Uyiga oʻrnatgan quyosh paneli orqali olingan elektr energiyasini davlatga sotgan sirdaryolik doʻstimiz Jahongir Rayimjonov yozyapti:

«Assalomu alaykum! Uyimga o‘rnatilgan quvvati 5 kW bo‘lgan quyosh elektrstansiyasi yordamida 2024-yilning aprel oyida jami 739 kWh elektr energiya ishlab chiqarilgan edi.

Shundan, 123 kWh elektr energiyani kunduzi uyimdagi mavjud elektr uskunalar iste'mol qilgan, qolgan  616 kWh (739-123=616) elektr energiya esa "Hududiy elektrtarmoqlari"ga o‘tkazilgan.

Aprel oyi davomida kechasi  "Hududiy elektrtarmoqlari"dan 388 kWh elektr energiyani sotib olganman. Natijada, 616-388=228 kWh ijobiy tafovut yuzaga kelgan.

Amaldagi tartibga asosan ushbu 228 kWh elektr energiyaning har 1 kWh uchun 1000 so‘mdan hisob-kitob qilinib "SoliqUz" mobil ilovasi orqali 228.000 so‘m tasdiqlandi, xizmat haqqi uchun 1596 so‘m ushlab qolindi va bank plastik kartamga 226.404 so‘m o‘tkazib berildi.

Ushbu ma'lumotlarni uyiga quyosh elektrstansiyasini o‘rnatmoqchi bo‘lgan hamyurtlarimizga foydali bo‘ladi degan umudda yozdim».

➡️ @shokirjonov

Ўзбекистонда шу келаётган ёзда мини АЭСлар қурилиши бошланар экан.

Муҳрим баъзи саволларни ёғдирибди.

Шунча пулга беминнат эсиб турган шамол, нур сочиб турган қуёш электр станцияларини янада кўпайтираверганимиз яхши эмасмиди?!

Бепоён ерларимиз ястаниб ётган бўлса...

➡️ @shokirjonov

«Мисол учун, Сурхондарё вилояти Сариосиё тумани ҳокимлиги томонидан "Баҳруллои Рустам Чорвадор" хусусий корхонаси билан 4 дона қимматбаҳо смартфон (iPhone 13 Pro Max) сотиб олиш учун захира жамғармаси маблағлари ҳисобидан 72 млн сўмлик шартнома тузилиб, тўловлар амалга оширилган».

Бизнинг чорвадорлар ҳам Айфон сотади ва уни савол бермасдан ҳокимият сотиб олади.

Ўйнаб қўяй-да, битимларингдан...

➡️ @shokirjonov

Руслар қурган айрим АЭСлар ҳақида

Беларусда “Росатом” 2012 йилда Литва чагарасида АЭС қура бошлаганди. АЭСни қуришдан бош мақсад Болтиқбўйи давлатларини энергетик қарам қилиш бўлган. (Украинага босқиндан сўнг Болтиқбўйи давлатлари 2025 йилдан Россия ва Беларус билан умумий энергетика тизимидан узилишини эълон қилди)

Унинг биринчи энергблоки 2021 йилда қуриб фойдаланишга топширилган. Яъни, орадан 9 йил ўтгач. Шунда ҳам авария рўй бериб, 2022 йилнинг августида таъмирлаш ишлари тугаган.

Қурилиш даврида ҳам кўплаб инцидентлар, бахтсиз ҳодисалар рўй берган, қурувчилар ўлган. Масалан, 2016 йилда биринчи реактор корпуси ўрнатилаётганда қулаб тушиб, унга шикаст етган. Беларус томони уни алмаштиришни талаб қилган. “Росатом” уни бошқа лойиҳаларда келгусида ишлатиш учун сақлаб қўйган (бизга олиб келишса-я?!).

Руслар томонидан барпо этилган Эрондаги Бушеҳр АЭСи қурилиши ҳам 1975 йилда бошланган. Орадаги узилишлар билан ҳанузгача қурилиш ишлари давом эттирилмоқда. 1000 MWли биринчи энергоблок 2013 йилда фойдаланишга топширилган. Айни пайтда яна иккита энергоблок қурилиши давом эттирилмоқда.

Хуллас, АЭС қурилиши 2-3 йиллик ҳодиса эмас. Қуриб, фойдаланишга топшириш учун 15–20 йил вақт кетади. Бошида "мана шунча маблағ кетади", деб айтилган сумма 2-3 баробарга ўсиб кетиши оддий ҳол.

