tg-me.com/Zytoona1998/30795
Last Update:
بقلم نمبرون
#حاجات_بتحصل
نكون واضحين شوية،،ونقول الغيرة ما بتخرب العلاقات بالعكس بتقوي العلاقة ،،بس بخربها الشك وعدم المصداقية،،ف حاجة من الحاجات الاتعلمتها في الحياة دي !
يا تكون واضح معاي وتجي تصارحني بي الفي قلبك حاصل منك واحد اتنين تلاته ،، يا اما كمان لو لقيت حاجة ،، وعينك بقت ذائقه تجي توريني ،، وتكسب زمنك وتكسب زمني ،، ف خلو الاسباب التافهه الما منها اي مبرر لي ردة فعلكم ،،
باختصار شديد الوضوح راحه !
الوضوح ده بالنسبة لي حاجة كويسه ،،بالواضح كدة انا عايز اخليك !
حبابك والله ما عندي مشكلة ،،فمن الصاح بعد ده ما اقعد أسألك واجيب واودي معاك في الكلام لانو الحاجة دي بي ارادتك انت ماف زول جبرك قال ليك تجي تقول الكلام ده ،،براك جيت قلتو ،،ف انا من حقي في اللحظة دي اعرف السبب شنو؟!
السبب بس ،،ما التفاصيل كامله ،،
عشان اكون في الصوره ،،وده نوع كويس لانو واضح ،،
وفي كمان النوع البعمل مشكلة ومن الحبة قبه وبلومك علي حاجات انت اصلا ما خاتي ليها أهمية،،زي ده ما تركز معاو ،،وخلي يصل لي الدايرو وشوف فهمو على الآخر كدة ،، ما تقول يا هناي انت في شنو ولا بتسوي شنو ،،الرد زتوا حرام فيهو ،،خلي يتكلم ويسكت ،،وبعد ينتهي من كلامو تقول ليو انتهيت ولا لسه ؟!
في الحالة دي انت ما تبرر ولا تسالو ليه انت بتعمل كدة ،،انت اصلا فهمت قصدو وبقيت عارف هو عايز يصل لشنو ،،قول لي خلاص،، طيب ،،ما مشكلة،، تمام ،،ان شاءالله،، لي خير يا زول ،،
والنوع الزي ده كتير بالمناسبة ،، ده النوع الما بشوف بي عيونو وبلقط الكلام من النص بخلي الجانب الكويس وبجي للجانب الكعب ،،وده أخطر نوع ..
الخلاصة:
مافي زول مجبور علي زول ،،
والمواصلة دائما في الاختيار ،،
ف خليكم واعين واختاروا "صاح " بمعنى ناس فاهمين وواعين وصريحين ،،والصراحه ما عيب العيب الزول الكضاب وبتاع اللف والدوران الداير يتخلص منك وما لاقي طريقة ف بقوم يعمل ليو مشكلة من مافي او يجي يلومك علي حاجات اصلا من الأساس ما ليها معنى ..
#نمبرون
BY زيــتـونـيـات ⁞❉💜
Warning: Undefined variable $i in /var/www/tg-me/post.php on line 280
Share with your friend now:
tg-me.com/Zytoona1998/30795