tg-me.com/Mirza_M_Al_Saadi/12841
Last Update:
#مولد_الامام_علي_ابن_موسى_الرضا. ع
هـلا بسـلـطـان النفوس ياهلا يا هلا
يا هلا بشمس الشموس ياهلا يا هلا
اشـرق عـليـنـه بـنـوره
اشـرق عـليـنـه بـنـوره
=====================
ياهـلا بـنـبع الـوفـه ونـبـع الاصــاله
چن بـدر أربعـطـعش ضـاوي جماله
يـاهـو مثله بدينه وبخالص خصاله
من مـحـمد واضـح مـبـيـن كـمـالـه
هلا بمعشوق السماء ياهلا يا هلا
لـلوفـه عـلوا الـنـداء ياهلا يا هلا
أشرق علينه ابنوره
أشرق علينه ابنوره
=====================
الشـيعـه فـرحـانـه وتهـني ابطلته
فـاطـمه الـزهـره الـبـتـول بجيته
كـل موالـي اليـوم رايــد طـلبــتـه
اتمنه كون ايطوف هسه بحضرته
هناك يطلب وشيريد ياهلا يا هلا
والرضا يـلـبي أكـيـد ياهلا يا هلا
أشـرق علينه بنوره
أشرق علينه ابنوره
=====================
روحي مشغوفه أحسها بالقضيه
ثاري تعـشگ والعشگ للجـعفريه
أحمِد الله وأشـكره بهاي المسيه
لأن نفسي طلعت من الرافضيه
اليعشگ محمد واله ياهلا يا هلا
بـهاي الرضـا حـيـاله ياهلا يا هلا
أشرق عليـنه بنوره
أشرق علينه ابنوره
=====================
نـال كـلمـن حـبـهـم الـعـز والـكـرامـه
بـعـلـي بـن موسى ولا اتهمني ملامه
أني اعشگه وهالعشگ واضح غرامه
كـون يـكتـبـها ويسـجل هـالخـدامـه
بحبه يامحله السلام ياهلا يا هلا
مـا يهـمـونـه الـلـئـام ياهلا يا هلا
أشرق علينه ابنوره
أشرق علينه ابنوره
=====================
نعلگ اشموع العـهد لابن الزچـيه
نـبقـه خـدام الـهـم اليـوم الـمـنيه
شرف حبهم شرّف اصناف البريه
واليعـاديـهـم خـسـرهـا الآخـريــه
اليوم بالفرحه نـدوس ياهلا يا هلا
هنوا قُم وهنوا طوس ياهلا يا هلا
أشـرق علينه بنوره
أشرق علينه ابنوره
=====================
#الشاعر_الميرزا_محمد_الساعدي
للأستماع للحن القصيدة ((أضغط هناا))
BY الشاعر الميرزا محمد الساعدي
Warning: Undefined variable $i in /var/www/tg-me/post.php on line 280
Share with your friend now:
tg-me.com/Mirza_M_Al_Saadi/12841