tg-me.com/alkalm313/24265
Last Update:
قصيـــدة للخـدم لبـداية محــرم
نحضر مجلس المظلوم بالدمعة
ويانــة الزچيــة تلطــــم وتنعـــة
من هـل الشهر نستقبلة بـاحـزان
ماننسة الحسين المنذبح عطشان
محـد. غسلـــة متــوسد التـــربـان
كون بكـل وكت عاشـور منودعـه
كون بكل وكت ما تخلص ايـامـة
الناعي لو نعه وحضرت اللطامـة
لو صحتوو الحسين مهشمةاعظامة
هنيالة الحضر مذخورة هالــفزعه
هـنيالــة الامامــة ايجـرها الحـسرة
ونـاصـب ماتمــة ويحييـها هاالذكـرة
مهظومـة بمصابـــة فاطمة الزهــرة
تگول ابچي على ضلعي لو كسر ضلعة
المـن يبوو اليـــمة يسيل هالمــدمـع
الزينب لو اخـوها البـاقي بالمــصرع
المـــلة لو قــرت ام الـحسن تسمـــع
تـعلــگ بالـحشر للخـادم الشـــمعــة
تعـلـگها الشـمـوع تـضـوي دروبـــــك
يالتـقرة وتنــادي حسيـن محبـــــوبك
ابشـر يـــالمـوالي انغفرت ذنـوبـــــك
ويـة انصـــاره انحشر ونحسب من ربعه
مـن ربـعـة انـحسب ويسجلة المـــذبوح
مـن يگـرب اجلـها ونـازعـت هالـــــروح
على اهـل البيت هاذا الاجـر لا ميـروح
حسينـك بالمنيـة سجـــلك يطلـــعة
تمت بقلم خادمة اهل البيت ع ام وليــــد الموسوي، لا اجيز حذف الاسم. الفاتحة الئ، روح والدي ووالدتي
ـــــــــــــــــــــــــــــــــــــــــــــــــــــــــــــــــــــــــــــ
انشر تؤجر
https://www.tg-me.com/us/منتدى القلم الفاطمي لشاعرات أهل البيت ع /com.alkalm313