tg-me.com/ahmedessa/8788
Last Update:
الثالثه
قصيده للحوراء زينب عليها السلام
حوار بين الامام علي وابنته زينب عليهما السلام ليلة العاشر من محرم حيث تقول الروايات انه جاء لحماية خيام الهاشميات
زينب تشاهد فارس املثم
كاصد تعنه الصوب المخيم
من شهر سيفه وشافته امثلم
صاحت يكرار علي بويه
//////////////////////////////////////
زينب تعاين فارس اتقدم عليها
كالتله شنهي ال بالخيم ضل وتجيها
شمر يهذا بس عويل النوح بيها
اسمع يخيال
مذبوحه الرجال
ومسلوبه الاموال
من كشف وجهه وشافت ارسومه
صاحت يبويه ابروح مهضومه
شلون اوصلك رجليه ملجومه
/////////////////////////////////////////
محتاجه للوالد ترى بنتك اسيره
راحت يبويه المملكه ومامش اميره
ابحر الخيام اللاهبه وحر الضهيره
اشكيلك الصار
بس حرم وزغار
تتجوه بالنار
ابلا خيام ولا حمه الخدر
تشرد يبويه الياكتر تكدر
رمل الصحاري من اللهب جمر
//////////////////////////////////////
الله واكبر ياعلي عل تل واناظر
جسم الحسين اتحاوطه رماح وحوافر
وعيونه تنظر للخيام وشفته حاير
من يسمع ايتام
يابويه ينضام
اه من الايام
موقف يبويه اعله الاخت يصعب
شفت الحوافر عل جسد تلعب
ورمل التشيله بالدم امشرب
//////////////////////////////////////
من اصد صوب المشرعه يشتد ونيني
علكافل اتسافح دمه يابويه عيني
ريت الحجر ما صوبه و صوب جبيني
وبلايه جفين
والسهم بالعين
حار الخيم وين
ريت السيوف اتكطع ابجسمي
وريت الشريعه اتروت ابدمي
ولا اشوف اخوي اعل النهر مرمي
//////////////////////////////////////
يابويه تعرف يا الم اصعب عليه
من اسمعهم ايكولون ناخذها سبيه
باجر عله الهزل تدور الهاشميه
تدري انته بالحال
يكيدوني بحبال
عل هزل انشال
تدري يبويه بكل بلد افتر
وكبال اجناب القصر اضهر
ريت المنايه بكربله تحظر
&&&&&&&&&&&&&&&&&&&
احمد عيسى البديري
BY الشاعر احمد عيسى البديري
Warning: Undefined variable $i in /var/www/tg-me/post.php on line 280
Share with your friend now:
tg-me.com/ahmedessa/8788