أنت هتقابلي ربنا لوحدك .. مش هيبقى معاكي صاحبتك ال بتقولك على لبسك الضيق "واو تحفة" .!

قال تعالى:"وَكُلُّهُمْ آتِيهِ يَوْمَ الْقِيَامَةِ فَرْدًا (95)".

سُدُّوا الثغور.. ولو بورقة‼️
اجعل شعارك لن يُؤتىٰ الدينُ مِن قِبلي..

فسدَّ ثغرتك في حلقة قرآن، أو جلسة علم، أو ليلة تقومها، أو صدقة تُؤديها، أو نصيحة تهديها، أو كلمة تلقيها؛ فـالدعوة لِدين اللَّه هي ثغر الثغور، فالزمها مع ثغرتك المُقَدَّرة لك..

واسأل نفسك دومًا: "أينَ أنا من ثغورِ الإسلام؟

"ذو مرة"
الحلقة 11
د_عبد_الرحمن_الشهري

اسم اللّٰـه الخَـاِلق💚) '

#قصص_الأنبياء(٢)
#السيرة_النبوية
#الحلقة_السادسة_والخمسون
#تغيير_القبلة_وفرض_القتال

كنا واقفين المرة إللي فاتت عند الحادثة إللي حصلت وعملت قلق كبير وخلت اليهود والمشركين يشمتوا في المسلمين،
إيه إللي حصل 🤔

في شهر شعبان بعد سرية نخلة إللي حصلت آخر يوم رجب واتكلمنا عليها المرة إللي فاتت، نزلت الآيات بتغيير القبلة🙊

☆قبل ما نكمل في علماء قالوا إن تغيير القبلة كان في نصف شهر رجب، يعني حتى قبل سرية نخلة😉

نرجع لموضوعنا 😁
احنا كنا عارفين إن رسول الله ﷺ طول فترة مكة كان بيصلي ناحية بيت المقدس أو المسجد الأقصى،
واستمر بعد الهجرة يصلي ناحيته لمدة سنة وسبعة أشهر في المدينة،
وكان رسول الله ﷺ طول فترة مكة بيجعل الكعبة بينه وبين بيت المقدس بحيث إنه يصلي في اتجاه الإثنين،
لكن لما هاجر للمدينة المكان مختلف فكان لازم يتجه ناحية بيت المقدس وكانت الكعبة في ظهر النبي ﷺ،
فكان رسول الله ﷺ يتمنى إن ربنا يُغير له القبلة ويجعلها ناحية الكعبة،
هو مكنش بيدعي لكن كانت مجرد رغبة، كان كل شوية ينظر للسماء منتظر جبريل ييجي يقول له إن خلاص غير القبلة،
وده إللي حصل فعلا👌
جاء جبريل عليه السلام بكلام الله:
"قَدْ نَرَىٰ تَقَلُّبَ وَجْهِكَ فِي السَّمَاءِ ۖ فَلَنُوَلِّيَنَّكَ قِبْلَةً تَرْضَاهَا ۚ فَوَلِّ وَجْهَكَ شَطْرَ الْمَسْجِدِ الْحَرَامِ ۚ"
وكان ده أول نَسْخ يحصل في الإسلام،
والنسخ معناه ببساطة إن ربنا يأمر بأمر وبعدين يغيريه لأمر تاني، فالأمر الجديد بينسخ أو بيمسح الأمر القديم،
زي موضوع تغيير القبلة كده😉
ومش معنى إن ربنا استجاب لرغبة رسول الله ﷺ إن مفيش حكمة من الموضوع، ربنا لا يفعل شيء إلا لحكمة سواء احنا عرفناها وفهمناها أو لأ👌
"ذَٰلِكُمْ حُكْمُ اللَّهِ ۖ يَحْكُمُ بَيْنَكُمْ ۚ وَاللَّهُ عَلِيمٌ حَكِيمٌ "

☆ممكن حد يقول طيب ليه ربنا غيّر القبلة ولسه الدولة الإسلامية في بداية نشأتها يعني كان يستنى شوية وخصوصا إن اليهود كانوا مستنيين أي حاجة تحصل عشان يطعنوا في الإسلام🤔