Ривожланган дунё бирин-кетин АЭСлардан воз кечаётган пайтда биз атом энергетикасига пул тикаётганимиз тўғри қадаммикин?

➡️ @shokirjonov

Самарқанд вилояти Жомбой тумани "Тўққизбой" МФЙ Қоракесак қишлоғи ёшлари тадбиркор томонидан бузилиш арафасида турган стадионни сақлаб қолиш масаласида вилоят ҳокими Эркинжон Турдимовга мурожаат билан чиқишди.

"Стадионга нимадир қилиб берсин", дейишмаяпти ёшлар, "шу аҳволдаям бизни қониқтиради, илтимос, шунча йилдан бери турган стадионга кимлардир оч нигоҳларини қадашмасин", дейишяпти.

➡️ @shokirjonov

Сартепада ўзи тўрт қарич бўш ер қолганди, эски запчаст бозор олдида, ҳозирги мусиқа мактаби ёнида. Шу ерниям экскаватор олиб бориб кавлашаяпти экан. Қойиле!

Мусиқа мактабни олдиниям сотинглар.

Кўчаларнинг меъморий кўриниши, дейсизми?! Йўқ, бунақасини ўқитишмаган буларга.

➡️ @shokirjonov

Aёллар ва болалар қонун ҳимояси остида!

Яқин-яқингача хотин-қизлар, болалар ўқиш ёки юмуш билан кўчага чиқишса қайсидир безори ё беадабга дуч келишдан чўчиб юришарди. Кўчаларда қизларга "гап қилган", ёш болаларга тазйиқ ўтказганларни ҳам кўп эшитганмиз.

Аслини олганда, мана шу ҳаракатларнинг ўзи аёллар ва болаларнинг шахс сифатидаги қадр-қимматини ерга уриш билан тенг.

2023 йил апрелида айнан шундай жиноятларга барҳам берадиган қонун қабул қилинди. Шу кундан бошлаб, таъқиб қилиш, шилқимлик, тегажоғлик, зўравонлик ҳамда оилада аёли ва фарзандларига тазйиқ ўтказганлик учун қатъий чоралар кўрилмоқда.

Уйғонайлик. Турмушни муштга айлантиришни тўхтатиш вақти келди. Аёллар ва болаларни камситиш эмас, ҳимоя қилиш ва жамиятда тўлақонли ҳаёт кечиришга имкон бериш керак. Қонунан мустаҳкамланган аниқ ечим мана шундай.

➡️ @shokirjonov

#Botga_yozishmoqda

«Assalomu alaykum, Shuhrat aka yaxshimisiz ijodingizni kuzatib boaraman kanalingiz menga yoqadi.

Menda bir savol bor shunga aniqlik kiritib ketsangiz, iltimos.

Men Jizzax viloyati Baxmal tumanida chekka bir qishlogʻida turaman. Qishloqning asosiy daromad manbayi chorva hisoblanadi.

Har yili bahor kelishi bilan Oʻrmon xoʻjaligi degan tashkilot keladi va OʻT PULI deb xalqdan pul yigʻib ketadi.
Chorvaning soniga qarab har biriga taxminan 15 ming soʻmdan olib ketishadi.

Bu yil qishloq aholisi orasida gap tarqadi: "õt puli yoʻq narsa, hech qaysi qonunda yozilmagan", deb ammo anavilar yana kelishayabdi.

Oʻzi mollar bir yoki ikki oy togʻ yon bağirlariga boqiladi. Internetdan rosa izlab kordim oʻt puli chiqmadi.

Oʻrmon xoʻjaligi daraxtga qaramaydimi daraxt ekmaydimi?

Xullas, oʻt puli bormi yo yoʻqmi shuni bilib bering, iltimos. Agar chindan ham bor boʻlsa qanchadan, yoʻq boʻlsa Oʻrmon xoʻjaligidan kelgan odamlarga nima deylik. Yoʻq desak "dakument qilaman, jarima toʻlaysan", deb qoʻrqitishadi

Shu masalaga bir etibor bering, aka».

Oʻrmon xoʻjaligi qoʻmitasi masalaga oydinlik kiritsa, kanalda yoritib berar edik.

