tg-me.com/Mirza_M_Al_Saadi/11574
Last Update:
خدام الحسين ع ذهبوا لمولاتي زينب (ع) وأخذوا معهم ماء وتربة من ضريح الحسين والعباس عليهم السلام فقالو👇👇
تربه وماي جبنه وجينه بالحيره
ودموع الحزن مولاتي الچبيره
==============================
تربه وماي جبنه من العزيز حسين
وصانه عليچ وگال ماي العين
غريبة بيوم صارت كربله صوبين
هاي اخت البطل عباس ابو الغيره
==============================
تربه وماي جبنه وبعد جبنه ادموع
كل خادم على امصابچ گضاه اللوع
يوميه الگلب من البچي مشلوع
يتربات الحبيب الماشيه ايسيره
==============================
يازينب انحلفچ بأمچ البضعه
ومحسن والذرفهه الخاطره الدمعه
يمته الثار ويه القائم انرجعه
ويرجع فدك والعالم ايديره
==============================
طبينه الضريحچ طبة المحتار
من هول الجره والباب والبسمار
وحسين الذي ماظل اله أنصار
اعذرينه تره الحر بيچ تقديره
==============================
مولاتي العقيله جينه بالحسره
ننقلچ الصار وبالگلب جمره
ونحلفچ عليچ بداعت الزهره
مكسور وردت للبال تجبيره
==============================
مولاتي اجيتچ والحوائج هاي
وادري ماتخيبين اليجي عناي
من قبر الكفيل الماي هذا الماي
جبته ومن ضريح الماي تطهيره
==============================
17/2/2022 الخميس
الشاعر الميرزا محمد الساعدي
BY الشاعر الميرزا محمد الساعدي
Warning: Undefined variable $i in /var/www/tg-me/post.php on line 280
Share with your friend now:
tg-me.com/Mirza_M_Al_Saadi/11574