tg-me.com/ahmedessa/4376
Last Update:
قصيده للعباس عليه السلام
الثانيه
حوار بين أبا الفضل العباس وماء الكوثر كيف يشرب
أبا الفضل وهو يتذكر عطش الأطفال والنساء
ياكوثر كف مايك عني ما اشرب اي ماي
حالف ماضوكك بشفافي اله و اختي وياي
يا جنان الله اعتذر
حزني باقي ومستمر
بكلبي مايطفه الجمر
للخيام
/////////////////////
العطش جنه ولا دمعة يتيمه
تعاين وبعيونها رعشه وهضيمه
الماي لو شايل وفه وروحه رحيمه
تعنه لعيال النبي وطفاله خيمه
من شاف اخيام اهل الغيره تلهب بيها النار
ما فرت روحه وطفاها ويسمع بيها ازغار
والنساء ابكل كتر
ورملة الطف تستعر
بكلبه ما فض الصبر
للخيام
/////////////////////
لهفه بيه للخيم سبكت حنيني
من حملت الجود والرايه ابيميني
همي اوصل الماي واسكيهم ب اديني
حيث ماحسيت سهم الصاب عيني
كل همي ارد اوصل لطفالي وشايل الها الجود
وما اهتم لو تطفه عيوني ويضربني العامود
خلي يظربني العمد
واقبل ابسهمي بعد
كون اوفيلي عهد
للخيام
/////////////////////
شلون انسه المشرعه وجودي التبده
وكلبي جمره وتلتهب نيران بعده
الماي مذنب بالحساب يصير حده
ينسحك بالخيل وسياط التجلده
من ناده حسين اعله العسكر ما من ناصر ليش
ماشك جروفه ولباله وطشر ذاك الجيش
حسين حاير وحده
ودارت جموع العده
جان لباله النده
للخيام
/////////////////////
الماي من يروي عطش ذيج العساكر
وايتام ابن بنت النبي عطشه وتناظر
لو عذره مكطوع الدرب وعليه سواتر
جا غيمه كاصد للخيم وعليها ماطر
لو ماخذ همه من زنودي وفازع للأيتام
ما مسحوك حسين بحافر لامحتركه خيام
الماي بالطف موقعه
جبد اخوي ايكطعه
وخله عسكرهم سعه
للخيام
/////////////////////
اليجرحه الماي شنهي ال يروي كلبه
الكافل اليوعد اذا ما وافه صعبه
صرخة الايتام لسه بكلبي ندبه
عاينولي اعله النهر وبصفي جربه
لو واصل لخيمي وساقي بجفوفي الاطفال
جا ميت مرتاحه ضنوني وماهمن بالحال
روحي ماتحمل عتب
جودي كدامي انسكب
كلبي من غيضه لهب
للخيام
/////////////////////
غمضت عيني وبقت صورة سكينه
ابتسمت اكبالي رغم ماهي حزينه
تكل للايتام العذب جنه بدينه
عمي العباس هسه يجيبه لينه
هلصوت الهشملي ضلوعي مو من حافر خيل
من عاينت الماي اكبالي من الجود يسيل
للماي صديت بزعل
وبجسمي ماضل كل امل
عاتبته والمدمع همل
للخيام
&&&&&&&&&&&&&&&&&&&&
احمد عيسى البديري
BY الشاعر احمد عيسى البديري
Warning: Undefined variable $i in /var/www/tg-me/post.php on line 280
Share with your friend now:
tg-me.com/ahmedessa/4376