tg-me.com/L4schannel/2277
Last Update:
كلنا تقريبا بنكون سمعنا عن المنح الدراسيه ...
بس أغلبنا ما عارفين تفاصيل عنها 🤔
وكتير جداً وإحنا في الميديا بيلاقينا روابط للتقديم لمنح دراسيه بس غالباً بنمشى بدون ما نركز معاهاا لأسباب كتيره ..🤷🏻♀
في نفس الوقت مرات كتيره بنلقى في دائره أصحابنا ومعارفنا من بعيد إنو في ناس أتقبلت في منحه دراسيه للبكاريوس او الماجستير او حتى للدكتوراه .
حياتهم اتغيرت ،تعليمهم إتحسن بالتالي حيكون فرص شغلهم أكيد أفضل بدليل إنو في سودانيين مؤثرين في العالم في مجالات كتيره شديد بدايتهم كانت بالمنح
طيب عشان نسد الفجوه بين هل المنح دي حقيقيه ومفيدة وناس كتيره بتبدأ منها وبتصل لتعليم ووظيفه وحياه افضل وبين معقداتنا انها ما حقيقه وخوفنا من اننا نطلع من منطقه الراحه ونبطل كسل ونجتهد وما ننتظر النجاح يجينا على طبق من دهب 🙋🏼
ونوقف لوم لحياتنا كسودانين بسبب الظروف البتمر بيها بلادنا الحبيبه ونعمل خطوه ..
إحنا في منظمة تعلم من أجل السودان
حنشتغل على إننا نوفر ليكم كل المعلومات الاساسيه عن المنح الدراسيه وكمان نديكم نصائح تساعدكم على التقديم وكمان حنعمل ليكم لايفات لطلاب اتقبلو في منح دراسيه في دول كتيره عشان الرؤية تكون واضحة
كدا حنمسكم بدايه الطريق بصوره صحيحه والباقي عليكم بس 👌🏼
حيكون في سلسلة بوستات حنتناول فيها كل شيء عن المنح الدراسية
خليكم قراب واعملو تاق لاصحابكم المهتمين بالمنح الدراسية
وترقبو البوست الجاي 🔥
#المنح_الدراسية_بداية_حياة
#تعلم_من_أجل_السودان
#Learn4sudan
BY Learn 4 sudan
Warning: Undefined variable $i in /var/www/tg-me/post.php on line 280
Share with your friend now:
tg-me.com/L4schannel/2277