الفترة إللي حصل فيها تغيير القبلة كانت أنسب وقت، عشان كل واحد يبان على حقيقته،
عشان يبان الصادق في إيمانه وإللي هيقدر يبني دولة الإسلام ويقف قصاد الفتن والشبهات مع رسول الله ﷺ،
من الناس إللي لسه الإيمان مش مستقر في قلوبها وممكن تسيب الإسلام بسبب شبهة ولا اثنين يقولها أعداء الإسلام👌
" وَمَا جَعَلْنَا الْقِبْلَةَ الَّتِي كُنتَ عَلَيْهَا إِلَّا لِنَعْلَمَ مَن يَتَّبِعُ الرَّسُولَ مِمَّن يَنقَلِبُ عَلَىٰ عَقِبَيْهِ ۚ "

نزلت الآية وحصل بسببها فتنة كبيرة، تعالوا نشوف ردود أفعال الناس على تغيير القبلة😉
اليهود إللي في المدينة كانوا من الأول فرحانين إن رسول الله ﷺ بيصلي ناحية بيت المقدس لأنها قبلتهم،
فكانوا مفكرين إن رسول الله ﷺ هيتبعهم في دينهم بعد فترة،
فلما اتحولت القبلة جالهم زي إحباط كده و بدأوا يشككوا المسلمين في دينهم،
وقعدوا يقولوا محمد خالف قبلة الأنبياء قبله، ولو كان نبي كان استمر يصلي ناحية قبلة الأنبياء😏
"سَيَقُولُ السُّفَهَاءُ مِنَ النَّاسِ مَا وَلَّاهُمْ عَن قِبْلَتِهِمُ الَّتِي كَانُوا عَلَيْهَا ۚ "
وكلام اليهود أثّر على ضعاف الإيمان إللي عندهم شك والإسلام مش مستقر في قلوبهم وبدأوا يسألوا :
طب ومصير الناس إللي ماتت قبل تغيير القبلة إيه، وهل ربنا هيقبل صلاتهم ولا لأ،
وهل هياخدوا أجر على صلاتهم إللي فاتت دي ولا لأ،
طيب ماهو لو كانت القبلة الأولى حق يبق هو ترك الحق للباطل،
ولو كان القبلة الجديدة هي إللي حق يبقى هو كان على باطل😕
وكأن يعني الصلاة لبيت المقدس كانت اجتهاد من رسول الله ﷺ مش وحي من عند ربنا فمش هياخدوا أجر على صلاتهم 🙄
ومع ذلك ربنا رد عليهم عشان يطمئن المؤمنين
"وَمَا كَانَ اللَّهُ لِيُضِيعَ إِيمَانَكُمْ"
وشوفوا الفرق بينهم وبين المسلمين الصادقين الثابتين على الإيمان👌
المسلمين أول ما رسول الله ﷺ قال لهم القبلة اتغيرت وصلى بهم العصر محدش اتكلم كله صلى خلف رسول الله ﷺ وخلاص وانتهى الموضوع،
لا وشوفوا الأعجب🙊
واحد من الصحابة صلى مع رسول الله ﷺ، وبعدين وصل لمسجد قباء لقى المسلمين بيصلوا وكانوا راكعين قال لهم:
أشهد إني صليت مع رسول الله ﷺ ناحية الكعبة🤚
راح الصحابة وهم راكعين مدوّرين نفسهم وهم في الصلاة واتجهوا ناحية القبلة الجديدة😮
وأنا عايزاكم تتخيلوا ناس راكعة بتصلي غيروا اتجاههم مائة وثمانين درجة، لأن القبلة زي ما قلنا إللي يقف وهو متجه ناحية المسجد الأقصى يبقى الكعبة في ظهره، فهم غيروا اتجاههم تماما،
وده طبعا خلاهم يتحركوا كثير في الصلاة، ومحدش فيهم فكر إنه يستنى يتأكد من الكلام ويعرف القصة بالكامل،
ولا حد قال طيب خلاص أكمل الصلاة دي وخلاص، ومن الصلاة الجاية أصلي للقبلة الجديدة،
كلهم بلا استثناء رجال ونساء تحولوا في نفس اللحظة،
طاعة مُطلقة لرسول الله ﷺ👌
وربنا قال إن ده اختبار كبير مش هينجح فيه غير المؤمنين،
"وَإِن كَانَتْ لَكَبِيرَةً إِلَّا عَلَى ال

