tg-me.com/Wounds_AshuraOne/23137
Last Update:
لطميه لوداع شهر رمضان المبارك اعاده الله علينا وعليكم بالخيرات والبركات
المستهل 👇👇
وداعة الله/ اليوم اخر يوم من خير الشهور
وداعة الله/ يعود بالخيرات النه والسرور
❃❥❀━((💎))━❀❥❃
بيه ليله تسوى آلاف الليالي
بيها راكع بيها ساجد كل موالي
تلگه اصوات المآذن حيل عالي
تصيح حي عله الفلاح بصوت عالي
وداعة الله/ بي نلتم كلنه في وكت الفطور
وداعة الله/يعود بالخيرات النه والسرور
❃❥❀━((💎))━❀❥❃
بيه نذكر أهل بيت النبي ياسين
نبچي اعليهم ننوح ونهمل العين
ولو شربنا الماي نذكر عطش الحسين
ونذكر اخوانه البقو وسفه مطاعين
وداعة الله / بيه ردنه وي النبي انسجل حضور
وداعة الله/يعود بالخيرات النه والسرور
❃❥❀━((💎))━❀❥❃
بهالشهر طبرو علي حامي الحميه
مايخاف من الله هالطاغي الدعيه
وعيد ربنه صبح عالعالم رزيه
ظلت تنوح اليتامه عله الشفيه
وداعة الله/اتريده الها شافع بنص القبور
وداعة الله/يعود بالخيرات النه والسرور
❃❥❀━((💎))━❀❥❃
بي نخينه بالزجيه وعلي الجيدوم
كون يقبل كل عمل وصيامنه ايدوم
وتدخل الفرحه علينه وننسى الهموم
وبالامان وبالستر يحفظنه كل يوم
وداعة الله/ ندعي محسوبه الخدامه وهالسطور
وداعة الله/يعود بالخيرات النه والسرور
❃❥❀━((💎))━❀❥❃
ندعي ابهل شهر كلنه يعود لينه
ابجاه طه المصطفى وحيدر علينه
عيونه تتكحل ابشوفة ولينه
واحنه من أنصاره باجر يخلينه
وداعة الله/ابهل الشهر ندعي لتعجيل الظهور
وداعة الله/يعود بالخيرات النه والسرور
❃❥❀━((💎))━❀❥❃
✍ الخادمه ام زيد الشمري
نسال •اللّـہ القبول
ونسالكم الدعاء بتعجيل فرج مولانا صاحب العصر والزمان عج
https://www.tg-me.com/us/جروح عاشوراء 1 /com.Wounds_AshuraOne
BY جروح عاشوراء
Share with your friend now:
tg-me.com/Wounds_AshuraOne/23137