➡️ @shokirjonov

Bu masala boʻyicha Jomboy tuman hokimi kecha borib yoshlar bilan uchrashib, ularni xotirjam qilganini ma'lum qilishdi.

➡️ @shokirjonov

Кеча каналда Самарқанд шаҳридаги Амир Темур кўчасида жойлашган мусиқа мактабининг олдидаги ҳудуд сотилган бўлиши ва айни кунларда кавлаш ишлари олиб борилаётгани ҳақида фотосуратли пост эълон қилган эдим.

Самарқанд шаҳар ҳокимлиги ахборот хизмати вазиятга ойдинлик киритди. Ҳудуд сотилмагани ва бу ерда ҳудудда бошқа мақсадда қазиш ишлари олиб борилаётганини маълум қилди.

Жумладан, Самарқанд шаҳрининг йўл инфратузилмаси ҳамда сув таъминотини яхшилаш ишлари доирасида Амир Темур кўчасида реконструкция ишлари амалга ошириляпти.

Бугунги кунда Амир Темур кўчасининг Буюк Ипак йўли кўчаси билан кесишмаси (Атлас мажмуаси) дан С.Бухорий кўчаси кесишмаси (СамАвто) га қадар таъмирлаш ишлари давом этмоқда. Ишлар доирасида мусиқа мактабининг ёни ва кўп қаватли уйлар олдида транспорт воситалари учун тўхтаб туриш жойи ташкил этилиши белгиланган экан.

Хўп, мен нотўғри гумонга борган эканман. Ҳайтовур, яхшиликка экан. Фақат энди кўча юзидаги бундай парковкалар пуллик бўлсин.

➡️ @shokirjonov

Мажбурий автосуғурта тарифлари ошиши мумкинлиги маълум қилинмоқда

Бунга сабаб қилиб 2019 йилда тасдиқланган 56 минг сўмлик суғурта мукофоти миқдори суғурта ташкилотлари учун зарарларни қоплашга етарли бўлмаётгани келтирилган.

Агар ИИВ ички ишлар ходимларини видеога олиб Интернетда тарқатганлик учун жазо бандини тиқиштириб юбормаганида, ҳозир қоидабузарликлар учун жарима баллари ҳисоблаш тўғрисидаги қонун тасдиқланган бўларди.

Суғурта тарифлари эса жарима баллари юқори бўлган муттасил қоидабузар ҳайдовчиларга нисбатан оширилган бўларди.

➡️ @shokirjonov

Hamma yoqda "Yalangtoʻsh" haqida gapirilmoqda va bu bejizga emas

Loyihaga katta mehnat sarflangani koʻrinib turibdi, chunki kino boshdan oxirigacha maxsus pavilionda suratga olingan, bunaqasi butun Markaziy Osiyoda birinchi marta boʻlib turibdi. Film Samarqand hokimi, sarkarda va Registon ansambli asoschisi Yalangtoʻsh Bahodir haqida boʻladi. Rejissyor Jahongir Ahmedov.

Jang sahnalari uchun bundan avval "Napoleon" filmida rol oʻynagan Gollivudlik kaskadyorlar chaqirilipti Aktyorlar ham "chertib-chertib" tanlangani aniq. Natija-ku, boshlanishiga juda zoʻr — yopiq premyeraning oʻzidayoq 4000 ta muxlis toʻplanibdi, qoyil qolsa arziydi.

Hozircha faqat film tizerini koʻrish mumkin. Ammo yaqin orada "Yalangtoʻsh" kinoteatrlarda qoʻyilarkan. Kutamiz!

➡️ @shokirjonov

Sirdaryo viloyati Sayxunobod tumanida Captiva boshqargan yigit oʻyin boʻlayotgan stadionga bostirib kirgan

Sirdaryo viloyat IIB mazkur avtomashina haydovchisiga nisbatan O‘zbekiston Respublikasi Jinoyat kodeksining 277-moddasi bilan jinoyat ishi qo‘zg‘atilib, tegishli tartibda qamoqqa olingani, avtomashina jarima maydonchasiga joylashtirilganini xabar qildi.

➡️ @shokirjonov

“Собиқ МХХ биносидан дарахтларни кўчираётган фирма раҳбари фотографнинг бошидан ичимлик қуйди”

Воқеаларга сарлавҳаларимизнинг ўзи страшний-ей! Жазосизлик анқиб туради.

➡️ @shokirjonov