َّذِينَ هَدَى اللَّهُ "

¤في نقطة هنا وهي إن الحركة الكثيرة في الصلاة تبطل الصلاة، لكن الحكم ده مكنش لسه نزل على المسلمين فعشان كده اتحركوا عادي😉

☆وبالمناسبة صحيح 😅
المسجد إللي صلى فيه رسول الله ﷺ مع المسلمين اتسمى بمسجد القبلتين لأن رسول الله ﷺ صلى فيه ناحية بيت المقدس وبعدين نزلت الآية بتحويل القبلة وصلى ناحية الكعبة في نفس المسجد،

والمسجد يا جماعة ملوش أي فضل نهائي 🙅‍♀️
عشان بس الناس إللي بتروح العمرة أو الحج يبقوا عارفين وميقعوش في البدع، هو مسجد زي أي مسجد👌
أما المشركين في مكة قالوا :
محمد رجع لقبلتنا، وزي ما رجع لقبلتنا هيرجع لديننا قريب،
وهو مرجعش للقبلة بتاعتنا إلا لأنه عرف إنها الحق😈

ربنا بقى رد على كل الناس دي بإجابة بسيطة جدا💁‍♀️
"قُل لِّلَّهِ الْمَشْرِقُ وَالْمَغْرِبُ ۚ يَهْدِي مَن يَشَاءُ إِلَىٰ صِرَاطٍ مُّسْتَقِيمٍ"
فسواء المشرق ولا المغرب كله ملك لله، ثم العبرة مش إن الناس تتجه ناحية المشرق ولا المغرب ،
العبرة في تنفيذ أوامر ربنا، واتباع رسول الله ﷺ وهل فعلا لما ييجي الأمر للناس هيسمعوا الكلام بدون نقاش زي ما المؤمنين الصادقين عملوا،
ولا هيقعدوا يشككوا ويجادلوا ويشمتوا 👌
"لَّيْسَ الْبِرَّ أَن تُوَلُّوا وُجُوهَكُمْ قِبَلَ الْمَشْرِقِ وَالْمَغْرِبِ وَلَٰكِنَّ الْبِرَّ مَنْ آمَنَ بِالله"

لسه يادوب طالعين من اختبار تحويل القبلة إلا وفي اختبار تاني🙊
ربنا فرض على المسلمين الصيام، فرض صيام شهر رمضان كامل، يعني كمان أسبوعين المسلمين هيصوموا لأول مرة في حياتهم شهر كامل،
مفيش تدريب قبلها مفيش تهيئة، فجأة كده ربنا قال لهم إن رمضان القادم هتصوموه،
وده صعب عليهم في بيئة صحراوية حارة زي المدينة،
" يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ"

ومش بس كده ده اتفرض عليهم الزكاة بالنصاب المعروف دلوقتي،
يعني قبل كده كان في زكاة ، لكن كان على حسب مقدرة كل
واحد، لكن دلوقتي بقى في حد معين مطلوب منهم،
والإنسان بطبيعته مش بيحب القيود وخصوصا القيود المادية، والزكاة مهما كان قيمتها بسيطة إلا إن الإنسان مطبوع على حب المال :
"وَتُحِبُّونَ الْمَالَ حُبًّا جَمًّا"

ومن الفرائض إللي ربنا فرضها على المسلمين في شهر شعبان كان القتال،

☆شوفوا اختبارات وفرائض ورا بعض ورا بعض، وده كله عشان ربنا يُهيء المسلمين للي هيحصل في المستقبل👌

