tg-me.com/ahmedessa/8791
Last Update:
القصيده الثامنه
ان انسانية الحسين تجسدت وهو تحت حوافر خيل ال اميه
تراه يبكي على مصير هذا الجيش الذي سوف يساق الى نار جهنم
بسبب قتلهم سبط الرسول
تخيلوا كيف كان تعامل الحسين في حياته الاعتياديه
تحت الحوافر واعله الجيوش ادموعه يجريها
وي اي معاني للناس هل اخلاق اخليها
يادعاة المنهجيه == قدملنه الطف قضيه
//////////////////////
انسانية الطف دستور لكل رايد انسانيه
الطالب كرامات العيش والعزه والحريه
خل يوعى افكار حسين ويتعمق بما هيه
ماتعطش اشفاف انسان مترويه من صافيه
هاي المعاني واجبنه للأجيال نرويها
بيها الرساله الراد ابو السجاد يحميها
رغم تعتيم ال اميه == قدملنه الطف قضيه
//////////////////////
حتى انعرف هل منهاج هاي الروايه ارويها
تكول الروايه ان الماي كل عيلته يكفيها
لكن ابى ابن الاكرام هل عسكر يخليها
والباجر اتسلبه اهدوم بجفوفه ضل يسكيها
لمن رواها انطه درس يشرح تعاليمه
ويدري العساكر باجر ل اهله ماتذر خيمه
ب هل الاوصاف الفاطميه == قدملنه الطف قضيه
//////////////////////
الطالب مدارس اخلاق ورايد القدوه المثلى
هذا الحسين الانسان دليني يوجد مثله
لمن وصل شاطي الماي جمرة عطش مشتعله
بس اقسم اعله الميمون مايروى اله قبله
مايرضه يشرب ابن الزجيه قبل ميمونه
يهل المنابر هذا الفعل لازم تذكرونه
عن ابو الروح الابيه == قدم النه الطف قضيه
/////////////////////
اليعتني ابلهفه الجون ويشطر اصفوف العسكر
انسان مافرق بين عبد وضناه الاكبر
مو ندري وقت الشدات طبع البشر يتغير
ياناس هذا الموضوع الشده تنطي الجوهر
يهل التكبر هذا الحسين وشوفوا افعاله
جون اعله ايده شمه وتقبل شفته اوصاله
بالعداله الادميه == قدملنه الطف قضيه
/////////////////////
ال ابمثل حال حسين وتطحن الخيل اعضامه
ونار الحقد بيد الجيش متعنيه صوب اخيامه
صح يجرح ابروحه الصار بس الاشد بالامه
يبجي عله العسكر ذاك متحسر من اثامه
اشكد عظيمه روحه الجبيره بهذا موقفها
رغم المأسي دمعه عله العدوان يذرفها
ل اليهم بأمر البريه== قدملنه الطف قضيه
/////////////////////
مدري اشجره البعض الناس صارت بشر محتاره
ضيعت لب الاسلام وماعدها ضلت جاره
واحد يهيم ابنلسون وواحد يحب جيفاره
لو ذوله در يا هلناس عدنه البحر واسراره
انطانه ثوره لا مانضل لو نلتزم بيها
نحفظ شكلها بس قصرينه احنه ابمعانيها
بهل كمالات البهيه == قدملنه الطف قضيه
&&&&&&&&&&&&&&&&&&&
احمد عيسى البديري
BY الشاعر احمد عيسى البديري
Warning: Undefined variable $i in /var/www/tg-me/post.php on line 280
Share with your friend now:
tg-me.com/ahmedessa/8791