.

.

احرص كل الحرص من تختار اكل لطفلك انه يكون بيه حديد
او غني بالحديد
او مدعم بالحديد
و ان يكون بعيد عن الحليب لان الحليب بيه كالسيوم و الكالسيوم يتعارض ويه امتصاص الحديد
احرص على اضافه اللحم مبكرا للطعام و خلطه مع الطعام
حتى قريت مقالات لأطباء اطفال أمريكان يكولون بيها انه اول اكله لازم تدخل لمعده الطفل هي اللحم
مبكرا اقصد بحدود ٤ إلى ٦ اشهر
الحديد موجود بالعديد من الاكلات عدا اللحم ( بس يبقى هو اغناهم )
يا عراقيات وجوه اولادنا صفر من كثر الحليب بعد السنه و قله التنويع الغذائي
يا عراقيات مهتمات بالكالسيوم و مقدساته و عايفات الحديد و الزنك و البروتين و البروبايوتك
مهتمات بالسكريات اكثر من كلشي
و الامانه اللي هي طفلك صارت مدمنه سكريات اكثر من كلشي بالدنيا
انتبهولنا لمساله التنويع الغذائي و تدعيم الحديد بغذاء الطفل
الحديد اولا و بعدين يجي الكالسيون المقدس
التنوع الغذائي مهم
د. سيف سمير البياتي اخصائي طب الاطفال

.

#تربية_الاطفال

#اول_تصرف_اول_رد_فعل

اول مرة يتصرف الطفل تصرف معين انتبة كلش زين لرد الفعل

📍اذا ضحكت وقهقهت ونشرت الخبر بين الجيران والاحباب والتجمعات وكدام الطفل, هنا انت رسخت التصرف وطبعته براسة تماما

📍اذا غلست تماما، حيبدي يتلاشى التصرف تدريجيا

📍اذا انفعلت وصيحت ، والاسوا ضربت

رح يرجع يسوي هذا التصرف مرارا وتكرارا كلما جانت عنده رغبه ب

🔸استفزازك

🔸جذب انتباهك

🔸الانتقام

🖊️وطبعا هاي مرحلة جدا خطره خصوصا فترات المراهقة

🖋️نسمع الام والاب يشكي ويندب حضه ان ابنه يسوي تماما كل الاشياء الي هو مانعه عنها (منع عنيف)

وكانما يتشفى بيهم

(وفعلا هذا الشي يصير عند المراهق الي ما عاش طفولتة بشكل صحيح )

🌼لذلك دائما اذكر وانبه، التربية هي زرع يطلع ثماره بعد سنوااااات

مو بنفس اليوم ابدا 🌼

🛑يجوز هسه طفلك يستجاب للصراخ والتهديد، لكن من يكبر ويتقوى، ينتهي هذا المفعول ويبدي مرحلة الانتقام او يحاول يرجع قيمته لنفسه من خلال سلك الطريق الاصعب (التمرد)

🛑او ينكسر خلاص ، ويصير ضعيف شخصية ، والف واحد يتحكم بي واكيد الاقوى هو المنتصر، فبالتالي يصير فريسه لكل المنتمرين ورفقاء السوء الي يجبروه او يوهموه بان يسوي الاشياء الغلط وهو حينطيهم التسليم المطلق بالتلاعب بي

📔نجي للامثلة على ارض الواقع :

📍ابنك ذو ال3 سنوات ، نزع ملابسه كدام الخطار

اذا ضحكت وقهقهت وهاي شنو ويا و ههههه وهههههه وتعال فلان شوف وههههههه

وترجعين تحجين الموقف لكل الاقارب والاصدقاء

وهيج بكل مكان يرجع يسوي هالتصرف و يستفزج بي

📍مثال اخر

طفلك ابو السنتين ونصف بصق/ تفل على اخوه الاخبر منه

وكذلك العيلة كلها كامت تضحك ويا وهاي شنو كمت تتفل وهههههه وههههه

هم ترقب عهدا طويلا من ال(تفال)

📍طفلك ابو 4 سنوات

وامه دتحجي وياه وكلها د كافي سكتي مو دوختيني

والاب والجد والبقية كلهم ضحكوا وصاحوا العم والخال وكالوا له تعال اسمع شلون صاير يسولف

