tg-me.com/ShpolDarya/6830
Last Update:
📓@ShpolDarya
"پلانی ئەوینداری"
لەو دەمەی واکوو پلانی نێو دڵم کێشا له ڕووت
گەڕەک و کۆڵانی شارم دووبەدوو هاتن بە دووت
جێگە لەو تاقە شەقامەی ڕاسپاردەی خۆمە بۆ
گوڵبژێری دڵڕفێنی مووسیقای نێو هات و چووت
ڕۆژ بە ڕۆخسارت دەناسم پشت له مشتی خۆر ئەکەم
ڕووبەڕووی مانگەشەو هەرشەو هەڵدەواسم شەو بە مووت
چی شنە و سروە و نەسیمە دەیکەمە بەرپرسی دڵ
تا گڕی گڕکانی سۆزی سڕ نەسووتێنێ گەرووت
هێندە مەوجی داوە نێو چاوی چەپم هەستی غەریب
نوقمی ئوقیانووسی دڵتەنگی کرا باری پشووت
چەشنی پاشای دەستەداری بێ دەسە ڕێزی دەسم
هێزی ڕەشپۆشی لە دەستە و ئاسی دڵ کردوویه کووت
دێڕ بە دێڕ کۆکێ نەماوە پیتی بدوێنم بە نۆت
سەد مەخابن خەتی لێوت ناگرێ غەیری سکووت
شێعری من داکەوت و سەرکەوت وێنەکانی ژوورەکەم
شاعێر و پێنووسی ماندوو، لاپەڕەیکی ڕووت و قووت
قەدری هەژماری یەکم زۆرتر دەوێ لەو کاتەوە
پێم لە بەر دەرکەی ئەوینداری کە بینی کەوشی جووت
باتی ئایەی کێلی قەبرم با تەنێ ئەم پرسه بێ
ئارەزوومەندی بەئازوو ئارەزوو ما ئارەزووت؟
🖌#میلاد_کیانپوور
📓@ShpolDarya
BY 𓆩 شەپۆل دەریا 𓆪
Warning: Undefined variable $i in /var/www/tg-me/post.php on line 283
Share with your friend now:
tg-me.com/ShpolDarya/6830