tg-me.com/ahassesglp/89335
Last Update:
يا جناه شلونا
هكذا قالت لوما نطلت عليها الخبزه الثالثه
وصيحت اماه قلتلكم خلو التنور القديمه
تيه اتعبتني الخبز بيتناطل مناطله
قالت امها جني لش يا شليته
كم شااجلس علمش املحي العجين سوا
وادهني الملوجه بحلبه
واخيرا سبرين ذوليه الخبز وقدها طافحه
وقد ملجت ملوجه شعير وشويه ذمول
قالت امها اقطبي ايجوا ابوش واخوتش يشتوا يتغدوا علطتي الشركه وطعمتي المرق وابسرتي اللحمه لا قدي ناضجه اوبهي الرز لا يشقذ. الدبيخ لا ينز. ضربتي الحلبه قصقصتي السلطه بين اقولش اقطبي لش جني شلش ما تقعي ساع فلانه حميش😒
البنت. مسكينه مازد درت اين تشلط نفسها
امها : يعااااوه ماقد شفتيش اين اللحوح او ما لحيتيش والزحاوق فحه زيدي لها طماطيس
اخيرا جهزت السفره وقربوا الرجال اكلوا لوما شبعوا
امها : قومي اسكبي الشاهي واغسلي قات ابوش ونشفيهن سوا وقومي رفعي وغسولي ونظفي ورفعي.المجلس عيجوا المخزنين
البنت ناهي حاضر حاضر حاضر مامعاكم الا انا
مامعاكم بالبيت هذا الا انا كل شي انا كل شي انا
والله لو يجي خادم لا اقبل به ولا هذه العيشه
مسكينه البنت تفعل هولا كلهن من فم ساكت
وهذا كله. علشان يقلوا هي حميش النساء 😫
تشتي اكتب وانشر بقناتك كلمني @ALFkamah
BY ٱحاسٖـ𝒔𝒆𝒏𝒔𝒂𝒕𝒊𝒐𝒏𝒔ـيس ﻗلـ𝒉𝒆𝒂𝒓𝒕ـب┇❥
Warning: Undefined variable $i in /var/www/tg-me/post.php on line 280
Share with your friend now:
tg-me.com/ahassesglp/89335