tg-me.com/afzh4/2871
Last Update:
يا أمة الكرار وش عجب متغيره
مو حُبنا للهادي بينا نخلق فطره؟
العزه بينا دوم ومانرضى بالذله
بينا الشهامه غير والغيره متفجره
أصل الرجوله احنا وتشهد الاكوان
حتى الطفل فينا يغضب لجل ستره
بعينه تشوف اجيوش من غيرة العباس
برق ورجف اوطان لا تختبر صبره
واجبنا بالاسلام وهم حتى بالاعراف
بقيمنا نبقى جبال والردى انكره
بابك اذا مفتوح لا تامن البوقات
تذكر بذاك الباب لو قلي ماتذكره؟
اجت عليها اخمار وبكامل العفه
الباب ياذاك الباب وهم ماسلم كسره
صارن ستر وخدار بس عن وجه فاطم
الكعبه بس جدران خاليه ومتستره
واعلى الستر بيبان وهم ربنا حارسها
رمى اصحاب الفيل ومادنس الحضره
رجوه عليك الله ماتتبع الاهواء
رجوه عليك الله بنفسك تعد نظره
حاسبها عالاخطاء وحفزها بالمهدي
عيد النظر لبعيد وتسلم الجره
النبته قلي شلون شنهو يغذيها
امن البدايه اتصير متأسسه البذره
رتب قيم وخلاق وجعلها لك منهج
الدنيا عبر ياصاح خذ بعد هالعبره
هُناك يم الفرات صارن درس شيم
ألى وهذا اليوم والسبع متأثره
جسد قيم تمطُر بالغيره والنخوه
رجلُ اتى مغوار ذو بئساً وخزره
رفع علم الايمان رفع علم هيبه
قال انا العباس واخي ابنُ الزهره
حارس اخيته صال من نادى الهاتف
شق ورعد الارجاس وخلاها متحيره
من رمى نهر الماي فاض النهر غيره
وكتب هُنا العباس وحطه على صدره
ابوزهراء الاحسائي
يوم الناصفه من رمضان ١٤٤٣ هـ
BY ابوزهراء الاحسائي
Warning: Undefined variable $i in /var/www/tg-me/post.php on line 280
Share with your friend now:
tg-me.com/afzh4/2871