tg-me.com/ampaker/1048
Last Update:
قصيده للحسين عليه السلام لسان حال زينب عليها السلام
لما جاءت العقيله إلى مصرع اخيها الحسين عليه السلام ورأته يجود بنفسه رمت بنفسها عليه وأخذت تقلب جراحاته وهي تقول.....😭👇
اشدن ياجرح كلي يخال ابني
سهم البلكلب يحسين هاظمني
〰〰〰〰〰〰
فك عينك ياخويه وانتهض ليه
شديلي الجرح ايكلي ياخيه
اريد انهض يازينب حيل مابيه
ابنص كلبي السهم ياخويه تعبني
〰〰〰〰〰〰〰〰〰
اجروح اهواي ماتنعد ياوالينه
أخذ حيلي ياخويه وانتهض لينه
شد حيلك وكوم ألنه يابو سكينه
اسم الله عليك خويه ولاتفاركني
〰〰〰〰〰〰〰〰〰〰
من ابعيد جيت اعليك ياوالي
ياريحة هلي يحسين ياغالي
ياخيمة التلمنه وسورنه العالي
ويبن امي الدهر عليك حاربني
〰〰〰〰〰〰〰〰〰
جيت اركض عليك حسين يبن امي
من ابعيد احوم اتعثر بجدمي
يشريان الكلب تجري بوسط دمي
تعالي اهنا يازهره وعليه وني
〰〰〰〰〰〰〰〰〰〰〰
وني على الجريح الماشرب ماي
وداويله الجرح يايمه بهداي
وبلجن للخيم ايكوم وياي
ترى عكبه الشمر يايمه يسلبني
〰〰〰〰〰〰〰
عندي اخبار ألك كل الحرم طشت
ومن نار الخيم تتراكض وفرت
تدور عليك يحسين الحرم ضلت
وكتله للشمر أبداله تذبحني
〰〰〰〰〰〰〰〰
✍🏼٠ الشاعره هديل التميمي لااجيز حذف اسمي غير مبري الذمه اليحذف اسم الشاعر
https://www.tg-me.com/us/قناة خدام نبقى لفاطمه لشاعره هديل التميمي/com.ampaker
BY قناة خدام نبقى لفاطمه لشاعره هديل التميمي
Share with your friend now:
tg-me.com/ampaker/1048