احنا قلنا قبل كده إن ربنا أَذِن للمسلمين بالقتال عشان يدافعوا عن نفسهم ويردوا عن أنفسهم الظلم الواقع عليهم من قريش،
لكن دلوقتي الوضع اختلف، ربنا فرض القتال على المؤمنين👌
شوفوا الآيات:
"وَقَاتِلُوا فِي سَبِيلِ اللَّهِ الَّذِينَ يُقَاتِلُونَكُمْ وَلا تَعْتَدُوا إِنَّ اللَّهَ لا يُحِبُّ الْمُعْتَدِينَ"
"وَاقْتُلُوهُمْ حَيْثُ ثَقِفْتُمُوهُمْ وَأَخْرِجُوهُم مِّنْ حَيْثُ أَخْرَجُوكُمْ ۚ وَالْفِتْنَةُ أَشَدُّ مِنَ الْقَتْلِ ۚ"
"وَقَاتِلُوهُمْ حَتَّىٰ لَا تَكُونَ فِتْنَةٌ وَيَكُونَ الدِّينُ لِلَّهِ"

الآيات دي لما نزلت كان لها الأثر الكبير على المشركين وعلى اليهود وعلى المسلمين أنفسهم🙊
الناس بصفة عامة بتكره القتال لأن الحروب لا تأتي إلا بالدمار والخراب وقتل الناس😓
"كُتِبَ عَلَيْكُمُ الْقِتَالُ وَهُوَ كُرْهٌ لَّكُمْ "
لكن في نفس الوقت الشيء إللي المسلمين كارهينه ده قد يكون خير لهم وهم مش شايفينه،
"وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ""
عشان كده مش معنى إن الإنسان كره شيء من أوامر ربنا إنه ميعملهاش😅
يعني مينفعش واحدة تقول أنا مش عايزة أصلي أو ألبس الحجاب الشرعي عشان هي كارهة الصلاة أو الحجاب 😶
أوامر ربنا تتنفذ وخلاص، مش مطلوب منك تحبيها أصلا،
المطلوب منك تحبي ربنا، لو حبيتي ربنا هتحبي أوامره تلقائي😊

☆ممكن حد يسأل وهو في خير في القتال والحروب😳
الأمة إللي تجاهد بتكون عزيزة وتحترمها الأمم إللي حواليها وتعمل لها حساب،
وكمان تقدر تسترجع أي حق أُخذ منها،
بعكس الأمة التي لا تجاهد، تلاقي ربنا مسلط عليها الذل والأمم كلها بتحتقرها ومش عاملة لها أي حساب،
وحقوقها ضايعة وملهاش أي حُرمة، الناس كلها بتعتدي عليها،
وأظن إنتم شايفين واقعنا عامل إزاي😓

عموم المسلمين تقبلوا أمر ربنا عادي، لكن في بعض المسلمين مشفتش الخير إللي وارء الأمر ده،
وطلبوا من رسول الله ﷺ إنه يؤجل لهم القتال، يعني هم مقتنعين بأمر ربنا،
بس بسبب ضعف إيمانهم وخوفهم من اتحاد المشركين واليهود، والمؤمنين لسه قلة، فقالوا نؤجل موضوع القتال،
والكلام ده طالع من مين، طالع من صحابة،
لكن من حكمة ربنا إن يحصل موقف زي ده مع رسول الله ﷺ عشان احنا نعرف نتعامل معاه إزاي👌
والغريب إن الطائفة دي هي هي إللي لما كانوا في مكة مكنوش قادرين يصبروا على أذى المشركين وكانوا عايزين يحاربوهم في الوقت إللي ربنا كان مانع الرد على المشركين،
يعني عندهم الموضوع معكوس،
شوفوا ربنا

