tg-me.com/Wounds_AshuraOne/23622
Last Update:
قصيده ثقيله لسفرة لمولاتنا
ام البنين (عليها السلام)
لو نخيناها ،،،، لو نخيناها
تحضر ام عباس لونخيناها
جربيناها ،،،، جربيناها
ساعة الشدات جربيناها
➖➖⭐⭐⭐➖➖
جربيناها تحضر الشده
اليعتني الها كلبه اتبرده
بابها المفتوح ماظن اتسده
سولفيناها ،،،،، سولفيناها
حلوة وكفتها وسولفيناها
➖➖⭐⭐⭐➖➖
هاي ام عباس بكرم معروفه
والي يطلبها ابد ماتعوفه
طايح بشدة بعينها تشوفه
هل نخيناها ،،،،هل نخيناها
طحنه بالكلفات وهل نخيناها ➖➖⭐⭐⭐➖➖
انبدها بالشده بساع تگظيها
بسفرتچ هاليوم دمعتي اجريها
جيت مهظومه حاجتي گضيها
اليوم ردناها ،،،اليوم ردناها
وگفتچ كلنه اليوم ردناها
➖➖⭐⭐⭐➖➖
نريدچ ويانه حاضرة المجلس
ندري أم عباس تسمع النه الحس
اليطلب الحاجه ما يرد مفلس
اليوم جيناها ،،، اليوم جيناها
ام الكرم والطيب اليوم جيناها
➖➖⭐⭐⭐➖➖
جينه كلنه اليوم والدمع يجره
نحلفچ بحسين الي نكسر صدره
نلطم وننحب وبالگلب جمره
ضايع ادواها ،،، ضايع ادواها
شيعتچ هاليوم ضايع دواها
➖➖⭐⭐⭐➖➖
بسفرة ام عباس نطلب الحاجه
طايحه بشدة وجيت گصاده
اليعگد الرايه يأخذ مرادة
جربيناها ،،، جربيناها
راية ام عباس جربيناها
بقلم خادمة اهل البيت
عليهم السلام
الشاعره مريم النور
⭐⭐⭐⭐⭐⭐⭐⭐⭐⭐⭐⭐
الناشر // عالي مقامي
غير مبري الذمه يحذف اسم الناشر من القصيدهhttps://www.tg-me.com/us/جروح عاشوراء 1 /com.Wounds_AshuraOne
BY جروح عاشوراء
Share with your friend now:
tg-me.com/Wounds_AshuraOne/23622