tg-me.com/L4schannel/2279
Last Update:
حكاية السيرة الذاتية وتعريفها 📄'.
- هل أنا ك طالب مُحتاج سيرة ذاتية 🤷🏼♂️؟!
السيرة الذاتي حتى لو حسيت إنها بسيطة وخفيفة ف لا غِنى عنها. وإنتَ ك طالب أو خريج جديد مفروض تهتم ب تفاصيلها شديد، ح تحتاج ليها في؛
¹ التقديم للمنح الدراسية،
² الوظائف،
³ أو حتى فُرص العمل طوعي.
ف لازم تكون قادر تعرض نفسك وشغلك ب طريقة لافته للانتباه وتقدر تقنعهم بمهاراتك 😌✨'.
يعني أنا ك شخص شفت ال CV حقك عايز اشوف انجازاتك 💁🏼♀️.
يعني شنو CV 📄؟!
• هو اختصار ل الجملة اللاتينية Curriculum Vita ومعناها الحرفي "قصة الحياة" أو ب شكل افضل:
وصف ل رحلتك العلمية والأكاديمية.
Detailed description of your academic and professional career.
• هل كُل السير ذاتية وأحد ولا في اشكال مُختلفة ليها 🤔؟!
عندنا 4 أنواع للسيرة الذاتية مُنتشرة ومستخدمة ب صورة واسعة.
¹ أول شكل هو ال CV:
- هو وصف دقيق ل خلفيتك التعليمية، ومهاراتك العملية والأكاديمية.
- في النوع دا ب تركز إنك تظهر مؤهلاتك، تعليمك، درجتك العلمية، والشغل إلي اشتغلته أو المهام إلي كانت موكلة لك.
² يليها ال Resume:
- وفي العادة ب يحصل لبس في الفرق بينها وبين ال CV ..
- هو عبارة عن اختصار لل CV، ب تركز فيه على الجانب التقني وكيف ممكن تستخدم مهارتك التقنية في مشاريع وأعمال حقيقية. أي مهارة تقنية زي مثلاً، تحليل البيانات، البرمجة، أو إذا كنت في مجال المختبرات.
- ب تنطلب في حال الجهة ب تبحث عن مهارات مُعينة بغض النظر عن درجات المُتقدمين العلمية أو مجالهم.
³ ال Hybrid CV/Resume:
- في جهات ب تكون عايزة خلفية تعليمية مُحددة أو في مستوى معين وفي نفس الوقت عايزة مهارات تقنية كويسة. في الحالة دي ب ينطلب حاجة اسمها Hybrid. مزيج بين ال CV and Resume.
⁴ ال Biosketch:
- حاجة مختصرة من ال CV/Resume ب توضح مشروع أو مشاريع معينة، مع توضيح دورك كان شنو في كُل مشروع.
* دي في العادة ب تستخدم ل طلب تمويل مالي ل مشروع أو المشاركة في مؤتمر علمي.
كُل الأنواع دي ب تترتب ب ترتيب زمني تنازلي، يعني من الأحدث للأقدم ⤵️.
- قبل ما نبدأ نكتب، لازم نعرف إنك مفروض نتبع شكل محدد لل CV بناءاً على ح تقدم بيها ل مؤسسة في دولة أوربية ولا في أمريكا وبريطانيا ولا دولة عربية.
ب الاضافة ل إنه ف مؤسسات ب تطلب شكل محدد ومفروص تتبع الحاجة دي زي ما ب يطلبوا 💁🏼♀️.
• مُعظم جامعات and institutions الاتحاد الأوروبي ما عدا بريطانيا، ب تطلب ال CV بال Europass format.
- يعني شنو Europass forma ‼️
ودا موقع ب تدخل تعبي بياناتك في خانات مُقسمة وبعد تخلص ب تقدر تحمل ال CV ب صورة ملف أو ممكن تستخدم الرابط بصورة مباشرة.
• في مؤسسات أو جامعات عندها شكل خاص بها، ف اثناء التقديم ب يطلبوا CV template مُحددة، وممكن يدوك مثال ل نموذج. -لازم جداً تلتزم بالحاجة دي-
• واخيراً إذا مافي اي تعليمات بخصوص شكل محدد لل CV ممكن تستخدم التنسيق والترتيب الخاص بك، لكن خليك قريب من التنسيق العام برضو ما تعمل تنسيق مُختلف وبعيد شديد.
كدا عرفنا أهم أنواع وأشكال السيرة الذاتي 👏🏻'.
• يبقى سؤال كيف ممكن أكتب سيرة ذاتية براي ✍🏼؟!
ما تمشوا بعيد وخلوكم معانا نكمل سلسلة أنا والسيرة الذاتية في أسبوع ✨'.
سَ نعود بعد قليل 🔙'.
#أنا_والسيرة_الذاتية_في_أسبوع
#تعلم_من_أجل_السودان
#learn4Sudan
BY Learn 4 sudan
Warning: Undefined variable $i in /var/www/tg-me/post.php on line 280
Share with your friend now:
tg-me.com/L4schannel/2279