بيقول إيه في وصف الموقف ده:
"أَلَمْ تَرَ إِلَى الَّذِينَ قِيلَ لَهُمْ كُفُّوا أَيْدِيَكُمْ وَأَقِيمُوا الصَّلَاةَ وَآتُوا الزَّكَاةَ "
في فترة مكة يعني،
"فَلَمَّا كُتِبَ عَلَيْهِمُ الْقِتَالُ إِذَا فَرِيقٌ مِّنْهُمْ يَخْشَوْنَ النَّاسَ كَخَشْيَةِ اللَّهِ أَوْ أَشَدَّ خَشْيَةً ۚ"
فلما ربنا فرض القتال في المدينة كان رد فعلهم مختلف،
مع إنهم المفروض أول ناس تكون مرَحبة بالقتال لأنهم هم إللي طلبوا في الأول،
"وَقَالُوا رَبَّنَا لِمَ كَتَبْتَ عَلَيْنَا الْقِتَالَ لَوْلَا أَخَّرْتَنَا إِلَىٰ أَجَلٍ قَرِيبٍ"

لكن بسبب ضعف الإيمان دخل الخوف في قلوبهم،
وربنا قال لهم ولأي أحد ممكن يكون في موقفهم الحل :
"قُلْ مَتَاعُ الدُّنْيَا قَلِيلٌ وَالْآخِرَةُ خَيْرٌ لِّمَنِ اتَّقَىٰ وَلَا تُظْلَمُونَ فَتِيلًا"
الدنيا مهما عيشتم فيها خايفين على عمركم فالمتاع بتاعها قليل،
أما الآخرة هتعيشوا فيها للأبد متاعها لا ينتهي،
ووضع ربنا لهم ولنا قاعدة مهمة جدا في الآية إللي بعدها على طول👌
"أَيْنَمَا تَكُونُوا يُدْرِككُّمُ الْمَوْتُ وَلَوْ كُنتُمْ فِي بُرُوجٍ مُّشَيَّدَةٍ"
إنتم خايفين من اتحاد المشركين واليهود عشان ممكن يقتلوكم، طيب مانتم كده كده هتموتوا،
مهما اختبأتم ومهما تحصّنتم في الحصون لكم عُمْر محدد مجرد ما ينتهي هتموتوا،
سواء كنتم داخل المدينة وسط أهلكم أو بتقاتلوا المشركين واليهود، ومادام إنتم كده كده هتموتوا يبقى تموتوا وتكونوا في مكانة عالية👌
فلما ذكر لهم رسول الله ﷺ آيات القرآن رجعوا عن كلامهم ومحدش تخلف منهم عن رسول الله ﷺ بعد كده😊

☆وده الفرق بين المؤمن الصادق والمنافق، المؤمن الصادق إيمانه لو قل أول ما احد يذكره بالله وبالجزاء في الآخرة يرجع تاني لأوامر الله،
لكن المنافق ولا هو هنا، عايش حياته ولا فارق معاه ربنا أساسا🙄

كل الأحداث دي كانت بتدل إن في حاجة هتحصل قريب🙊
دخل شهر رمضان وصامه المسلمون،
احنا قلنا من شوية إن ربنا فرض صيام رمضان، لكن الفرض هنا كان فرض اختياري،
يعني إللي عايز يصوم يصوم، وإللي مش عايز يصوم ميصمش لكن بشرط👌
وهو إنه بكل يوم هيفطره هيطعم قصاده مسكين،
"أَيَّامًا مَّعْدُودَاتٍ ۚ فَمَن كَانَ مِنكُم مَّرِيضًا أَوْ عَلَىٰ سَفَرٍ فَعِدَّةٌ مِّنْ أَيَّامٍ أُخَرَ ۚ
وَعَلَى الَّذِينَ يُطِيقُونَهُ فِدْيَةٌ طَعَامُ مِسْكِينٍ ۖ فَمَن تَطَوَّعَ خَيْرًا فَهُوَ خَيْرٌ لَّهُ ۚ وَأَن تَصُومُوا خَيْرٌ لَّكُمْ"

