不要自以為是
不要自我中心
不要覺得自己高人一等

之前喺一個學生集會既場合，我睇住直播，好記得其中一位老師既發言。
佢所講既內容大致上係話每一個人喺唔同場合唔同時間都會擔當唔同既角色。
哩一刻你可能係學生，下一刻你可能係人地既仔女，再下一刻你可能係街頭既抗爭者，冇人會只得一個角色。
我想講既係，我喺網上面成日見到好多朋友(我唔知應唔應該叫哩D人做手足)會話:
你咁得閒喺隻game度做埋D所謂文宣，都唔出去街上面幫手，大把手足係出面打生打死呀！
你打機就當抗爭呀？喺隻game入面圍爐自high有咩用呀？
麻煩大家唔好將自己諗既野就當係事實啦好唔好？每一個崗位，每一樣野都需要有人去做架！同埋我哩一刻做文宣，我下一刻出左去唔通我要同你報告呀？
我好相信每一個崗位各自努力緊既手足，做既每一樣野都會對成個運動有正面既影響，那怕只係喺街上面痴張memo、派份文宣、係FB分享連署等等，只要有一個人睇到你就可能成功喚醒多一個人！
而最撚冇貢獻甚至係有負面影響既就係你哩D真冷氣軍師鬥黃撚，係呀我係話緊你呀唔好2頭望！
麻煩哩D自稱係手足既朋友勿鬥黃，試下唔好剩係識問人做過D咩，問問你自己做過D咩，OK？
如果你頭先冇2頭望既話，放心！唔係話你！

Credit :抗爭啦！動物森友會！

https://www.facebook.com/protesterinanimalcrossing/