tg-me.com/Wounds_AshuraOne/23615
Last Update:
تعالي يم حسن يمه تعالي
شوفي كربله أسوت بحالي
جسد أمشي بلا روح أكبالي حسين مذبوح
تعالي يم حسن يمه تعالي
..............................
كونج حاضره يايمه هالمشهد
و كبالج عزيزج عالثره أمدد
متكطع وذر روح النبي أحمد
وآنه أم الخدر فوك الهزل أصعد
آهات وبجي ونوح أكبالي حسين مذبوح
تعالي يم حسن يمه تعالي
................................
آنه أخت الكمر كلهم يعرفوني
زينب والدمع ما فارك أعيوني
لرض الشام بيدي حبال يسبوني
وبسوطه الشمر يضربني بمتوني
بكلبي آلام وجروح أكبالي حسين مذبوح
تعالي يم حسن يمه تعالي
...........................
االعنده طفل يدري الطفل غالي
العبد الله أصد ودمعتي تلالي
أنظر عالمهد وألكه المهد خالي
مذبوح بسهم من منحره أكبالي
غفله من أيدنه يروح أكبالي حسين مذبوح
تعالي يم حسن يمه تعالي
...............................
راسه على الرمح عباس ابو الغيره
النظر يم الحسن كلساع الي يديره
يم حسين زينب عاشت بحيره
ورقيه عللسياط وعالسبي أزغيره
الدمع عالوجنه مسفوح أكبالي حسين مذبوح
تعالي يم حسن يمه تعالي
.............................
يمه أشلون اطب للشام مسبيه
أسم يخنكني من ينجاب طاريه
تسبني الوادم و تتفرج أعليه
تسأل وين أخت عباس ياهيه
ترمي حجار وتلوح أكبالي حسين مذبوح
تعالي يم حسن يمه تعالي
...............................
للوالد رقيه أشتاكت هوايه
تدور على اعيونه الجانن مرايه
أذنهه مدممه وتلجمهه الحجايه
تسأل عن أبوهه وصاحب الرايه
راس بطشت مطروح أكبالي حسين مذبوح
تعالي يم حسن يمه تعالي
...................................
حيدر مطر العبادي
https://www.tg-me.com/us/جروح عاشوراء 1 /com.Wounds_AshuraOne
BY جروح عاشوراء
Share with your friend now:
tg-me.com/Wounds_AshuraOne/23615