شوفوا 😅
في حاجة اسمها الأمر على الوجوب والأمر على الاستحباب، يعني في أوامر من ربنا فرض مفيهاش كلام، وفي أوامر من ربنا مستحبة،
فربنا فرض صيام رمضان وأمر به في الأول على وجه الاستحباب،
فلما الناس جربوه واتعودوا عليه وبدأوا يختاروا الصيام بإرادتهم، ربنا فرض عليهم الصيام الفرض الإلزامي،
طبعا باستثناء المريض أو المسافر😉
فهو كان بيعمل لهم تهيئة الأول،
زي ماحنا بنعود الأطفال الصغيرين على الصيام، فالصحابة في الوقت ده كان كل التشريعات بالنسبة لهم جديدة زي الأطفال الصغيرين،
فكان ربنا بيمهد لهم ويعلمهم شوية شوية👌

كان الصيام من الفجر إلى المغرب لكن لو الصائم لم يفطر عند المغرب ونام، لا يجوز له إنه يأكل أي شيء،
وينتظر لتاني يوم المغرب عشان يأكل أو يشرب، وكان اقتراب الرجل من زوجته في الليل محرم طول شهر رمضان،
فكان واحد من الأنصار بيشتغل في النخيل بالنهار وكان صائم،
فلما حضر وقت الإفطار سأل زوجته عندك طعام؟
قالت له : لأ، ولكني هروح أجيب لك أكل😕
وكان شغال طول اليوم وتعبان فغلبته عينه ونام، فجاءته زوجته ومعاها الأكل فلما شافته نام قالت:
خيبةً لك!! يعني بالعامية يا خيبتك😅
زعلانة عليه يعني إنه نام وكان تعبان ومش هياكل غير تاني يوم المغرب،
فلما وصل لنصف النهار وهو صائم أُغْميَ عليه، فأخبروا رسول الله ﷺ، فنزلت آية التخفيف من ربنا،
"أُحِلَّ لَكُمْ لَيْلَةَ الصِّيَامِ الرَّفَثُ إِلَىٰ نِسَائِكُمْ"
"وَكُلُوا وَاشْرَبُوا حَتَّىٰ يَتَبَيَّنَ لَكُمُ الْخَيْطُ الْأَبْيَضُ مِنَ الْخَيْطِ الْأَسْوَدِ مِنَ الْفَجْرِ ۖ ثُمَّ أَتِمُّوا الصِّيَامَ إِلَى اللَّيْلِ ۚ "

في شهر رمضان عرف رسول الله ﷺ إن في قافلة لقريش جاية من الشام،
وكانت القافلة دي من أكثر قوافل قريش مالا، فيها ألف بَعير،وما لا يقل عن خمسين ألف دينار ذهبي،
يعني لو المسلمون عرفوا يأخذوها هتبقى غنيمة كبيرة جدا لهم، وضربة اقتصادية شديدة لقريش👌
وكان القائد على القافلة دي أبو سفيان بن حرب، سيد من سادات مكة، وكان إللي بيحرس القافلة حوالي ثلاثين إلى أربعين رجل،
فلأهمية القافلة دي قرر رسول الله ﷺ إنه يخرج للقافلة دي بنفسه وجمع معاه أكبر عدد ممكن من الصحابة،
ولأول مرة يخرج الأنصار مع رسول الله ﷺ في غزوة،
لما كان في المدينة عرض أمر الخروج للقافلة على المسلمين،
فوافق أبو بكر ووافق عمر،
وقال سعد بن عبادة زعيم الخزرج والله يارسول الله لو أمرتنا إننا نروح معاك لحد اليمن هنروح👌
فخرج مع رسول الله

ﷺ المرة دي حوالي ثلاثمائة وثلاثة عشر أو أربعة عشر أو سبعة عشر صحابي،
كان المهاجرين ثلاثة وثمانون، وكان الأنصار مائتين وواحد وثلاثين،
يعني ثُلثين الجيش تقريبا كان من الأنصار،
بدأ رسول الله ﷺ يجهز ويرتب الجيش عشان يطلع يعترض قافلة أبو سفيان،

هل هيقدر رسول الله ﷺ إنه يأخذ القافلة ويعوض المهاجرين عن خسارتهم؟
ده إللي هنعرفه الجزء الجاي إن شاء الله 😊


