tg-me.com/aa_ad9/4625
Last Update:
قصيدة ياإله الكون :
وهي بمثابة توسل الى الله سبحانه وتعالى ليخلص أمتنا من هذا الشقاء الذي تعيشه.
..................................
ياإله الكون يارب الرجاءْ
نستجير برحمتك من هالبلاءْ
* * ***
ياإلهي بدم الحســين الشهيد
وصحبته وحرمة القرآن المجيد
يامقدم الوعد ومأخر الوعيد
فزعتك للناس من هذا العناء
...................................
فزعتك للناس ، لطفك ياكريم
مذنبين ومرضى يارب ياحليم
وأنته بالحالـة النُمُر بيها عليم
ضاگت ويم رحمتك ظل الشفاء
.....................................
ضاگت ويم رحمتك ظل الفرج
وكل حكيم وعالم بطِبنه إنحرج
والسبب عن طاعتك عبدك خرج
وأنت تسمع يامهيمن هالنداء
....................................
وأحنه ندري الينزل اعلينه عذاب
لأن كلنه بجنبك آمنَّه العقاب
ولَمَن كل واحد نزل بيه المصاب
إتجـهـنـالك ندوَّر عالدواء
....................................
إلتفاتـه إنريـد منك يالجليـل
ياللي نترجاك للحمل الثجيل
ياطبيب العلل يالتشفي العليل
منَّه تســتاجب يرحمن الدعاء
......................................
أحنه ياربي عبــادك يارؤوف
غرنه سترك وإشتفت بينه الظروف
وبضعف حالتنه يارب إشتشوف
وشابحين أنظارنه لحكم السماء
.....................................
ياعظـيـم المكرمـات الوافيـة
كلنه تقصير وذنوب ومعصية
وأنت أهل الرحمة وأهل العافية
إنظر إلنه بلطفك بطف كربلاء
......................................
من مهاوي الظيم خلّص هالجموع
التذرف اعلَ حسين وأنصاره الدموع
حتى نشعل للأمل يارب شموع
إنمَشّي ياربي عليك أهل الكساء
.....................................
خادم أهل البيت عليهم السلام
✍️ الشاعر أبو عقيل الناصري الحساني
https://www.tg-me.com/us/قناة الشاعر ابو عقيل الناصري/com.aa_ad9
BY قناة الشاعر ابو عقيل الناصري
Share with your friend now:
tg-me.com/aa_ad9/4625