tg-me.com/ML_mahhde/11368
Last Update:
حكنه نبجي فاركينه احبابنه
حكنه نبجي محد الدك بابنه
الله ينطينه الصبر مره ايام الهجر
*
فاركينه اعزاز لمن فاركينه
وليش يوميه اخو نشيعه بأدينه
وبذكرهم عايشين ولا نسينه
والله حكنه اعله الحبايب لو بجينه
يابعدهم والله بجه اعيونه
يابعدهم هلبت ايذكرونه
محد المنهم يمر مره ايام الهجر
*
والله ماغابو ابدعن ذاكرتنه
مو بدينه الدنيه عنهم فاركتنه
باالشوارع ياصورهم عذبتنه
اه يانار الوداع اشكد جوتنه
فاركونه والرحل شيعوده
فاركونه والصور موجوده
راحو بأحله العمر مره ايام الهجر
*
راحو اعله افراكهم ماعودونه
ومرت ايام وليالي ومااجونه
ادري ماينسونه ويمكن نسونه
ليش من شمت عطرهم يتمونه
يتمونه من عبير اعطروهم
يتمونه لومشينه انزورهم
نشتم اتراب الكبر مره ايام الهجر
*
ياسفرهم للمكابر ماكو رجعه
والعمر يخلص بعدهم دمعه دمعه
جفهم ايدك بابنه نحلم نسمعه
والنجف كل ساعه ندفن بيها شمعه
مايجونه احنه النمر بيهم
مايجونه نبجي ونبجيهم
بينه اهات اشكثر مره ايام الهجر
***
نسلم عليهم لجنها الحسره بينه
وماكو كلمة ياهله منهم تجينه
وين راحت ذيج الكلوب الحنينه
والنحبهم من زمان امفاركينه
ياذكرهم يبقه عايش بينه
ياذكرهم والله ماناسينه
خيمه يحركنه الجمر مره ايام الهجر
سعدالعبوديhttps://www.tg-me.com/us/قصائد والحان الرادود مهدي الزينبي/com.ML_mahhde
BY قصائد والحان الرادود مهدي الزينبي
Share with your friend now:
tg-me.com/ML_mahhde/11368