#Eman_Shalapy

معنى (رضا نفسه) و (زنة عرشه)

قوله صل الله عليه وعلى آله وسلم
(سبحان الله وبحمده عدد خلقه، ورضا نفسه، وزنة عرشه، ومداد كلماته)

(رضا نفسه): يعني حمداً أبلغ به رضا الله

(زنة عرشه):يعني لعظمته يزن العرش،وزنة العرش ما يعلمها إلا الله، لأنها عظيمة

(مداد كلماته) -أيضاً- مداد الكلمات يقول الله عز وجل: {قُلْ لَوْ كَانَ الْبَحْرُ مِدَاداً لِكَلِمَاتِ رَبِّي لَنَفِدَ الْبَحْرُ قَبْلَ أَنْ تَنْفَدَ كَلِمَاتُ رَبِّي}

وعلى هذا فيكون المعنى أنه واسع كثير جداً
..
الشيخ ابن عثيمين _رحمه الله_

شرح_الأذكار
أذكاركم يا أحباب
أذكار الصباح 🌖👇

https://www.tg-me.com/telegram/com.Hantghair/7079

بالأذكار، يحصل المسلم على الأجر والثواب في الدنيا والأخرة،
فكل تسبيحة ذكر يذكر المسلم بها الله -سبحانه وتعالى- يؤجر عليها كأجر تصدقه بشيءٍ.

قوائم اللستات الاسلامية 🌹👇
⚛️ | نبع الصور
{⑮} @speelta
🗯🗯
⚛️ | عبارات من ذهب
{⑭} @dfgbkh
🗯🗯
⚛️ | نصائح🦠 طبية
{⑧} @Nsaih_sidlany33
🗯🗯
⚛️ | التجويد للمبتدئين
{⑧} @tjwed4l
🗯🗯
⚛️ | للفردوس نسعى
{⑦} @al_ferdaws
🗯🗯
⚛️ | سنن مهجورة
{⑥} @iduccbb
🗯🗯
⚛️ | السيرة النبوية
{⑥} @firvvkt
🗯🗯
⚛️ | سؤال وجواب
{⑥} @ifus8yv
🗯🗯
⚛️ | الشفاء للرقية الشرعية
{⑥} @shfa114
🗯🗯
⚛️ | حكم ومواعظ
{④} @sob7ank
🗯🗯
⚛️ | غربة الدين
{④} @gorbtaldin
🗯🗯
⚛️ | صحيح البخاري ومسلم
{④} @Alb_khari
🗯🗯
⚛️ | فتاوى إسلامية وفوائد دعوية
{④} @ftaoaofaoaed
🗯🗯
⚛️ | درر السلف
{③} @grouo_dorar
🗯🗯
⚛️ | بدائع الصور والعبر
{③} @rawa3h
🗯🗯
⚛️ | عبارات واقتباسات
{③} @httpjdk
🗯🗯
⚛️ | نصائح تخص القرآن
{③} @MemorizingthealQuran
🗯🗯
⚛️ | نصيحة صيدلانية
{③} @saidllany
🗯🗯
⚛️ | أخطاء ونصائح دينية
{②} @fkdudnvkd
🗯🗯
⚛️ | العقيدة الإسلامية
{②} @dudjcvi
🗯🗯
⚛️ | ️الكلمة الطيبة ️ ️
{②} @Alaa30303
🗯🗯
⚛️ | التفسير والعلم الشرعي من
{②} @taliba_al3lm
🗯🗯
⚛️ | معلومات وخواطر
{②} @ma3lomatwa5awater
🗯🗯
⚛️ | صور من الطبيعة
{①} @eyhsasAH
🗯🗯
⚛️ | ️الطريق إلي الجنة .
{①} @thewaytoheaven111
🗯🗯

