tg-me.com/ampaker/1077
Last Update:
قصيده لاربعين الحسين عليه السلام
تكول زينب عندما اقبلت على ارض كربلاء عند قدومها من السبي وهي تبكي وتخاطب اخوتها اه اه اه 😭😭
درب المكبره يحسين عاميني
مابطل بجه ومابطل اونيني
🏴🏴🏴🏴
ابدرب المكبره الروح خلصانه
على راحو سوه العين عميانه
ماظل حيل بيه وجيت نحلانه
ياحادي الضعن ابراضه تانيني
🏴🏴🏴🏴
خويه حسين جيت انصب عزيتكم
كطعتو الكلب يابعد اخيتكم
انصب فاتحه وانصب خيم الكم
اصيح حسين خويه وماتحاجيني
🏴🏴🏴🏴🏴
وجيناكم يخوتي وماتلااكونه
يهل الدار اجينه كومو ضيفونه
وعن ظهر الهزل يسباع نزلونه
وياعباس ماتكعد تحييني
🏴🏴🏴🏴🏴🏴
من الشام اجيت وناكله احمولي
وياجلمة هله اشتردين كلولي
اهنا يهل الضعن عباس أندهولي
خويه للوطن ياهو اليوديني
🏴🏴🏴🏴
اسايل عالكبر ياعمه دلوني
جيتلكم يخوتي وماتعرفوني
غيرني السبي كومو تلكوني
اكطعت ادروب والغربه تماشيني
🏴🏴🏴🏴🏴🏴
✍🏼.هديل التميمي لااجيز حذف اسمي بثواب والديي واستاذي الشيخ الفاضل عقيل لفته الله يرحمهم
https://www.tg-me.com/us/قناة خدام نبقى لفاطمه لشاعره هديل التميمي/com.ampaker
BY قناة خدام نبقى لفاطمه لشاعره هديل التميمي
Share with your friend now:
tg-me.com/ampaker/1077