tg-me.com/ahmedessa/8773
Last Update:
تمنيت _ مثل حمزه الزغير يبقى صوتي
تمنيت _ على هاي المنابر والله موتي
وبهيئة عزائي من اجه البين
اوكف بالحشر والطم للحسين
// / / / / / / / / / / / / / / / /
وحك كل كطره من دم الشهاده
طريق حسين منهاج السعادة
هنيئا للملك عقله ورشاده
عابد بالعشك اعظم عباده
للحسين _من زغري لحد ساعة مماتي
للحسين _خادم وافتخر ناذر حياتي
يرب ما انحرم من هل وسامين
اوكف بالحشر والطم للحسين
/ / / / / / / / / / / / / / / / /
درب حسين مابي أي ندامه
عزه ومفخره وهيبه وكرامه
يوم الاخره بيه السلامه
باب حسين واسع بالقيامه
بالاهات _ يقروها وترددها الزجيه
بالاهات _ تصير بكل عزه محسوبه إليه
اصيحن ويلي للغر الميامين
اوكف بالحشر والطم للحسين
/ / / / / / / / / / / / / / / / /
حب الخدمه أصبح ويه دمي
خادم وافتخر بالخدمة اسمي
دعاء الوالد ودمعات امي
يكون بدفتر الزهراء اسمي
ل بابه _ اروح وطبعة جفوفي عله صدري
ل بابه _ اروح وأنه وي خدامه ادري
أضرب علصدر مثل المجانين
اوكف بالحشر والطم للحسين
/ / / / / / / / / / / / / / / / /
قنعت بدنيتي ومن عدها ماريد
فقط صدري اوسمه بلطمة الايد
أحضر بالقيامه وفاتح الجيد
واصيح العنده مثل حسين شيزيد
عقيده _ سبط المصطفى يحضر منيتي
عقيده _ بختم الاخره يختم هويتي
واقراله قصيده بمدمع العين
اوكف بالحشر والطم للحسين
/ / / / / / / / / / / / / / / / /
حلم عمري الحملته بهاي السنين
يتحقق قبل لايحضر البين
ينضرني السبط كون بكلمتين
يذكروها بحزن خدام الحسين
يردد _ كل خادم مناجاتي بعزاءه
يردد _ اسمي المجلس بآخر دعاءه
ادور بالقيامه مجلسك وين
اوكف بالحشر والطم للحسين
احمد عيسى البديري https://www.tg-me.com/us/الشاعر احمد عيسى البديري/com.ahmedessa
BY الشاعر احمد عيسى البديري
Share with your friend now:
tg-me.com/ahmedessa/8773