شوفوا الجمال الجديد ☺️💜
واستقبلوا طاقة الحب والجمال 🫶

https://www.instagram.com/reel/C6ZUpr8qGjy/?igsh=MXJobGhhbjl1MngyaA==

الصورة المشحونة الجديدة لكل الاهداف 💜

وتذكروا دائماً ان الله سبحانه وتعالى دائماً معكم ليطمن قلوبكم ✨

الصورة تستخدم لجميع النوايا والاهداف الي ترغبون فيها فقط حطوا النوايا بما يخص الاهداف الي حابيها 💜🫶

كل الكودات الطاقية الي مستخدمها بالصورة هي امنة 100% ومابيها اي مضرة لان داستخدمها على نفسي

انوي واسمح واختار بالاستقبال والتناغم مع طاقة ونوايا هذه الصورة بكل ما يخدم تجلي اهدافي

يمكنكم تطبيق هذه الصورة وين ماتحبون ( سوشيل ميديا ، طباعة ، خلفيات جوال … الخ )

ولتفعيل قانون الاخذ والعطاء ساهموا بنشر الصورة 🤩

كل ما الطاقة كانت جماعية كل ما التجليات صارت رهيبة 🌝💜

ملف عالي الجودة للصورة 💜⬇️

ريل جديد بمعلومه عن حجر عين النمر 🐅✨
تحبون هيج فيديوهات كمعلومات على الاحجار ؟
كتبولي رأيكم بالتعليقات 💜

https://www.instagram.com/reel/C6hE1dVKRVb/?igsh=MTM5bWlpM3I4NWlndw==

نتائج الصورة الاخيرة من اول يوم بلشت 🤩💜
مليون عافية عليكم حبايبي انتوا ✨

التصميم الجديد قلادة بالاية الكريمة
( ذُو حَظٍّ عَظِيمٍ )

رأيكم يهمني واستقبلوا الطاقة المرسلة مني
💜🫶

https://www.instagram.com/reel/C66sV-iuPkN/?igsh=MWQ5ejV5a2w3eW9vdA==

بينما تبحث عنها في الارض قد حلت في السماء ، ولكن صبراً لن يخيبك الله 💜

التعلق والتوقيت الالهي المناسب للتجلي

وطبقوا طريقة التخلص من التعلق الموجودة في التسجيل حرفياً جداً رائعة وشفت فرق جدااااااا كبير عليها وفعلاً صارت تجليات 💜

واخيررررا نزلت جلسة الوزن المثالي بقناة اليوتيوب 💜🍏
طريقة التطبيق للجلسة هي الدقائق الاولى اسمعوها قبل تطبيق الجلسة وايضاً اقرأوا الكابشن

https://youtu.be/PgsQn9WwE7w?si=lbwFqEhqNwGP25Os

نزل لايڤ اليوم في قناة اليوتيوب 🤩💜
مشاهدة ممتعة ✨
لايڤ اليوم ميتفوت ابد 🤣🤣

https://youtu.be/W0cQdEndK_0?si=p1hpqtjfxMVvpzdM

يا هلا وغلا بحبايبي الغاليين اريد شويه ادردش وياكم وانطيكم كم شغلة حلوة تفيدكم بداية شهر سعيدة عليكم وان شاء الله يكون شهر خير وبركة وانجازات 💜

البارحة في الايڤ اتكلمت عن كتابة الاهداف والنوايا من تاريخ اليوم الى تاريخ يوم 20/6 لان طاقة هذه ال 20 يوم جداً جداً قوية للتجليات فحاولوا انكم تكتبووون

حتى لو كنتوا كاتبين اهدافكم في بداية السنة ارجعوا اكتبوها مره الثانية بأي طريقة انتوا حابيها واي ورقة واي قلم بدون تحديد لاي شي سهلوها بقدر ما تقدرون حتى لو الي مايحبون يكتبون بورقة وقلم اكتبوها بملاحظات التلفون المهم تكتبون

مع العلم اني جداً افضل الورقة والقلم لانها فعلاً مميزة وطاقتها تصير جداً جداً قوية وعالية وللعلم حتى المشاهير العالميين بطفولتهم وفترة المراهقة جانوا يكتبون ويصيغون هم شنو يحبون يصيرون بالمستقبل او كيف شايفين نفسهم بالمستقبل والاغلبية صاروا مثل ما هم كاتبين بالضبط وبعد احسن هم وابسط مثال المغنية العالمية تايلور سويفت

