tg-me.com/alkalm313/24246
Last Update:
اللهم صل على محمد وآل محمد
قصيده للسيد الصدر قدس الله سره وطيب ثراه
تقرأ بوزن النصاري وبعدة اطوار
المستهل:
وينـك يالصـدر شيعـودك النـه
شكثر ضيم وقهر بعدك حملنـه
┉❈❥ًً❀(»📔»)❀ ❥❈┉
حملنه همـوم ما تخطر على البال
الوضع ما ينحمل ومخربط الحال
الحمـل طايح يوالـي ايريد شيـال
رحـت يـالچنـت بـالـدنـيـه امـلنـه
┉❈❥ًً❀(»📔»)❀ ❥❈┉
احنه بعازتك ياريحة احسيـن
مثل جدك علي لمآسس الديـن
عـفتونـه يـتامـه ليش مـاشيـن
شمـوع انتم وطفو كل شمعنـه
┉❈❥ًً❀(»📔»)❀ ❥❈┉
اسد والجابتك حره اوعلويـه
مثل الجابت الكافـل البدويـه
نشمـيات جـابـن زلـم نشميـه
معروفـين سـاده اهـل المحنه
┉❈❥ًً❀(»📔»)❀ ❥❈┉
امعدل ياصدرنه وسبع ومخيف
استعجل عليك الموت ياحيـف
صرنه مـا نشوفك حتى بالطيف
تـعـال وانـضـر بـعيـنك وضـعنـه
┉❈❥ًً❀(»📔»)❀ ❥❈┉
چنت بيرغ يرفرف بالسمه عالي
اصبـح منبـرك يـاسيـدي خـالـي
حـزنانـه عليـك الـدنيـه يالـوالـي
احبابـك تنـوح وگـطعـة الضـنـه
┉❈❥ًً❀(»📔»)❀ ❥❈┉
كطعنـه الضنـه منك وايسينـه
بـعـد شـيعـودك النـه يـاولـينـه
مـا ينـفـع لـطـمنـه ولا بچـينــه
على فگـدك يغـالـي شيصـبرنـه
┉❈❥ًً❀(»📔»)❀ ❥❈┉
تمـت بـعـون الله تعالـى
بـ✍🏻 خادمـة الحسين "عليه السلام"
الملـه أم مـجتبـى مـن ميسـان
غيـر مبري الذمـه مـن يحـذف الاسـم وينسـب الكـلام له
نسالكـم الدعـاء بتعجيل الفـرج لصاحـب الزمـان( عـج)
https://www.tg-me.com/us/منتدى القلم الفاطمي لشاعرات أهل البيت ع /com.alkalm313
BY منتدى القلم الفاطمي لشاعرات أهل البيت (ع)
Share with your friend now:
tg-me.com/alkalm313/24246