◀️هذا الشي لايعني انه تكلبها كلها نكد والوجه علطول معبس وماكو تفاعل ، بالعكس

الاشياء الحلوة الي يسويها طفلك اضحك عليها وشجعه واحجي بيها للرايح والجاي، هيج رح ترسخها بي وتخلي يسويها علطول

🔸مثل من يحضن اخته الصغيرة

🔸من يكول لماما (اساعدج)

🔸من برتب العابة

وغيرها وغيرها من التصرفات الحلوة

🔆الي خلاني اكتب هذا البوست قبل كم شهر، جنت ببيت اهلي، وجانوا ديسولفون وياه ومن ضمن السوالف سئلوه ماما شنو اسمها؟

ومجانوا متوقعين هو يعرف او اقلها ممتوقعين حيعرف يعبر

لكن هو صفن شوي وكال (اسماء)

العيلة كلها خربت ضحك وصفكوله وكلوله اي صحيح عفية الذكي

جان موقف مبهج جدا بالنسبة اله

ورجعت اني حجيت الموقف كدام ابوه،

بوجوده

الي صار بعد كم شهر ، والي هو حاليا،، بطل يصيحني ماما

وكله يكلي اسماء 🤣💔

د.اسماء

..

الرز للاطفال
الرز واحد من اشهر الاكلات حول العالم
و هو نوع من انواع الحبوب
الحلو بالرز انه التحسس اله جدا جدا قليل و بعمري ما سمعت عن احد تحسس من الرز ( ما اقصد السيريلاك رز )
الرز غني بالفوائد و احسن علاج طبيعي للاسهال
الرز غني بالطاقه و محتواه النشوي
عن نفسي انصح بيه كأول طعام يدخل لمعدة الطفل بعد إكماله الاربع اشهر
بس اللي اختلف بيه انه ما انصح بالفوح و إنما الرز نفسه يطبخ جيدا و من ثم يخلط بالخلاط و يقدم للطفل لوحده او مخلوطا مع الحليب
شنو افضل انواع الرز ؟
الرز بيه 2000 نوع و ماكو نوع سيء و نوع جيد بس ملاحظه صغيره انه الرز يحتوي على كميه ضئيلة جدا من الزرنيخ
اللي ممكن تقليلها بغسل الرز و تنقيعه بالماء و من ثم غسله لحد ما يكون الماء صافي
طريقه طبخ الرز بالتصفيه اكثر صحيه و تقلل الزرنيخ كذلك
و تتم من خلال اضافه الكثير من الماء للرز و بعد ما ينضج يتصفى و بعدها يوضع على نار هادئه و يترك لما يكون جاهز للتقديم بعدها ممكن خلطه بالخلاط مع الماء او مع الحليب
الرز لا ننسى انه هو يسمن فنقلله عند الاطفال اللي عدهم سمنة
ممكن بعد ٣ ايام الأولى من الرز نضيف قطع صغيره من الخضراوات لتغيير الطعم و كل ٣ ايام نضيف شي جديد و عافيات مقدما
د. سيف سمير البياتي اخصائي طب الاطفال