قبل ايام كنت دا اعيد مشاهدة الفلم الوثائقي مالتها اسمه Miss Americana على منصة نتفلكس ببداية الفلم طلعت دفتر جانت تكتب بيه من هي وصغيرة شلون حابة تصير بالمستقبل وحرفياااااا الي كاتبته نصااا صار

بس لاحظت شغلة مهمة عندها مجانت مركزة على الجانب المادي بكثر ما مركزة على جانب انه هي شنو تحب ! وشلون شايفة نفسها وكيف راح تبدع وتتميز وهالشي خلاها تصير بليونيرة حرفياً
مو بس مليونيرة لا بليونيرة لذلك دايماً تسمعون اعمل ماتحب لان الشغلة من انت تحبها تقضي وقتك كله بيها بدون ملل وتذمر وحتبدع وتحصل اموال كبيرة جداً ✨

ف الكتابة سحر حرفياً سحر حلال 🤩

الشغلة الاهم هوايه ناس تتسائل زين بعد ما يتجلى الهدف احرق لو امزق لو ادمر الورقة 🤣🤣
اذا انت سويت هالشي عادي وكلش عادي لان احنه بشر ونتعلم وطبيعي الموضوع ولكن كنصيحة مني لا تحرق ولا تدمر ولا تمزق خليها واحتفظ بيها وضمها لان فترة عن فترة طاقتها تصير اقوى وتكون بيها استمرارية رائعة وحلو بعدين ترجع تقرأ وتشوف انت انجزت وحققت كل اهدافكم هالشي يخلق عندك حافز انك تحط اهداف ونوايا جديدة ✨

واكو شغلة ثانية هم حلوة وانتبهت على اغلبية المشاهير يسووها وهي يكتبون مثل القصة يعني مو هدف هدف وبطريقة معينه لا

يكتبون وكانه ديكتبون سيناريو فلم !
يعني يكعدون يسولفون بالورقة والكتابة وهالشي ايضاً طاقته كلش حلوة اني مجربها مسبقاً وهوايه صارت اكو تجليات حلوة
فحبيت اشارك هذه التجربة تستفادون منها

اما بخصوص الاشخاص الي عندهم فقدان امل او مشاعر سلبية او جرح او اي شي ثاني سلبي ومايحبون يحجون مشاعرهم وعلى فكرة هذه النقطة موجودة عند هوايه اشخاص وتره اني هيج 😆✌️

ما اتذكر بيوم اني حاجي مشاعري او احباطي او اي شي سلبي امر فيه لاحد ماكدر ابدا وهذه طبيعة ومع العلم هالشي جداً جداً خطأ حلو الشخص يفضفض ويحجي

ولكن المهم هو جيب ورقة وقلم مو ملاحظات تلفون
لا ورقة وقلم واكعد اكتب بايدك كل المشاعر والمواقف السلبية الي اذتك ومريت بيها وتعبتك اي شي حرفياً اي شي
وهذا التمرين تره حتى دكاترة علم النفس والمعالجين النفسيين يصفوه للمرضى الي مايحبون يحجون او احد يعرف عنهم شي مو بغرض انه يخاف احد يعرف عنه شي لا ابداً

ولكن هي فقط شي نفسي انه هم مايحبون يحجون اسرارهم

المهم جيب ورقة وقلم واكتب كلشييييييي نصياً كلشي اذاك بحياتك اذا كانوا اشخاص ، مواقف ، حوادث ، تحرش …. اي شي

اكتبهم وانوي النية بعد ماتخلص الكتابة

انوي تحرير نفسي وجسدي وافكاري وروحي وعقلي وقلبي من كل هذه المشاعر او المواقف الى الابد شكراً يا الله لتحريري منها

واحرق الورقة او مزقها وارميها حتشعر بفرق جداً كبير ورااااااااحة رهيبة 💜

وَقَالَ اللَّهُ إِنِّي مَعَكُمْ

ف سووا الي عليكم واسعوا واتركوا الباقي لله 💜✨

احبكم 🫶

حبايبي الغاليين
تاريخ 6/6 ان شاء الله حتنزل صورة جديدة بالقناة وهي للحب والعلاقات والرجوع وتحسين العلاقات وايجاد رفيق الروح وجاذبية وجمال وكاريزما باريسية 🌝💜

وتاريخ 16/6 تنزل الجلسة بنفس الخصائص بقناة اليوتيوب ✨

هالشهر طاقة باريسية بامتياز ✨💜

قراءة اليوم ( سفرة قريبة بانتظار البعض ) 💜🫶 3/6

https://www.instagram.com/stories/ojplanet9/3382047508089275416?igsh=YjRxNWhweDI3dnQ0