tg-me.com/ayadalderawy/954
Last Update:
استشهاد الزهراء ع
ليش اعله بابي شبت النار
ليش اكسرت ضلعي يمسمار
ويه زينب ارد اروح الكربله
****
اتنومست چنك يمسمار اعله وضعي
ما ذبت من لامسك ياوسفه دمعي
ايطول الله بعمري يم العتبه ادعي
ونته بعيونك تخوزر صوب ضلعي
صوب الضلع شو تخزر العين
ما ردت اموتن گتلك الحين
ويه زينب ارد اروح الكربله
****
اتأنى يالمسمار وي روحي او اجلها
انه افكر بالعقيله بلا اهلها
ان چان تكسر ضلعي زينب منهو الها
ما دريت اتطيح چفين الكفلها
كل ما اشوفك يگرب الموت
يا ما ندهلك ضلعي هالصوت
ويه زينب ارد الروح الكربله
****
كل حناني انا لميته اعله هيده
انا ام اواحسب امصايب بعيده
اوليدي يالمسمار لو گطعو وريده
هل حنان ابنيتي ساعتها تريده
كل الحنان ابين الضلوع
إقراني چلمه بوكت الدموع
ويه زينب ارد اروح الكربله
****
من اومتن ما اموت بروح وحده
لو متت يوگع جنيني فوگ خده
حسبت يكبر واخيته تلوذ سده
والها وي عباس بالطف ينطي زنده
اذكر اسمها وسمع انياح
صوت الجنين بداخلي صاح
ويه زينب ارد اروح الكربله
****
حاسبه احسابي الغوالي اعله الثره اتنام
وتختنگ زينب سماها بحرگ الخيام
گلت اروح انا بعباتي اشگف اسهام
وهيه من نار المخيم تجمع ايتام
يچويها باچر جمر الاطناب
اشينفعني موتي ابعتبة الباب
ويه زينب ارد اروح الكربله
****
اهناكه لو عالناگه زينب ركبوها
يعني كل اخوتها بالطف ذبحوها
تشتكي المن بعد لو چتفوها
يمه تصرخ لحگي بنتچ شتموها
الكافل اعذره بلايه چفين
وما ينهظ الها مگطع حسين
ويه زينب ارد اروح الكربله
****
الشاعر اياد الديراوي
BY الشاعر اياد الديراوي
Warning: Undefined variable $i in /var/www/tg-me/post.php on line 280
Share with your friend now:
tg-me.com/ayadalderawy/954