tg-me.com/alakelaa/16522
Last Update:
#قصيده اللامام علي عليه السلام
بويه ياحيدر انادي ودمعتي عالخد جريه
فرگتك جمره وجوتني نار بگليبي وسريه
عني لا تمشي دخيلك
زادت الوحشه برحيلك
من بعد عينك يوالي اشبع اهموم واذيه
▧▧▧▧❂❂❂▧▧▧▧
من بعد عينك يوالي وحشه ضلت هل مباني
مخلصه ليلي وي نهاري بنوحي والجيتك اتاني
بويه يا شيخ العشيره هذا فگدك لوعاني
من شلت عني وعفتني ماشفت راحه بزماني
عــمري انطيه واجـيلك
زادت الوحشه برحيلك
ظربة الهامه ألمميته وصلتك للــمنيه
▧▧▧▧❂❂❂▧▧▧▧
بويه ناديت بحسرتي والصدى ايردد ندايه
اني زينب بلمصايب بروحتك زايد بلايه
مجرحه طول الليالي من اثر جف المنايه
موحشه اديارك عليه ومضلمه
ارضي وسمايه
ستعجل الموت ويجيلك
زادت الوحشه برحيلك
العمر بعدك مناحه اي وحق رب البريه
▧▧▧▧❂❂❂▧▧▧▧
بويه عني شو مظلمه صارت ايامي وسنيني
راحه بعدك ماعشتها لن كثر بويه ونيني
معلمه اغفى اعلى حسك بلكي ياطيفك يجيني
معلمه اعلى الآه تدري امن البجي هلطفه عيني
يوجع اعتابي بدليلك
زادت الوحشه برحيلك
ياهو ليتامك يضيغم بويه ياحامي الحميه
▧▧▧▧❂❂❂▧▧▧▧
روحي مجروحه لمصابك والجرح دوهن طبيبه
انظرك والدمعه لاجت يمه احضري يلحبيبه
جانت اللمه وضحكته لو مشه ياهو اليجيبه
احتارت الروح بصبرها ونت لهاي المصيبه
فراگك اعظم وشتكيلك
زادت الوحشه برحيلك
فارگيتوني يغالي وزايده الوعات بيه
▧▧▧▧❂❂❂▧▧▧▧
حان الوداع ارد اشمك ادري هلروحه جوتني
وانه بين احضان جفك روحي وي روحك لوتني
بستك وعيني تكابر جلمه البويه روتني
كربله اتاني قدومج بويه هلعمله الخوتني
ماشي يابويه لخليلك
زادت الوحشه برحيلك
وحفظت كل الي گاله بگلبي ظميت الوصيه
▧▧▧▧❂❂❂▧▧▧▧
تــــمت بقــــ✍️لم خادمات أهل البيت عليهم السلام
✍️ سـهـــام الـمـــالكـــي
✍️ طالبه الزهراء القريشي
تمت القصيده برابطة ياجبل الصبر
نسالكم الدعاء لتعجيل الفرج لصاحب الزمان(( عج ))
BY قناة قُربان الله
Warning: Undefined variable $i in /var/www/tg-me/post.php on line 280
Share with your friend now:
tg-me.com/alakelaa/16522