/com.Kfeilzainp
BY 📕قناة دموع العقيله ع📕
Share with your friend now:
tg-me.com/Kfeilzainp/8717