tg-me.com/azattyq/23812
Last Update:
⚡Мәскеудегі Внуково әуежайынан төрт күнде Тәжікстанның 643 азаматы депортацияланған. Бұл туралы "Интерфакс" агенттігі "Азия плюс" медиа тобына сілтеме жасап хабарлады.
Медиа топ Тәжікстан сыртқы істер министрлігінің мәліметіне сүйеніп, 26-30 сәуірде Мәскеуге келген 3101 тәжікстандықтың 643-ы бірнеше күн әуежайда жатып, депортацияланды деді. Тағы 117 тәжікстандықты депортациялау туралы шешім шыққан.
Ресей сыртқы істер министрлігі шекарадағы шетелдіктерді тексеру уақытша екенін, бұл тексеріс белгілі бір ұлтқа бағытталмағанын айтқан. Ведомство мұны Ресейдегі терроризмнің алдын алумен байланыстырған.
28 сәуірде Тәжікстан СІМ ресми сайтында "27 сәуірде Внуково әуежайындағы уақытша ұстау аймағында Тәжістанның 954 азаматы отыр, оларға ешқандай санитарлық жағдай жасалмаған" деп мәлімдеді. Министрліктің мәліметінше, әуежайда көп уақыт бойы тұрып қалған тәжікстандықтардың ішінен 322 адам Ресей аумағына өткен.
Тәжістан сыртқы істер министрлігі "Ресейде Тәжістан азаматтарына қатысты тексеріске және олардың құқығы, еркіндігі бұзылып жатқанына" алаңдаушылық білдірген. 29 сәуірде Душанбе Ресейдің Тәжікстандағы елшісі Семен Григорьевке қарсылық нотасын тапсырған.
www.tg-me.com/us/Azattyq Азаттық/com.azattyq
BY Azattyq - Азаттық
Warning: Undefined variable $i in /var/www/tg-me/post.php on line 280
Share with your friend now:
tg-me.com/azattyq/23812