tg-me.com/ampaker/1075
Last Update:
قصيده لاربعين الحسين عليه السلام.
عن لسان حال زينب عليها السلام عندما وصلت كربلاء ورأت قبور اخوتها باكيه صارخه وهي تقول
.لارضج كربله هاليوم ردينه
جينه من السبي ليكم يهالينه
🏴🏴🏴🏴🏴
برضج كربله عفناها خوتنه
مشينه للاسر والغربه زتتنه
اجينه انزورهم ونعلي ونتنه
ويادفانهم للوالي ودينه
🏴🏴🏴🏴🏴
دليني اعله كبره امشي يدفانه
مشتاك الكلب لحسين ولهانه
بلكي لوندهته ايكوم ويانه
الوطنه كوم خويه حسين امشينه
🏴🏴🏴🏴🏴
كومن يابنات حسين للشاطي
للعباس نمشي ابجدم حافي
نكله كوم من نوم الكبر كافي
هوه الجابنه وهوه اليرد بينه
🏴🏴🏴🏴🏴
يم خال الولد عباس ودوني
اريد احجي اكله الغربه جابوني
اكعد شوف أثر السوط بمتوني
ونيشان الحبل ياخويه بيدينه
🏴🏴🏴🏴🏴
شلون امشي واعوفنكم يولياي
عمت عين الزمان الخان وياي
بلياكم يخوتي اشلون ممشاي
عكب عين الاخو ياهو اليبارينه
✍🏼.هديل التميمي لااجيز حذف اسمي اوالتلاعب
بكلمات القصيده بثواب والديي واستاذي الشيخ الفاضل عقيل لفته
https://www.tg-me.com/us/قناة خدام نبقى لفاطمه لشاعره هديل التميمي/com.ampaker
BY قناة خدام نبقى لفاطمه لشاعره هديل التميمي
Share with your friend now:
tg-me.com/ampaker/1075