tg-me.com/beonasatk/13417
Last Update:
(( هابقى آخد دش بالمرة))
زوج راجع من بره... وبعد يوم طويل من الشغل والإرهاق ...وقضى يومه في البيت عادي ... وجه وقت النوم .... وقبل العلاقة الخاصة... كسل يقوم ياخد دش ويغسل أسنانه ... وقال لنفسه (هابقى آخد دش بالمرة بعد مانخلص )
زوجة واقفة في المطبخ بتحط اللمسات الأخيرة في تجهيز الاكل ... وبدل ما تدخل تاخد دش وتلبس حاجة لطيفة قبل ما يجي جوزها .... إفتكرت إنها هاتغسل الاطباق آخر اليوم ... فكسلت تاخد دش ... وقالت لنفسها (هابقى آخد دش وأغير هدومي بالمرة بعد ما أغسل الاطباق) ... وقابلت جوزها لما جه بهدوم كلها ريحة اكل
الكسل في النضافة الشخصية مؤذي جدا والله العظيم ... وفي ناس بتقفل جدا من بعض وفي بيوت بتتهد بسبب التفاصيل دي
ألف باء جواز .... هو الحفاظ على النضافة الشخصية بشكل عام ... وقبل العلاقة الخاصة بشكل خاص
إننا دايما ناخد دش (وبشكل كويس مش طلسقة) .. وغسيل الأسنان والاهتمام بيهم اول بأول ونروح للدكتور لما تظهر اي مشكلة ... واستخدام مزيل العرق والبرفيوم ... كل الكلام ده حاجات مهمة ومافيهاش هزار
احنا بيجيلنا شكاوى من أزواج وزوجات من الموضوع ده رغم إنهم لمحوا أكتر من مرة واتكلموا بشكل مباشر وغير مباشر أكتر من مرة .. ومع ذلك مفيش فايدة.
فياريت نحاول نحافظ على نفسنا على قد ما نقدر ... وبلاش فكرة (بالمرة)
#دفا_البيوت
#همسات_زوجيه
BY هـمـسـات أنـثـويـة 🍒
Warning: Undefined variable $i in /var/www/tg-me/post.php on line 280
Share with your friend now:
tg-me.com/beonasatk/13417