tg-me.com/balighoun9/8602
Last Update:
لما بندعي ربنا ونقول
"يا رب نفسي في زوج صالح، قوَّام، صوَّام، ناصح، ذاكر، وهكذا إلى آخر الصفات اللي كلنا بنتمناها،
لازم إحنا كمان نكون كدا!
مش نكون خاربينها ولبس مش محترم، وألفاظ مش كويسة، ومنعرفش شئ في ديننا، ولا حتى الأساسيات ومستنيين واحد يجيلنا كدا، طب إزاي!
طب لما زوجك يكون غايب عن البيت وابنك يسألك في شئ بخصوص الدين هتردي تقولي اي؟ لما يلتبس عليه أمر خارج البيت ويجيلك يسألك: ماما فلان بيقولي دا حرام أو دا حلال؟ فـ انتِ لو مش عارفة فـ دي كارثة!
ضيعتي نفسك في الأول وعُمرك ذهب هباءً، ثم أبنك!
طب زوجك أو الراجل اللي بتتمنيه دا هيأتمنك ع بيته وتربية أولاده؟
أكيد لأ، مستحيل!
فـ زي ما بندعي ربنا ونقول نفسنا في كذا، ننظُر لأنفسنا ونُصلحها ونقوِّمها ونشوف ناقصنا اي، واي يأهّلنا نكون زوجات صالحات،
احنا لسه عايشين الحمدلله، نقوم من دلوقت ونسمع دورات ونشوف اي ناقصنا واي الحاجات اللي واقعين فيها ونبتدي نتوب ونتصلّح لأجل أزواجنا وأولادنا،
محدش يستصعب الدورة إنها هتقعد سنة ولا اتنين، ولا الحلقات ع مدى شهر أو أكتر.. ابدأي وربنا هيوفقك وهتنجزي وتتعلمي شئ،
متقوليش أنا اتأخرت ولا خلاص اتزوجت وكدا كدا خربانه!
حبيبتي أنتِ هتُسألي عن تربيتك لأولادك! وزوجك كمان.
فـ أنتِ عايزاه زوج صالح=كوني أنتِ الأول زوجة صالحة.
زينب'محمد.
BY بَليغٌ
Warning: Undefined variable $i in /var/www/tg-me/post.php on line 280
Share with your friend now:
tg-me.com/balighoun9/8602