⚛️ | وَاصْبِرْ لِحُكْمِ رَبِّكَ
{①} @im_muslima
🗯🗯
⚛️ | ⇣• مجالس المتدبرين •⇣
{①} @mgals
🗯🗯
⚛️ | الدنيا ساعة اجعلهاطاعة
{①} @R_O_A_N_J_k
🗯🗯
⚛️ | مِحبَرَة العُلَماء
{⑧} @Almihbara
🗯🗯
⚛️ | ابتسـツـم وﻻ تيــ ـأس
{⑤} @aptaseem
🗯🗯
⚛️ | الدعوة إلى الله ‌ ️⁩
{⑤} @algrabaa
🗯🗯
⚛️ | المصحف المرتل لأكثر القراء
{④} @ooooo1223456
🗯🗯
⚛️ | واقع تيوب ️
{①} @A3chab3laajRr
🗯🗯
⚛️ | من وحي التراث العربي
{②} @KLNBBVG2024
🗯🗯
⚛️ | هنتغير لله
{②} @Hantghair
🗯🗯
⚛️ | لـ فقيدتي.
{③} @THANi11
🗯🗯
⚛️ | كُن مع الله ولاتُبالي
{④} @ahbk_rabbi
🗯🗯
⚛️ | فوائد الفرائد
{⑥} @IiIslamic_KnowlegesIiI
🗯🗯
⚛️ | منوعات إسلامية
{⑥} @x_Yemen
🗯🗯
⚛️ | جمال الطبيعة
{⑥} @TOP_1VIDEO
🗯🗯
⚛️ | وما زلت أنا
{⑨} @rroohww
🗯🗯
⚛️ | تفسير القرآن الكريم
{⑨} @tafser_qrangarim
🗯🗯
⚛️ | ️عناقيد~التوت ️
{①} @eanaqid7
🗯🗯
⚛️ | مقاطع دينية
{①} @DiniaAAA
🗯🗯
⚛️ | معاني غريب القران
{①} @Quran_wordss
🗯🗯
⚛️ | القرآن.. حفظ وتفسير
{②} @QuranRA
🗯🗯
⚛️ | أدعية من الكتاب والسنة
{②} @xyduch
🗯🗯
⚛️ | معاً إلى الجنة
{②} @hodhod777777
🗯🗯
⚛️ | فَضْفَضَةُ حَافِظَة ️
{②} @Fadafdat_hafiza
🗯🗯
⚛️ | نصائح أسريه
{②} @FamilyTip
🗯🗯

⚛️ | الْخَيْرُ بَيْنَ يَدِيِّكَ
{②} @alhirbenedek
🗯🗯
⚛️ | مُعلمي عُمر بِنْ ألخَطّاب
{②} @Eumar72
🗯🗯
⚛️ | - لصمتي حكاية .
{②} @hekayat000
🗯🗯
⚛️ | كل يوم حديث
{③} @djydhkvgxf
🗯🗯
⚛️ | هذا يقيني
{③} @yaqeeny
🗯🗯
⚛️ | طريق النجاة والفلاح
{④} @watazawd
🗯🗯
⚛️ | صحيح البخاري
{④} @asrvk
🗯🗯
⚛️ | أحَادِيث مع الشرح
{④} @sa7e7h
🗯🗯
⚛️ | نـــــور
{⑤} @QuranicFaith1
🗯🗯
⚛️ | آلتوبة
{⑤} @t_a_e_b_o_n
🗯🗯
⚛️ | قناة نصائح زوجية وأسرية
{⑥} @Nasaih_wsari55
🗯🗯
⚛️ | البيت السعيد للمتزوجين
{⑥} @Albit_said99
🗯🗯
⚛️ | 🪴بذرة خير
{⑥} @FTAW_feaid
🗯🗯
⚛️ | جماليات المنشاوي
{⑦} @jmalyaat
🗯🗯
⚛️ | الآ بذكر الله تطمئن القلوب
{⑪} @mydree
🗯🗯
⚛️ | سيرة أمهات المؤمنين
{⑫} @ucfuzjc
🗯🗯
⚛️ | درر ابن القيم
{⑫} @Ibn_alqaim
🗯🗯
⚛️ | رَفِيْقُ اَلْدَرْبِ
{⑳} @toheaven21
🗯🗯

☑للإشتراك في الليسته ↙️
@Alameen79thalofbot