tg-me.com/alialmoosawe/2683
Last Update:
صعب فگدگ انمرد چبدك
يعبد الله انضرك يصب دموم نحرك
انه حسين بدمعتي اروي الآمي
انه بجفي انذبح طفلي بسهم ضامي
بنضرته انجرح وثوبه الصبح دامي
بعد شلي بحياتي و عيشة أيامي
دمع عيني يجويني
طفو يوليدي بدرك
يصب دموم نحرك
حملته على الصدر للگوم وديته
وعلى جفي الطفل و يلوج خليته
أنادي اسگوه اميه و صوتي عليته
بدموع العين اني لطفلي رويته
شنو ذنبه انمرد گلبه
وحملت بروحي قهرك
يصب دموم نحرك
يبن كاهل و شلك عالطفل عتبه
رميته بنبلتك ضامي انفطر گلبه
ضامي و ينذبح گلي شنو ذنبه
مصابه شلون احمله و حالته صعبه
انذبح مضلوم رووه دموم
يمن حيرني امرك
يصب دموم نحرك
عليّ مرت مصايب منها گلبي ذاب
يعبد الله و مصابك ما مثيله مصاب
بين چفوفي وبنبلة حقد تنصاب
شنو ذنب الجنيته يبني و الأسباب
شيصبرني كثر وني
و أعد شهور عمرك
يصب دموم نحرك
رميت دمومك لصوب السمه ومهموم
و اصيح بصوت أحكم ربي يا قيوم
شعمل عبد الله يرمونه بسهم هالگوم
انچتل و شفافه ذبلانه و يصب دموم
يضي عيناي شلي بدنياي
بخظاب الدم اشهرك
يصب دموم نحرك
انه بيا حال اردك للخيم مذبوح
و على گماطك يصب يا بويه فيض جروح
و امك بالمخيم تنتظر و تنوح
يبعد الروح عگبك م اريد الروح
يدلالي يأآمالي
حملت بالآه مرك
يصب دموم نحرك
رجعت صوب الخيم عبد الله يالغالي
شفت منضر فجعني و فطر دلالي
تهز بالمهد امك و المهد خالي
صحت هاليوم ذبحو وردة آمالي
وگلب أمه كثر همه
و على حالي أخبرك
تصب دموم نحرك
خادمكم سيد علي الموسوي الكربلائي
تمت كتابة هذه القصيدة سنة
2013/10/16
BY الشاعر سيد علي الموسوي الكربلائي
Warning: Undefined variable $i in /var/www/tg-me/post.php on line 283
Share with your friend now:
tg-me.com/alialmoosawe/2683