دائما بجلسات الأمهات تلكه اسئله من قبيل ؟
ابنج شوكت مشى ؟
ابنج شوكت كال بابا ؟
ابنج شوكت يقرا؟
ابنج شوكت صار اجتماعي و يلعب ويه باقي الجهال ؟
ابنج شوكت بدا يتواصل وياك و يسمع كلامك ؟
ابنج شوكت بدا ياكل وحده ؟
الخ الخ الخ من الاسئله اللي هدفها واحد و هي المقارنه !
راح اكولك شي
للاسف ماكو جواب شافي لكل الخطوات
ماكو عمر ثابت و ساعه ثابته لكل الأحداث
الرحله طويله و طويله جدا
بيها ايام صعبه و ايام سهله
بيها ارتفاعات و انخفاضات
بيها تطورات و انتكاسات
مواضيع مالها علاقه بيك و بتحفيزك
و مواضيع الها كل العلاقه بيك و بابوه و تحفيزكم و تشجيعكم و صبركم و جهدكم
يوم تمشي الأمور
و يوم ما تمشي الأمور
دامك تتعبين تأكدي أن الأمور تمشي بالخطى المرسومه اله
ماكو طفل انولد و هو يعرف يكتب او يقرا او يسوق
و ماكو قانون يشمل كل الاطفال
ممكن الظروف تساعد ابن فلان في نقاط و تساعد ابنك في نقاط أخرى
اعرفي انك ما راح توصلين لنهاية الرحله بلحظه
و الرحله محتاجه مسافه
بس حطي عينك على الطريق و بس
ركزي ويه طفلك و بس
مالك علاقه ببقيه الركاب
صفر مقارنات هو هدفك
استفيدي من خبرات الاخرين من بعيد
و اخذي منها الامل
و اخذي اللي يناسبك
سامحي نفسك اذا تأخرتي بخطوه
او بديتي متأخر
كلنا راح نبقى عايشين
نسقط و ننهض.. نسقط و ننهض
د. سيف سمير البياتي اخصائي طب الاطفال

،،
ما هو الفرق بين معدل النبض Pluse rate و معدل ضربات القلب Heart rate ؟؟


🫀معدل ضربات القلب Heart rate :- هو المعدل الذي ينقبض فيه القلب ويسترخي ...

- يتم قياس معدل ضربات القلب بواسطة جهاز تخطيط القلب ECG بالمونيتر (لدات المونتير ) او بجهاز ECG أو مراقب معدل ضربات القلب .



🫀معدل النبض Pulse rate :- هو المعدل الذي يتوسع فيه الشريان وينقبض عند مرور الدم.

- يتم قياس معدل النبض بواسطة مقياس النبض pulse oxmeter أو جهاز مراقبة الأشعة تحت الحمراء.

و يمكن قياس معدل النبض في نقاط معينة في الجسم مثل الرقبة والمعصم عن طريق الشعور بالنبض ، وهو ما يعرف بالجس palpation .

وبالتالي ، هناك فرق بسيط في معدلات كليهما كلاهما يقيس حوالي 100_60 نبضة في الدقيقة للفرد السليم ( 100bpm)

🔰 نقص فيتامين "د"..الوباء الصامت

🔰كيف تعمل الرئتين و كيف يتنفس الانسان

.

✨-كل مريض لديه حمى مع سعال لمدة أسبوعين "ذات رئة"حتى يُثبت العكس.
✨-كل نفث دم عند مريض مسن
"ورم رئة"حتى يُثبت العكس.
✨-كل بيلة دموية غير مؤلمة عند مريض مسن
"سرطان مثانة"حتى يُثبت العكس.
✨-كل اختلاج عند امرأة حامل
"إرجاج حملي" حتى يُثبت العكس.🩺

العلامات الحيوية والقيم الطبيعية لها

..

معلومة كلش مهمة

دائما من واحد منا يتعرض لضربة بأحد اجزاء جسمة مثلا الرأس ينضرب بشي او يلتوي الكاحل او اي مكان

ممنوع تدلك المنطقة او تفركها هذا الشي خطا *

الأوعية الدموية والعضلات بهاي المنطقة الي نضربت تمزقت وصار بيها نزف داخلي تحت الجلد من راح تدلكها او تفركها راح يزود النزف

زین شسوي شنو الحل؟

كولشي لا تسوي الها وخلي عليها بس ثلج وخلص

الممرض الجامعي مثنى ابراهيم

⭕#تذكير ..

يوم الأثنين (٣/ ٦ /٢٠٢٤) م
يصادف #يوم_دحو_الارض ٢٥ ذو القعدة هجري..
يستحب صيام في هذا اليوم المبارك (دحو الارض)
#ثواب_الصوم..
1- صيامه يعادل صيام سبعين سنه..
2- كفارة لذنوب سبعين سنه..
3- من صام هذا اليوم وقام ليلته فله عبادة مئة سنه..
4- يستغفر لمن صامه كل شيء بين السماء والارض..

#ملاحظة: من كان مطلوب صيام (ينوي القضاء فقط)
وينال ثواب صيام "يوم دحو الارض" ان شاء الله تعالى.. ونسألكم الدعاء